Policia ka arrestuar 2 persona dhe ka shpallur në kërkim 2 të tjerë, pasi akuzohen për kultivim kanabisi që më pas e shisnin në Greqi.

Në kuadër të operacionit policor të koduar “Grupi”, u arrestuan dy financuesit e kultivimit, shtetasit Leonard Xhemollari 45 vjeç, banues në Maliq dhe Gentian Muço 48 vjeç, banues në Korçë.

Ndërkohë, u shpallën në kërkim dy organizatorët e trafikimit, shtetasit Rexhildo Berberi 42 vjeç dhe Abidin Guraj 35 vjeç, të dy banues në Korçë.

“Pas hetimesh të thelluara me metoda proaktive, identifikohen financuesit dhe organizatorët e kultivimit, prodhimit dhe trafikimit të kanabisit në territorin e fshatit Polovisht, në Maliq. Lënda narkotike e prodhuar magazinohej në fshatin Voskop, Korçë, ku kryhej procesi i tharjes dhe i përpunimit, me qëllim transportimin e saj drejt shtetit grek”, tha policia.

Sipas bluve, dy shtetasit e shpallur në kërkim janë organizatorë të trafikimit të lëndëve narkotike në 4 raste të mëparshme, të goditura nga Policia.

Në cilësinë e provës materiale, pjesëtarëve të grupit iu sekuestruan fenelina policie, pajisje GPS, pajisje gjurmimi, kamera dhe pajisje regjistrimi të fshehta, targa automjetesh, USB, karta memorie, DVR, laptop, dron, kontrata shitblerjeje dhe përdorimi të automjeteve të ndryshme.

Gjatë kontrollit të ushtruar në banesën e shtetasit R. B., të shpallur në kërkim, në katin e parë të banesës u zbulua një ambient i përshtatur për modifikimin e automjeteve.

Rexhildo Berberi dhe Abidin Guraj, sipas policisë, janë organizatorë të trafikimit të kanabisit në katër raste të goditura më parë nga Policia:

Ngjarja e datës 08.06.2025, ku u arrestua në flagrancë shtetasi V. B., që u kap me 6 kg lëndë narkotike të dyshuar heroinë, në PKK Kapështicë;

Ngjarja e datës 25.04.2024, ku u arrestuan shtetasit K. SH. dhe H. M., të cilët u kapën me një sasi prej 12.5 kg lëndë narkotike, e dyshuar kanabis;

Ngjarja e datës 23.09.2023, ku u arrestua shtetasi K. K., në qytetin e Pogradecit, me një sasi prej 52.6 kg lëndë narkotike, kanabis;

Ngjarja e datës 27.11.2023, ku u arrestuan shtetasit L. L. dhe S. P., dhe u kap në shtetin grek një sasi prej 26 kg lëndë narkotike.

Të katër këta shtetas dyshohet se, në bashkëpunim me njëri-tjetrin, në fshatin Polovisht–Maliq, kanë kultivuar bimë narkotike dhe e kanë magazinuar në fshatin Voskop, Korçë, ku kryhej procesi i tharjes dhe i përpunimit, dhe më pas do të bëhej transportimi i saj drejt shtetit grek.

Operacioni vijon për identifikimin dhe dokumentimin e përfshirjes së personave të tjerë të implikuar në këtë ngjarje kriminale.

Materialet procedurale u referuan në Prokurori për veprime të mëtejshme, për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Trafikimi i narkotikëve”

Korçë, 19 Korrik 2025 – Një aksident i rëndë me përfshirjen e tre automjeteve ka ndodhur në aksin rrugor Korçë–Maliq, në afërsi të fshatit Symiz.

Si pasojë e përplasjes, dy persona kanë mbetur të plagosur dhe janë dërguar me urgjencë në spitalin e Korçës për ndihmë mjekësore.

Policia rrugore ndodhet në vendin e ngjarjes dhe po kryen hetimet për të sqaruar dinamikën dhe shkaqet që çuan në aksident.

Një banesë në fshatin Volçisht në Maliq është përfshirë nga flakët ditën e sotme. Dyshohet se shkak i zjarrit është bërë një shkëndijë elektrike.

Në momentin që ka rënë zjarr në banesë ka pasur njerëz, por fatmirësisht kanë dalë jashtë në kohë dhe nuk ka pasur të lënduar. Zjarrfikëset ndodhen në vendngjarje dhe po punojnë për shuarjen e flakëve.

Një aksident me 7 persona të plagosur ka ndodhur sot në orët e para të mëngjesit në Pendavinj të Maliqit.

furgon me drejtues shtetasin I. M., me automjetin tip “Volkswagwn” me drejtues shtetasin B. C.

Si pasojë e aksidentit janë dëmtuar drejtuesi i furgonit dhe 3 pasagjerë në këtë automjet si dhe 3 pasagjerë që udhëtonin me automjetin tip “Volkswagen”, të cilët ndodhen në spital, jashtë rrezikut për jetën.

Maliq/Informacion paraprak

Rreth orës 05:55, në afersi të fshatit Pendavinj, është përplasur automjeti tip “Benz” furgon me drejtues shtetasin I. M., me automjetin tip “Volkswagwn” me drejtues shtetasin B. C.

Si pasojë e aksidentit janë dëmtuar drejtuesi i furgonit dhe 3 pasagjerë në këtë automjet si dhe 3 pasagjerë që udhëtonin me automjetin tip “Volkswagen”, të cilët ndodhen në spital, jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit.

Një situatë e parecedentë është raportuar në fshatin Petrushë të bashkisë Maliq, ku dy persona u përfshinë në një sherr me njëri-tjetrin. Shkaku i konfliktit ka qenë një marrëdhënie e dyshuar mes një burri 37-vjeçar, pronar i një stalle, dhe një 25-vjeçareje, nënë e dy fëmijëve të vegjël, e punësuar bashkë me bashkëshortin e saj në atë stallë.

Bashkëshorti i saj akuzoi pronarin për lidhje të fshehtë me gruan e tij, ndërsa hetimet kanë zbuluar edhe arsye të tjera. Sipas hetimeve, dyshohet se 37-vjeçari kishte qëllime të tjera për gruan, duke përfshirë edhe prostituimin e saj. Më parë, gruaja kishte qenë viktimë e trafikimit për prostitucion në Greqi, ku dy kushërinj të pronarit e kishin detyruar të prostituohej për një periudhë 6-mujore në Athinë.

Një 31-vjeçar është arrestuar në Maliq, ndërsa babai i tij është proceduar penalisht. Babë dhe bir, Trëndafil Zylfi 51-vjeç dhe Emanuel Zylfi 31-vjeç janë arrestuar nga policia, pasi po dhunonin nusen e 28-vjeçarit.

Mësohet se shkak i dhunës ëhstë bërë xhelozia. Emiliano Zylfi njihej si kontigjent i policisë pasi ishte përdorues i lëndëve narkotike.

Policia parandaloi përshkallëzimin e një rasti dhune në familje.

U arrestua në flagrancë  31- vjeçari dhe u procedua penalisht 59- vjeçari (babai i 31 vjeçarit).

Shërbimet e Komisariatit të Policisë Maliq, menjëherë pas njoftimit të marrë, për një rast dhune në familje kanë shkuar menjëherë në adresën e dhënë.

Nga veprimet e para rezultoi se shtetasi E. Z.,  pas një konflikti për motive xhelozie, kishte ushtruar dhunë fizike e psikologjike ndaj bashkëshortes së tij. Po nga veprimet hetimore rezultoi se dhe babai i  31 vjeçarit shtetasi T. Z., ishte përfshire në konflikt dhe kishte ushtruar dhunë ndaj 28 vjeçares (nuses së djalit).

Ndërhyrja në kohë e Policisë parandaloi përshkallëzimin e dhunës.

Në vijim të veprimeve u arrestua në flagrancë  shtetasi E. Z., 31 vjeç, dhe u procedua penalisht    babai i tij shtetasi T. Z., 59 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme për veprën penale “Dhuna në familje”.

Një zjarr masiv ka përfshirë pyjet e fshatit Kakaç në bashkinë e Maliqit.

Burime për gazetarin e Vizion Plus Tonin Frroku  pranë shërbimit zjarrfikës bëjnë me dije ka përfshirë një sipërfaqe të madhe me bimësi të ulët mbi fshatin Leminot.

Flakët po përhapen me shpejtësi edhe për shkak të favorizimit nga era e fortë që në disa vende të caktuara ka përfshirë dhe bimësi të lartë pyjor.

Për të izoluar flakët janë duke punuar punojës të shërbimit zjarrfikes të bashkisë së Maliqit, punojës të shërbimit pyjor dhe emergjencave civile e banorë të zonës.

Terreni i thyer e bën të vështirë ndërhyrjen e mjeteve zjarrfikese të cilët po bëjnë gjithçka për të shkuar deri në afërsi të vatrave të zjarrit. Nga ana tjetër po punohet për të mësuar shkakun e zjarrit pasi nuk përjashtohet mundësia të ketë qenë zjarr i qëllimshëm.

Bëhet me dije se në aksin Korçë-Pogradec ka ndodhur një aksident ku janë përplasur dy automjete. Si pasojë ka mbetur i lënduar një nga pasagjerët e furgonit i cili ndodhet në spital jashtë rrezikut për jetën.

Ndërkohë mësohet se me dy drejtuesit e automjeteve po kryhen veprimet e mëtejshme procedurale.

Njoftimi i policisë:

Maliq/Informacion paraprak

Mesditën e sotme, në aksin rrugor “Korçë-Pogradec”, në afërsi të fshatit Velitërnë, Maliq, automjeti tip “Volkswagen” me drejtues shtetasin K. K. është përplasur me automjetin furgon tip “Mercedes-Benz”, me drejtues shtetasin O. D. Për pasojë është dëmtuar shtetasi Z. D., pasagjer në furgon, i cili u dërgua në spitalin e Korçës, ku ndodhet jashtë rrezikut për jetën. 

Me dy drejtuesit e automjeteve po kryhen veprimet e mëtejshme procedurale.

Grupi hetimor po punon për sqarimin e shkaqeve të aksidentit.

Një 60-vjeçar është gjetur pa shenja jete në një kanal anës rrugës, në fshatin Pojan të Maliqit.about:blank

Sipas burimeve, mësohet se viktima konsumonte alkool dhe mund të ketë qenë i dehur kur ka humbur kontrollin dhe ka rënë në kanal.

Policia ndodhet në vendin e ngjarjes, ndërsa trupi do të dërgohet në morgun e spitalit të Korçës për ekspertizën mjeko-ligjore që do të përcaktojë edhe shkakun e humbjes së jetës.

Është gjetur pa shenja jete një shtetas në Maliq.about:blank

Sipas informacioneve paraprake, mësohet se ai jetonte vetëm me të birin, dhe dyshohet se vdekja i është shkaktuar për shkak të konsumimit të alkoolit.