Byroja Federale e Hetimeve (FBI) arrestoi dy persona në Utah të SHBA-së pasi një bombë u gjet poshtë një automjet të televizionit FOX 13 News në Salt Lake City, sipas burimeve zyrtare amerikane.

Të dyshuarit, Adeeb Nasir, 58 vjeç, dhe Adil Justice Ahmed Nasir, 31 vjeç, përballen me akuza të shumta, duke përfshirë “Kërcënim Terrorizmi”, “Posedim Armësh të Shkatërrimit në Masë” dhe “Posedim Pajisjesh Shpërthyese”.

Pajisja u gjet të premten, më 12 shtator dhe u përcaktua të ishte e vërtetë, raportoi FOX 13. Zyrtarët thanë se pajisja ishte ndezur, por “nuk funksionoi”.

Skuadra e Bombave të Policisë së Salt Lake City dhe Skuadra e Zjarrvënieve/Bombave e Autoritetit të Unifikuar të Zjarrfikësve e gjetën pajisjen nën një automjet të FOX 13 News që ishte parkuar pranë një ndërtese të banuar.

Dokumentet e para nga Fox News Digital tregojnë gjithashtu se për shkak të natyrës së pajisjes dhe vendosjes së saj, incidenti përbënte një kërcënim të rëndësishëm për sigurinë publike.

Hetuesit e gjurmuan pajisjen deri në një shtëpi pranë 2700 South dhe 8500 West në Magna, ku thuhej se jetonin të dy të dyshuarit.

Agjentët federalë dhanë një urdhër kërkimi në pronë, teksa skuadra e bombave të Salt Lake City siguroi që shtëpia ishte e sigurt për t’u hyrë.

Brenda, oficerët gjetën dy armë të rreme të shkatërrimit në masë, dy armë zjarri, pajisje për prodhimin e bombave dhe drogë. Shtëpitë aty pranë në lagje duhej të evakuoheshin ndërsa autoritetet kontrolluan zonën.

Hetuesit thanë se, përveç materialeve shpërthyese, oficerët gjetën “armë zjarri dhe artikuj të lidhur me armë zjarri, narkotikë të paligjshme dhe pajisje elektronike që besohej në mënyrë të arsyeshme se përmbanin prova të krimeve”.

Autoritetet thanë se veprimet e të dyshuarve përbënin një “rrezik të konsiderueshëm për viktima masive”.

Adeeb Nasir dhe Adil Justice Ahemd Nasir po mbahen në burgun e Qarkut Salt Lake.

“FOX 13 News po punon ngushtë me zbatimin e ligjit dhe ekipin tonë të menaxhimit të riskut, me sigurinë e punonjësve tanë si përparësinë tonë kryesore”, tha Menaxherja e Stacionit FOX 13, Leona Wood.

Tiranë, 19 qershor 2025 – Mbi 256 mijë mjete rezultojnë me detyrime të papaguara për taksat vjetore në të gjithë vendin, ndërsa autoritetet kanë paralajmëruar një seri masash ndëshkuese për pronarët që nuk i shlyejnë borxhet në kohë.

Sipas të dhënave zyrtare të DPSHTRR, numri i mjeteve debitorë arrin në 256,741, me një përqindje të lartë (39%) të përqendruar në qarkun e Tiranës, e ndjekur nga Durrësi dhe Shkodra. Pjesa dërrmuese e këtyre debitorëve janë individë (84%), ndërsa pjesa tjetër janë biznese. Borxhi total përllogaritet në rreth 17 miliardë lekë (170 milionë dollarë), që daton nga viti 2012 deri në qershor 2025.

Masat ndëshkuese që po zbatohen për përmbledhjen e detyrimeve përfshijnë:

Njoftime të përsëritura nga Drejtoritë Rajonale të Transportit

Paralajmërime përmes platformës “e-Albania”

Monitorim në terren me sistemet e kontrollit

Ndalim i ofrimit të shërbimeve për mjetet me borxhe

Informimi i Drejtorive të Tatimeve për mbledhjen me forcë të borxheve

Njoftimi i Policisë për sekuestrim të mjeteve në rast qarkullimi pa kolaudim

Dërgimi i të dhënave edhe bashkive, që përfitojnë 25% të këtyre taksave

Penalizime në formën e gjobave ose ndalimeve administrative

Këto masa sjellin pasoja të menjëhershme për pronarët e mjeteve debitorë, të cilët nuk mund të kryejnë asnjë veprim si ndryshim prone, rinovim targash, certifikim për xhama të errësuar, pajisje me leje qarkullimi, kolaudim apo çregjistrim mjeti.

DPSHTRR apelon që të gjitha detyrimet të shlyhen sa më parë për të shmangur penalitetet dhe për të siguruar aksesin e vazhdueshëm në shërbimet e transportit. Ndërkohë, shumë prej mjeteve rezultojnë në pronësi të emigrantëve ose qytetarëve që nuk i përdorin më, por nuk kanë kryer çregjistrimin. Po ashtu, disa pronarë presin një falje të mundshme të gjobave, si në vitin 2017, kur u miratua ligji për fshirjen e detyrimeve të vjetra doganore dhe tatimore.

Një aksident ka ndodhur në Tepelenë rreth orës 19:50 në rrugën e fshatit Luzat, kur shtetasi Z. Ç., 65 vjeç, ka humbur kontrollin mbi automjetin e tij, duke dalë nga rruga. Si pasojë e këtij aksidenti, janë dëmtuar lehtë si drejtuesi i mjetit, Z. Ç., ashtu edhe pasagjeri, shtetasi S. K.

Të dy të lënduarit po marrin ndihmën mjekësore në Spitalin Rajonal të Gjirokastrës, dhe ndodhen jashtë rrezikut për jetën.

Grupi hetimor ka nisur punën për të sqaruar shkaqet dhe rrethanat e këtij aksidenti.

Njoftimi i policisë:

Tepelenë/Informacion paraprak

Rreth orës 19:50, në rrugën e fshatit Luzat, shtetasi Z. Ç., 65 vjeç, banues në Tepelenë, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë janë dëmtuar lehtë shtetasi Z. Ç., dhe pasagjeri shtetasi S. K., të cilët po marrin ndihmë mjekësore në Spitalin Rajonal Gjirokastër.

Grupi hetimor po punon për sqarimin e rrethanave të aksidentit.

Një 57-vjeçar është proceduar penalisht pasi pasi dyshohet se ka çarë gomat e automjetit të shtetases me iniciale H. K., 32 vjeçe.

Nuk dihen ende shkaqet që çuan në një akt të tillë.

Materialet procedurale iu referuan Prokurorisë së Fierit, për veprime të mëtejshme.

NJOFTIMI
Komisariati i Policisë Fier referoi materialet në Prokurori, ku nisi procedimi penal për shtetasin A. Sh., 57 vjeç, banues në Fier, pasi dyshohet se ka çarë gomat e automjetit të shtetases H. K., 32 vjeçe.

Të tjera detaje janë zbardhur në lidhje me vrasjen me armë zjarri të Bujar Nasufit mbrëmjen e sotme, në Tiranë.

Mësohet se 56-vjeçari është person i paskeduar më parë nga policia, i cili është qëlluar në makinë, ku ndodhej vetëm. Ai së bashku me vëllain, ishin pronarë të një mobilierie në zonën e “Pallatit me Shigjeta”, ku dhe iu bë dhe atentati. Dyshohet se në momentin që është qëlluar, sapo ka dalë nga biznesi, teksa dëshmitarët kanë parë mjetin e viktimës të ndaluar.
Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar. Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit.

Një ngjarje e rëndë ka ndodhur pranë fshatit Vrinë të Bashkisë Konispol, ku një 33-vjeçar është gjetur i vdekur brenda automjetit të tij të aksidentuar.

Viktima është identifikuar si Klodian Karoshi, banues në fshatin Shëndëlli, i cili dyshohet se ka humbur kontrollin e mjetit duke dalë nga rruga dhe përfunduar në një kanal në aksin Vrinë-Butrint.

Aksidenti dyshohet të ketë ndodhur mbrëmjen e djeshme, pasi Karoshi nuk iu përgjigjej telefonatave të familjarëve. Mjeti dhe trupi i pajetë i tij janë gjetur sot nga një bari i zonës.

Policia e Sarandës ka nisur hetimet për të përcaktuar rrethanat dhe shkaqet e këtij aksidenti tragjik. Klodian Karoshi, i cili ishte prind i një fëmije dhe djalë i vetëm në familje, ka lënë pas dhimbje të thellë tek të afërmit e tij.

Një çift të rinjsh në Itali janë gjetur të vdekur në një garazh në Secondigliano, lagje periferike në Napoli.

Sipas mediave të huaja, kufomat e tyre i gjeti babai i djalit 24-vjeçar brenda një makine ku ata ndodheshin.

Në momentin që u gjetën të pajetë, ata ishin të zhveshur, të shtrirë në një nenjëse dhe dyshohet se kanë humbur jetën nga tymi i lëshuar nga makina.

Kjo skenë zhyti në dëshpërim absolut babanë e viktimës, Vincenzo Nocerino, një djalë 24-vjeçar.

Zbulimi u bë mëngjesin e sotëm në orën 8.30 kur ai ngriti grilat e garazhit në via Fosso de Lupo në Secondigliano.

Ndërkohë Policia po punon për zbardhjen e plotë të rrethanave të ngjarjes.