QAFË BOTË- Pushimet e verës dhe rikthimi ose dalja jashtë vendit shoqërohet me pritje të gjata në pikat kufitare. Sot raportohet se ka patur sërish pritje te gjatë në pikën kufitare në Qafë Botë. Ashtu siç edhe dje problem është pala greke e cila po punon me pak sportele.

Raportohet se paraditen e sotme kanë kaluar në këtë pikë kufitare 1436 persona dhe 460 mjete. Në doganën greke po pohet me një sportel në hyrje dhe dalje. Kjo sjell vonesa të kalimit dhe krijhet radhë e gjatë duke pritur me orë të tëra në temperatura përvëluese.

Një zjarr ka rënë pasditen e sotme në një garazh makinash në qendër të qytetit të Vlorës, pranë zonës së njohur si Ish-Fabrika e Orizit. Flakët kanë përfshirë disa automjete që ndodheshin brenda hapësirës së mbyllur, duke shkaktuar panik në zonë dhe dëme materiale të konsiderueshme.

Në vendngjarje kanë mbërritur forcat zjarrfikëse, të cilat po punojnë intensivisht për shuarjen e flakëve. Sipas raportimeve paraprake, operacioni për neutralizimin e zjarrit është i vështirë për shkak të përmasave të flakëve dhe prezencës së lëndëve të djegshme në garazh.

Nuk ka ende informacion zyrtar për të lënduar apo për shkakun e mundshëm të shpërthimit të zjarrit. Autoritetet kanë nisur hetimet dhe u bëjnë thirrje qytetarëve të shmangin zonën për arsye sigurie.

Tuneli i Llogarasë ka shkaktuar trafik të rënduar, pavarësisht se ka vetëm dy ditë që është hapur për publikun dhe duhet të lehtësonte kalimin në këtë aks.

Qindra pushues janë bllokuar për orë të tëra në radhë kilometrike, në dalje dhe brenda tunelit në tentativë për të shkuar apo për t’u kthyer nga plazhet.

Sipas disa raportimeve në disa media, trafiku është shkaktuar nga qytetarët kuriozë që kanë marrë makinat e tyre dhe kanë nxituar për të parë këtë vepër të infrastukturës rugore.

Kujtojmë se kalimi në tunel këtë vit është falas, ndërsa vitin tjetër do të jetë pesë euro për makinë.