Një makinë dhe një motor janë përfshirë në aksident rreth orës 18:30, në aksin rrugor “Elbasan-Librazhd”.

Mësohet se makina drejtohej nga 32-vjeçari me iniciale C. M., ndërsa motori nga shtetasi B. H..

Ky i fundit ka mbetur i plagosur dhe është dërguar në spital. Gjithashtu, në kujdesin e mjekëve dhe 2 pasagjerë që udhëtonin me makinë, të cilët fatmirësisht janë jashtë rrezikut për jetën.

Me drejtuesin e makinës po kryhen veprimet e mëtejshme procedural, ndërsa grupi hetimor në vendngjarje po vijon punën për përcaktimin e shkaqeve të aksidentit.

2 persona janë plagosur pas një aksidenti në fshatin Kurjan, Roskovec.

Një makinë tip “Volkswagen” është përplasur me një motor dhe si pasojë drejtuesi i motomjetit dhe pasagjeri në të janë lënduar.

Aktualisht ndodhen në spital nën kujdesin e mjekëve.

Grupi hetimor po punon për përcaktimin e shkakut të aksidentit.