Një banesë në lagjen “Makaj” në Malësi të Madhe është përfshirë nga flakët. Shkak dyshohet se është bërë një shkëndijë elektrike.

Si pasojë janë shkaktuar vetëm dëme materiale. Grupi hetimor në vendngjarje po punon për përcaktimin e shkakut të rënies së zjarrit.

Një incident i rëndë ka ndodhur sot në fshatin Vrakë të Malësisë së Madhe, ku dy persona janë plagosur gjatë një përplasjeje që ka përfshirë edhe armë zjarri.

Sipas informacionit të parë, dy të plagosurit janë transportuar me urgjencë në spitalin rajonal të Shkodrës për të marrë ndihmë mjekësore.

Stafi mjekësor është duke ofruar kujdesin e nevojshëm dhe gjendja e tyre është raportuar si e qëndrueshme, por në vëzhgim të afërt.

Policia ka mbërritur në vendngjarje dhe është duke kryer hetime për të zbardhur rrethanat dhe motivet e këtij episodi të dhunshëm.

Deri tani, motivet e incidentit mbeten të paqarta, dhe autoritetet po punojnë për të mbledhur të gjitha informacionet e nevojshme për të zbardhur ngjarjen.

Dy persona janë vënë në pranga nga policia pasi kishin kultivuar bimë narkotike në fshatin Selcë të Malësisë së Madhe.

Si rezultat i megaoperacionit ‘Territor i pastër’ u vunë në pranga Durim Rama, 57 vjeç në Elbasan dhe Sajmir Kacoli, 39 vjeç banues në fshatin Hot.

Durim Rama ishte shpallur në kërkim më herët më 3 korrik 2024, për kultivimin e kanabisit në Selcë, bëhet fjalë për 2464 bimë narkotike kanabis sativa, kurse Sajmir Kacoli u identifikua gjatë hetimit 1 mujor proaktiv.

‘Në vijim të veprimeve operacionale dhe hetimore, të kryera në kuadër të megaoperacionit “Territor i pastër”, Seksioni për Hetimin e Krimeve i Komisariatit të Policisë Malësi e Madhe kapi dhe vuri në pranga shtetasit D. R., 57 vjeç, banues në Elbasan dhe S. K., 39 vjeç, banues në fshatin Hot.

57-vjeçari ishte shpallur në kërkim, më datë 03.07.2024, si autor i dyshuar i kultivimit të 2464 bimëve narkotike cannabis sativa, në fshatin Selcë, ndërsa shtetasi S. K. u identifikua si bashkautor në këtë veprimtari kriminale, si rezultat i hetimit proaktiv.’, njofton policia.

Një 30-vjeçar është plagosur me armë zjarri në Malësi të Madhe. Sipas policisë, ngjarja ka ndodhur në fshatin Vermosh, ndërsa mësohet se autori është Gjergj Marku.about:blank

Plagosja ka ndodhur pas një konflikti për motive të dobëta, ndërsa raportohet se Marku i ka dëmtuar edhe makinën personit që e plagosi.

Autori u arrestua nga policia pas disa minutash ndjekje. Ndërkohë në vijim të veprimeve, nisi procedimi në gjendje të lirë për bashkëshorten e shtetasit Gjergj Marku, pasi ka qenë prezent gjatë konfliktit dhe e ka kanosur 30-vjeçarin.

Plagosi me armë zjarri një shtetas dhe tentoi të largohej nga vendi i ngjarjes, falë reagimit në kohë të shërbimeve të Policisë, kapet dhe vihet në pranga 55-vjeçari.

Shërbimet e Policisë, pas njoftimit se në vendin e quajtur “Qafa e Bardelecit”, në fshatin Vermosh, Malësi e Madhe, ishte plagosur me armë zjarri një shtetas, kanë shkuar menjëherë në këtë adresë. Nga veprimet e para hetimore rezultoi se pas një konflikti për motive të dobëta, shtetasi Gj. M. kishte plagosur me armë zjarri pistoletë, në dorë, shtetasin M. P., 30 vjeç, i cili ndodhet jashtë rrezikut për jetën. Gjithashtu, shtetasi Gj. M. ka dëmtuar automjetin e shtetasit D. Q. dhe e ka kanosur atë, pasi i ka ofruar ndihmë shtetasit të plagosur.