Këtë javë Merilendi u bë shteti i fundit që njoftoi falje masive për persona të dënuar për krime të lidhura me marijuanën, në kuadër të përpjekjeve për të përmirësuar jetët e atyre që përfunduan në burgje për shkak të një lufte 10 vjeçare të vendit kundër drogës.

Sipas planit të guvernatorit Wes Moore, më shumë se 175 mijë të dënuar për posedim të kanabisit ose pajisje droge do të falen, por nuk do të fshihen përgjithmonë nga historiku penal i këtyre individëve.

Në vazhdim një vështrim mbi qëndrimet amerikane në trajtimin e rasteve të vjetra me të dënuar për marijuanë.

Një pjesë e dënimeve për kanabis janë shlyer ose falur

Grupi që mbështet legalizimin e marijuanës, ‘NORML’, thotë se rreth 2.5 milionë dënime për kanabis janë shlyer ose falur gjatë viteve të fundit.

“Është numër i vogël kur merret parasysh fakti se gjatë 50 viteve të fundit apo më shumë, mbi 30 milionë amerikanë janë arrestuar në nivel shtetëror ose lokal për marijuanë”, tha në një intervistë Paur Armentano, zëvendësdrejtor i grupit ‘NORML’.

Personat e falur rifitojnë të drejtat e tyre civile, si e drejta për të votuar, për të shërbyer në një juri gjyqësore, apo për të zotëruar armë.

Shlyerjet e dënimeve shkojnë më tej, duke fshehur plotësisht historikun dhe të dhënat e dënimeve; gjë që u mundëson individëve që përfitojnë marrjen e ndihmës federale për shkollim, kualifikimin për strehim publik dhe lejon ata që janë prindër të marrin pjesë në aktivitetet shkollore të fëmijëve të tyre, krahas edhe disa përfitimeve tjera.

Zyrtarët e degës ekzekutive siç janë kryetarët e bashkive, guvernatorët dhe presidenti mund të falin dikë, por pak drejtues kanë vepruar si ai i Merilendit. Vendime të ngjashme ka patur edhe në Masaçusets, Nevada, Oregon, Birmingham, Alabama dhe Kansas City.

Presidenti Joe Biden ka urdhëruar falje të shumta për ata që janë dënuar për posedim të kanabisit në zona në pronësi federale ose në Distriktin e Kolumbias.

Nuk është e qartë se kush dhe sa veta përfitojnë. Për të kuptuar nëse janë falur ose jo, të dënuarit duhet të aplikojnë për një certifikatë; që nga ky muaj, pak më shumë se 200 persona që kualifikoheshin për faljen e presidentit Biden e kishin bërë këtë aplikim.

Duhet një gjykatë, zakonisht e bazuar në një ligj, për të urdhëruar pastrimin e historikut penal, megjithëse Oregoni e siguron këtë së bashku me faljet dhe qasja e Merilendit e bën këtë më të lehtë.

Një çift me origjinë shqiptarë janë vënë në prangat e policisë spanjolle këtë të mërkurë. Siç shkruajnë mediat spanjolle, çifti i të rinjve, përkatësisht 22 dhe 27 vjeç merreshin me kultivimin e marijuanës.

Janë kapur 809 bimë marijuane me peshë më shumë se 177 kg. Agjentët e Policisë Kombëtare spanjolle nisën hetimet për rastin që në fillim të muajit të shkuar. Në afërsi të shtëpisë së tyre në Ador u vendosën kamera, ndërsa era e fortë e lëndës narkotike ndihej edhe në ambientet e jashtme.

Operacioni policor kulmoi sot më 5 Qershor pas një kontrolli intensiv të banesës, e cila ishte thuajse e gjitha në dispozicion të aktivitetit kriminal. U lokalizuan 3 ‘plantacione’ me marijuanë, instalime elektrike e hidraulike.

Dy të rinjtë akuzohen për “kultivim të lëndës narkotike”, “mashtrim me energjinë elektrike” si dhe “krim kundër shëndetit publik”.

Ata nuk kanë precedent të mëparshëm penal, ndërsa është urdhëruar burgosja e tyre.

Autoritetet policore të Greqisë fqinje kanë sekuestruar mbi 81 kg mariuanël.

Operacioni që ka nisur afër brezit të gjelbër ka përfunduar në Grevena, ku janë ndaluar dy automjete pas një ndjekje të gjatë policore.

Mjetet nuk i janë bindur thirrjes për ndalesë të policisë greke fillimisht, çka ka ngjallur dyshime tek efektivët. Në një nga mjetet janë gjetur dhe sekuestruar 3 çanta me 77 pako, që përmbanin 81.5 kg marijuanë. Mjeti tjetër ndërkohë shërbente për kontrollin e rrugës, me qëllim shmangien e postblloqeve. Në dy mjetet policia arrestoi 4 shtetas grekë, që ishin në 2 mjete të veçanta dhe sekuestroi gjithashtu edhe 6 celularë.

Prej fillimit të vitit, policia greke ka sekuestruar rreth 400 kg marijuanë, që dyshohet se vinte nga Shqipëria.

Dy të rinjë shqiptarë që transportonin 60 kilogramë marijuanë me destinacion tregun e Katanias, u arrestuan nga policia në Ficarazzi, Itali. Të dy, përkatësisht 26 dhe 20 vjeç, përballen me akuzat e trafikut të drogës.

20-vjeçari, i cili mbërriti në vend duke drejtuar një makinë Dacia të regjistruar në emër të një gruaje shqiptare, u ndalua pasi solli marijuanën, dy thasë, një apartament në një kompleks banimi. 26-vjeçari po ngiste një Fiat Tipo, e cila kishte shërbyer si stafetë për Dacia deri në Ficarazzi, u bblokua nga oficerët.

Në banesën e kompleksit të banimit, përveç drogës, policia sekuestroi edhe një sasi tjetër marijuanë dhe material ambalazhi droge. Në një vilë në San Giorgio në posedim të 26-vjeçarit, policia gjeti 650 gramë hashash, material ambalazhimi identik me atë të gjetur në Ficarazzi dhe municione të mbajtura pa leje. Dy të rinjtë u burgosën dhe pritet që të dalin para gjykatës.