Një zjarr i fuqishëm ka përfshirë Ocean County në New Jersey, SHBA, duke detyruar evakuimin e rreth 3000 personave dhe shkatërrimin e mijëra hektarëve toke që nga mëngjesi i së martës.

Sipas Shërbimit të Zjarrfikësve të New Jersey, flakët u përhapën me shpejtësi të madhe, ndërsa deri mëngjesin e sotëm vetëm 10% e zjarrit ishte vënë nën kontroll. Shkaqet që çuan në shpërthimin e zjarrit ende janë nën hetim.

Deri tani nuk raportohen persona të lënduar, por mbi 1300 ndërtesa janë në rrezik, ndërsa disa biznese në një park industrial në qytetin Lacey kanë pësuar dëme të konsiderueshme, siç ka konfirmuar shefi i policisë së qarkut, John Lombardi.

Japonia veriore po përballet me zjarrin më të madh pyjor në tri dekada, i cili ka detyruar mijëra persona të evakuohen në Prefekturën Iwate.

Autoritetet njoftojnë se rreth 2,000 njerëz janë larguar nga shtëpitë e tyre, ndërsa mbi 1,200 persona janë strehuar në qendra emergjente. Zjarri ka shkrumbuar më shumë se 5,200 hektarë pyll, duke shkaktuar dëme në mbi 80 ndërtesa.

Zjarrfikës nga 14 prefektura, përfshirë Tokion, janë dërguar në zonën e prekur, ndërsa 16 helikopterë po përdoren për të shuar flakët.

Kryeministri Shigeru Ishiba ka garantuar se do të merren masa të plota për të mbrojtur qytetarët dhe pronat e tyre. Ekspertët paralajmërojnë se ndryshimet klimatike mund të rrisin rrezikun e zjarreve, veçanërisht pas periudhave të gjata të thatësirës si ajo që ka prekur Japoninë muajt e fundit.

URQI- Një zjarr i madh ka rënë në lagjet Avcılar dhe Ümraniye të Stambollit. Siç raportohet zjarri i rënë në zonën e gjelbëruar pranë Pallatit të Dasmave në Ümraniye, duke shkaktuar panik te qytetarët.

Punonjësit e tregut ngjitur me parkingun dhe pallatin e dasmave kanë ndërhyrë për të shuar zjarrin, ndërsa disa mjete janë djegur. Ndërkohë panik nga zjarri kanë përjetuar edhe qytetarët që në ato momente kanë marrë pjesë në dasmat e të afërmve të tyre.

Imazhet dhe provat tmerruese vijnë nga Libia për të demonstruar aspektet më të ashpra të problemit të emigracionit.

Lajmi se një “varr masiv” që përmban trupat e të paktën 65 emigrantëve në Libinë jugperëndimore është një goditje.

Lajmi është bërë i ditur nga Organizata Ndërkombëtare për Migracionin (IOM).

Një zëdhënës i IOM tha për AFP se “varri masiv” u gjet “nga autoritetet përgjegjëse për sigurinë” në Libi.