Një shtetas shqiptar dyshohet për pastrim parash, më saktë 940,000 euro, të fituara përmes shitjes së drogës, dhe po tentonte t’i fuste në Shqipëri prëj Malit të Zi.

“Një shtetas shqiptar me inicialet T. M dyshohet se ka transferuar 940,000 euro, të fshehura në një automjet mallrash, nga Austria në Slloveni, nga Sllovenia në Kroaci dhe nga Kroacia në Mal të Zi, me qëllim që t’ia dorëzonte një personi të panjohur në Shqipëri”, njoftoi Prokuroria Speciale e Malit të Zi.

Në deklaratë thuhet se paratë u gjetën gjatë një kontrolli dhe kërkimi në pikën kufitare Bo?aj midis Malit të Zi dhe Shqipërisë dhe u sekuestruan përkohësisht.

Zyrtarët e Administratës Doganore dhe të Departamentit Special të Policisë së Administratës së Policisë ndërmorën veprime në bashkëpunim dhe në zbatim të urdhrit të Prokurorisë Speciale të Shtetit.

Aktakuza propozon që të dyshuarit t’i zgjatet paraburgimi dhe të konfiskohen paratë e gjetura dhe automjetet që ai përdori për të kryer krimin.

Dy vatra zjarri janë shfaqur sërish në malin e Tomorit, në pyllin me pisha në vendin e quajtur shtegu i Jahupit.

Zjarri fillimisht  ka nisur nga shkurret e thata, mē pas favorizuar nga era ka marrë përmasa të mëdha.

Flakët po përpijnë drurë e shkurre në gjithë zonën me pyje.

Ka nisur ndërhyrja nga ajri për shuarjen e flakëve në Malin e Thatë.

Punonjësit në terren kanë bërë të pamundurën për të ngushtuar perimetrin duke luftuar me flakët edhe gjatë mbrëmjes, por mëngjesin e sotëm favorizuar edhe nga era, flakët kanë zbritur më poshtë nga kahu në drejtim të Goricës dhe sipas informacioneve kanë depërtuar më thellë në pyll. Gjithashtu sot në terren kanë zbritur rreth 100 forca zjarrfikëse, ndërsa sfida është të mos preket Parku Kombëtar i Prespës.

Situata në Malin e Gjerë të “pushtuar” nga flakët paraqitet kritike. Raportohet se flakët po përparojnë drejt qytetit të Gjirokastrës.Rreth orës 04:30 forcat zjarrfikëse, ushtria dhe vullnetarë u nisën drejt Malit të Gjerë, për të ndërhyrë për shuarjen e vatrave të zjarrit.

Ndërkohë zjarrfikësit dhe ushtria janë në “luftë” me flakët për vendosjen e situatës nën kontroll.