Kryeministri i Kosovës, Albin Kurti do të vizitojë Maqedoninë e Veriut. Gazeta Ekspres bën të ditur se të hënën Kurti do të takojë homologun e tij nga Maqedonia e Veriut, Kryeministrin Hristjan Mickoski.

Gjithashtu takimi do të mbahet në ora 10:00 ku do të marrin pjesë edhe disa anëtarë tjerë të qeverisë së Maqedonisë së Veriut nga koalicioni VLEN. Sipas informatave, pjesë e këtij takimi do të jetë edhe Ministrja e Jashtme e Kosovës, Donika Gërvalla-Schwarz.

Kjo vizitë ndodh në kohën kur Kosova i ka dërguar notë proteste Maqedonisë së Veriut për shkak të incidentit që ndodhi në aeroportin e Shkupit me Presidenten e Kosovës, Vjosa Osmani, kur policia e aeroportit i ka kërkuar kësaj të fundit që të dorëzojë çantën e dorës dhe telefonin celular për kontroll, pas çka ka pasuar një zënkë mes sigurimit të Presidentes dhe atyre të aeroportit.

Një tërmet është regjistruar mesditën e sotme në Maqedoninë e Veriu. Mësohet se lëkundjet e tërmetit janë ndjerë edhe në qytetin e Pogradecit.

Sipas të dhënavë tërmeti ishte me magnitudë 3.5 ballë dhe kishte si epiqendër Maqedoninë e Veriut. Në Pogradec mësohet se thellësia e tërmetit ka qenë 10 kilometra.

Të shtëna me armë zjarri janë regjistruar mesditën e sotme në Komunën e Haraçinës në Maqedoninë e Veriut ndërsa shënjestër ka qenë kryetari i kësaj komune.

Si pasojë e të shtënave, dy persona kanë mbetur të plagosur përkatësisht shoferi i kryekomunarit dhe një zyrtar komunal.

Personi që ka kryer sulmin, thuhet të jetë person i njohur për Policinë i cili ka qenë i përfshirë edhe në krime të tjera.