Kujtojmë se një ditë më parë në Hercegnovi, rreth shtatë persona dhunuan në mënyrë barbare tre shqiptar.

përveç pesë të arrestuarve, janë shpallur në kërkim dhe dy të tjerë të dyshuar.

Sipas autoriteteve malazeze autorët janë me kombësi malazeze nga Hercegnovi.

Më herët, njëri prej shqiptarëve të dhunuar në Malin e Zi, Klodian Meaj nga njësia Postribë në Shkodër ka dhënë një dëshmi në policinë shqiptare.

Shkodrani ka treguar disa detaje më shumë se si ka ndodhur ngjarja duke rrëfyer se kanë patur një flamur shqiptar në pasqyrën e automjetit me të cilin po udhëtonin.

Sipas tij dyshimet kryesore janë se dhunimi ndaj prej shtetasve malazez tashmë të identifikuar ka ardhur për shkak të atij flamuri.

Në njoftim bëhet me dije se shqiptarët pasi kanë dhënë deklarimet janë kthyer në Atdhe.

Gjithashtu sqarohet se autorët e dyshuar janë identifikuar dhe se do të merren masa për arrestimin e tyre.

Reagimi i policise:

Në vijim të informacionit për tre shtetasit shqiptarë të dhunuar në Mal të Zi, ju informojmë se:
Policia malazeze ka kryer të gjitha veprimet e para procedurale dhe tre shtetasit shqiptarë kanë dhënë deklarime në prani të një avokati (njohës i gjuhës shqipe) dhe të përfaqësuesve të ambasadës shqiptare në Malin e Zi.

Në përfundim të veprimave të para, tre shtetasit shqiptarë, me dëshirën e tyre, janë nisur për në Shqipëri.

Drejtuesit e Policisë së Shtetit iu kanë kërkuar homologëve të Malit të Zi, që për çështje sigurie, të tre shtetasit shqiptarë t’i shoqërojnë me punonjes policie, deri në kufi.about:blank

Tre shtetasit shqiptarë kanë mbërritur në PKK Muriqan, rreth ores 05:30 dhe janë pritur nga drejtuesit e pikës së kalimit kufitar Muriqan dhe të Drejtorisë Vendore për Kufirin dhe Migracionin Shkodër, të cilët i kanë shoqëruar deri në Spitalin Rajonal Shkodër ku shtetasit shqiptarë kanë kryer të gjitha kontrollet mjekësore, nga të cilat kanë rezultuar pa probleme.
Në lidhje me veprimet procedurale dhe identifikimin e autorëve, sipas informacionit të dërguar nga kolegët në Malit e Zi, rezulton se:

Policia ka ndërmarrë veprime me qëllim zbardhjen e të gjitha rrethanave në të cilat kanë mbetur të plagosur shtetasit shqiptarë.about:blank

Janë kontrolluar videot e kamerave të vëzhgimit nga ndërtesat pranë ngjarjes.

Përmes punës operative në terren, efektivët e policisë kanë identifikuar tre persona nga Herceg Novi, si autorë të sulmit fizik, identiteti i të cilëve më pas është përcaktuar dhe do merren masa për kapjen dhe arrestimin e tyre.about:blank

Ngjarja është dërguar për kompetencë te Prokurori i cili do të deklarojë kualifikimin ligjor të rastit.

Vijojnë intensivisht hetimet për identifikimin e autorëve të tjerë të përfshirë dhe për zbardhjen dhe dokumentimin e plotë ligjor të kësaj ngjarjeje.

Janë identifikuar tre personat e dyshuar për sulmin fizik ndaj shtetasve shqiptarë në Zelenikë.about:blank

Lajmin e ka bërë të ditur Policia e Malit të Zi përmes një njoftimi, ku thuhet se po punohet për kapjen e tyre.

Sipas Policisë, njoftimi është marrë në orët e pasdites, ku përmes telefonit është raportuar në shërbimin kujdestar të Departamentit të Sigurisë në Herceg Novi se në rrugën kryesore në qytetin e Zelenikës në Malin e Zi ka pasur shkelje të rendit dhe qetësisë publike nga disa persona të panjohur.

Ata thonë se në vendngjarje janë dërguar pjesëtarë të Policisë ku kanë konstatuar tre persona, të gjithë shtetas shqiptarë, të cilët kishin lëndime të dukshme dhe më pas janë dërguar për të ofruar ndihmë mjekësore.

Po ashtu thuhet se punonjësit e policisë kanë ndërmarrë veprime me qëllim të zbardhjes së të gjitha rrethanave në të cilat kanë mbetur të plagosur personat e përmendur. Janë marrë videot e kamerave të vëzhgimit nga ndërtesat pranë ngjarjes.

Për ngjarjen është njoftuar prokurori kompetent, i cili do të vijojë hetimet në lidhje me këta persona, por edhe për identifikimin e autorëve të tjerë të mundshëm, për të cilët publiku do të njoftohet me kohë.about:blank

Gjithashtu në njoftim thuhet se personat e sulmuar kanë qenë në një automjet pa targa të Republikës së Shqipërisë dhe sipas informacioneve të deritanishme, pra sipas informacioneve të disponueshme, shkaku i ngjarjes ka qenë një konflikt i momentit, thuhet në njoftimin e Drejtorisë së Policisë.