Policia identifikoi ngjarjen ku jane perdorur armet qe u gjeten te djegura diten e djeshme ne nje makine ne periferi te Tiranes. 

Njoftimi:

Në vijim të informacionit të dhënë dje, ku në afërsi të një impianti për përpunimin e inerteve, në Tapizë, u gjetën dy armë zjarri automatike dhe një krehër, brenda një automjeti tip “Peugeot”, të djegur plotësisht, bëjmë me dije se:

Nga veprimet hetimore të kryera ka rezultuar se ky automjet dyshohet të jetë përdorur nga autorët e ngjarjes së ndodhur me datë 03.10.2025, në rrugën “Besim Cera”, ku në murin rrethues të banesës së shtetasit Q. K. (i cili banon jashtë shtetit) janë konstatuar dëmtime të shkaktuara nga përdorimi i armës së zjarrit.

Ngjarja e ndodhur është konstatuar ditën e djeshme pas hetimeve dhe verifikimeve intensive të kryera nga grupi hetimor. Punohet intensivisht për identifikimin dhe kapjen e autorëve, si dhe për sqarimin e plotë të rrethanave të rastit.

Materialet procedurale i janë referuar Prokurorisë së Tiranës, për veprime të mëtejshme.

Një aksident ka ndodhur sot në rrugën “Antipatrea” në Berat, ku një shofer 20-vjeçar nga Skrapari ka përplasur një këmbësore.

Aksidenti ka ndodhur paraditen e sotme dhe pas ngjarjes, e moshuara është transportuar menjëherë në spitalin e Beratit për trajtim mjekësor.

Autoritetet po hetojnë për rrethanat e aksidentit dhe po monitorojnë gjendjen e të plagosurës, e cila ndodhet në kujdesin e mjekëve.

Njoftimi i policisë :

Arrestimi në Flagrancë për Aksident Rrugor në Berat  – Specialistët e Sektorit të Qarkullimit Rrugor kanë arrestuar në flagrancë shtetasin F. G., 20 vjeç, banues në Skrapar, pas një aksidenti të ndodhur në rrugën “Antipatrea” në Berat.

Ai dyshohet se ka përplasur këmbësoren H. T., 68 vjeçe, e cila pas aksidentit u transportua menjëherë në spital.

UZBEKISTAN – Javën e kaluar, Ubzekistani u kualifikua për Kupën e Botës për herë të parë në historinë e tij, dhe lojtarët që siguruan këtë sukses, u vlerësuan si heronj kombëtarë.

Pesë ditë pas kualifikimit në Botëror, ata morën njohje shtetërore dhe makina të reja në fushë pas ndeshjes kundër Katarit, ndeshjes së fundit të raundit kualifikues.

Makinat BYD u rreshtuan në fushë për t’u dorëzuar, me secilin lojtar që mori me radhë makinën e tij dhe gjithashtu një pllakë përkujtimore të dhuruar nga Shavkat Mirziyoyev, presidenti i Uzbekistanit.

Nëse kualifikimi për Kupën e Botës është një dhuratë e këtij niveli, çfarë ka rezervuar udhëheqësi i shtetit për një fushatë të mundshme më të mirë vitin e ardhshëm?

Krumë, 17 maj 2025 – Një aksident rrugor ka ndodhur mbrëmjen e sotme në fshatin Zahrisht të Krumës, ku një automjet ka dalë nga rruga duke shkaktuar plagosjen e dy personave.

Ngjarja ndodhi rreth orës 20:25, kur shtetasi L. M., duke udhëtuar me makinën e tij bashkë me babain, shtetasin I. M., dyshohet se ka humbur kontrollin mbi drejtimin e mjetit dhe për pasojë automjeti ka dalë nga rruga.

Të dy të lënduarit janë transportuar në spital dhe ndodhen jashtë rrezikut për jetën. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.

Në rrjetet sociale, këto ditë, janë bërë virale disa statuse në “Facebook” të Rozana Radës për Neda Ballukun, kur kjo e fundit ishte banore në “Big Brother 4”.

Tashmë, Rozana është konkurrente në “Big Brother VIP 4” dhe Neda Balluku është opinioniste në këtë reality show, ku përplasjet mes tyre nuk kanë munguar. Rozana vazhdimisht e ka cilësuar Nedën të njëanshme me opinionet që ka dhënë. Ndërkohë, në nisje të spektaklit të sotëm, dy vajzat u sqaruan me njëra-tjetrën.
Neda u shpreh se statusi i Rozanës “mbajeni Nedën larg nga rrugët kryesore kur të dalë se do ta shtyp me makinë”, i bërë në 17 mars 2011, është më i rëndë që ka lexuar ndonjëherë për veten. Megjithatë, theksoi se për herë të parë këtë deklaratë e mësoi të shtunën e kaluar dhe se nuk ka asnjë inat ndaj Rozanës.

Rozana: Nuk është foto e profilit tim, por unë mund të kem bërë këtë status.

Neda: Është muaji i Ramazanit dhe e kam për detyrë të sqaroj opinionin publik që jam përballur me këto statuse për herë të parë në 15 vite. Nëse do isha përballur me këto statuse, do më kishin prekur, por është hera e parë që I lexoja të shtunën. Nuk i kam ditur, po t’i dija do ta kisha vënë këtë produksion në dijeni. Ajo që kam kuptuar gjatë kohës, kam ndiej një lloj urrejtjeje nga Rozana. Më tha për herë të parë që e kisha personale kur i thashë pse e fali Jozin, kur i tha atë që i tha. Nuk kam qenë në asnjë moment personale dhe për këtë betohem për ata tre fëmijë që kam në shtëpi. Jam e qartë që jam opinioniste që kam qëndrime të forta, besoj për këtë bien dakord të gjithë banorët. Unë që sot jam e gatshme që çfarëdolloj vendimi të merret nga ky produksion, jam e gatshme ta pranoj. Unë jam e gatshme të bëj punën time, por nuk jam hipokrite. E them me plot gojë, që e kam ndierë urrejtjen dhe më vjen keq që më është bërë të ndiej në shpinë përgjegjësi për gjëra që s’kam pasur…

Unë Rozanën e kam takuar vetëm një herë. Ju mendoni se unë kam pasur diçka personale me Rozanën

Rozana: Më pyet mua dhe unë them po

Neda: Rozana mundohet të më faturojë gjëra që unë nuk kam… jam e qartë që personalja ka qenë nga ana e kundërt, jo nga ana ime. Jam e hapur për çdo dëshirë që shpreh produksioni

Rozana: Tani, që të mos filloj dhe unë të zë be (betohem), nuk e di me kë po flasim, me Rozanën para 14 vitesh apo me Rozanën sot. Unë në dëshminë e penalitetit, rezultoj e pastër. Unë në atë kohë s’kam pasur makinë, e shumta do kem pasur ndonjë biçikletë. Fakti që ti mban mend që je takuar me mua dhe nuk të është prekur asnjë fije floku, je shëndoshë e mirë. Unë e dija që do ishe opinioniste dhe s’kam menduar në asnjë moment t’i them produksionit unë me këtë kam pasur këtë atë…. Por, si opinioniste, me rezulton që ke thënë 2-3 gjëra që nuk kanë qenë të vërteta. Dhe të kam thënë, po manipulon dhe aty të kam thënë, e ke personale me mua. Nëse e kam fyer me statusin që kam bërë, publikisht i kërkoj të falur. Në Facebook-un tim, kanë qenë vetëm 1000 veta në atë kohë. Kam bërë një gjë që nuk ia uroj askujt, por unë nuk mendoj se Neda nuk i ka lexuar këto statuse.

Neda: Ledion, dy gjëra. E përsëris pozicionin tim. Jam sulmuar pikërisht për këtë pozicion, nuk më është lënë të çoj mendimin tim deri në fund. Por, edhe të kalojmë dhe të minimizojmë me filtra kohorë një gjuhë dhune që në 2011 lejohej dhe në 2025 nuk lejohet… gjuha e dhunës nuk mund të minimizohet

Një aksident ka ndodhur në aksin rrugor Lezhë-Shkodër, pranë kryqëzimit të Gjadrit.

Një makinë ka përplasur me një motor dhe për pasojë ka mbetur i plagosur rëndë drejtuesi i motorit.

Sipas të dhënave paraprake, përplasja ka qenë e fortë, dhe i plagosuri është dërguar me urgjencë në spitalin rajonal të Lezhës.

Një i ri shqiptar 20-vjeçar u arrestua në Torino, Itali, pasi u kap duke drejtuar një makinë të vjedhur në korsinë e gabuar dhe në drejtim të kundërt, duke rrezikuar një aksident të mundshëm.

Ngjarja ndodhi rreth orës 03:00 të mëngjesit të sotëm në zonën Mirafiori, në rrugën “Ignazio Collino”. Policia e vuri re të riun teksa ndalonte në një kryqëzim dhe u përpoq ta ndalonte, por ai tentoi të arratisej. Pasi nuk ia doli të largohej me automjet, e braktisi atë dhe u largua me vrap, por u kap pas pak minutash nga patrulla.

Nga verifikimet, rezultoi se automjeti ishte vjedhur një muaj më parë, ndërsa dyshohet se i riu është pjesë e një grupi grabitësish. Gjykata e la të riun në arrest shtëpie, ndërsa hetimet po vazhdojnë për të zbardhur aktivitetin e tij kriminal.

Një aksident ka ndodhur në aksin nacional Berat-Dimal,në vendin e quajtur “Kthesa e Lapardhasë”.

Automjet, tip “Toyota”, ka dalë nga rruga dhe është përplasur me një shtyllë tensioni të lartë.

Gazetarja Eneida Petova raporton se drejtuesi i mjetit, Dhimitër Papa, është transportuar me ambulancë drejt Spitalit Rajonal Berat, ku po merr mjekim pas plagëve të marra nga përplasja dhe ndodhet jashtë rrezikut për jetën, pa dëmtime serioze.

Mendohet se shkak për aksidentin është bërë lagështira në rrugë, ndërkohë që efektivë të policisë rrugore ndodhen në vendngjarje, për të zbardhur dinamikën e aksidentit.

Si pasojë e aksidentit janë dëmtuar edhe lidhjet e linjës elektrike të zonës, pas përplasjes me shtyllën e tensionit të lartë.

Në zonë kanë shkuar edhe punonjësit e OSHEE-së, të cilët kanë nisur riparimin e dëmtimit të shkaktuar nga përplasja,për të rikthyer sa më shpejt energjinë elektrike në këtë zonë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Goditet një rast tjetër në fushën e narkotikëve.

Një person është arrestuar dhe tre të tjerë janë arrestuar këtë të hënë në Lezhë, pasi lëviznin me doza kanabisi në makinë.

Gjatë kontrollit fizik, policia gjeti dozat e kanabisit nën sedijen ku ishte ulur njëri prej të proceduarve.

“Lëviznin në qytet, me sasi Cannabisi në automjet, për ta shitur në doza, arrestohet 1 shtetas dhe procedohen penalisht 3 të tjerë.

Sekuestrohen lënda narkotike dhe automjeti me të cilin lëviznin këta shtetas.

Gjatë kontrolleve të kryera 24/7, nga Forca e Posaçme “Shqiponja” e DVP Lezhë, me qëllim parandalimin, evidentimin dhe goditjen e paligjshmërive, si dhe për garantimin e rendit dhe sigurisë publike, në lagjen “SMT”, është ndaluar automjeti tip “Golf”, i cili drejtohej nga shtetasi K. B., 22 vjeç dhe kishte pasagjerë shtetasit S. K., 19 vjeç, K. B., 22 vjeç dhe S. Sh., 23 vjeç, të katërt banues në Mamurras.

Nga kontrollet, nën sediljen ku ishte ulur 19-vjeçari, është gjetur një sasi lënde narkotike Cannabis Sativa, e cila dyshohet se posedohej me qëllim shitjen.

Në përfundim të veprimeve procedurale për rastin, specialistët e Seksionit për Hetimin e Narkotikëve të DVP Lezhë arrestuan shtetasin S. K. dhe referuan materialet në Prokurori, ku nisi procedimi në gjendje të lirë, për 3 shtetasit e tjerë.

Materialet procedurale i kaluan Prokurorisë pranë Gjykatës së Juridksionit të Përgjithshëm Lezhë, për veprime të mëtejshme, për veprën penale “Prodhimi dhe shitja e narkotikëve”, thuhet në njoftimin e policisë.

Akuzoher se përplasi për vdekje me makinë këmbësorin në Fier, 47-vjeçari arrestohet nga policia.

Specialistët e Qarkullimit Rrugor arrestuan në flagrancë shtetasin M. J., 47 vjeç, banues në Fier, raporton noa.al.

Hetimet që çuan në arrest nxorën se 47 vjeçari, duke drejtuar automjetin ka përplasur këmbësorin, shtetasin I. B., 75 vjeç.

I moshuari, si pasojë e përplasjes dhe plagëve të marra, ka humbur jetën.

Më herët policia gaboi në identitetin e viktimës ndaj lëshoi këtë komunikatë:

“Sqarojmë se në njoftimin paraprak të dhënë më parë, gjeneralitetet dhe mosha e shtetasit që humbi jetën nuk ishin të sakta.

Pas verifikimeve të kryera në morgun e Spitalit Fier me ndihmën dhe të familjarëve, rezultoi se gjeneralitetet janë I.B., 75 vjeç dhe jo L.Ç., 81 vjeç.”

Materialet procedurale i kaluan Prokurorisë për veprime të mëtejshme.