Një zjarr i përmasave të mëdha ka përfshirë kodrat në lindje të qytetit të Himarës në afërsi të fshatit Pilur, prej më shumë se 15 orësh.

Zjarri i ndihmuar dhe nga era, ka përparuar duke djegur shkurre por dhe pemë që ndodhen në atë zonë, por duke u ngjitur edhe me lart në mal.

Nga mesdita e djeshme dhe në vijim rreth 15 forca të zjarrfikëses së Himarës, punonjës së policisë së komisariatit dhe bashkisë së Himarës por dhe emergjencat civile po luftojnë për ta shuar zjarrin.

Por, terreni i vështirë e ka bërë të pamundur ndërhyrjen nga zona kodrinore dhe për këtë situatë është njoftuar dhe helikopteri, që këtë mëngjes nisi ndërhyrjen.

Ajo që ngelet me shqetësuese është tymi që përhapet në ajër dhe ky është një shqetësim për pushuesit. Zjarrfikësit shprehen se me shqetësues është humusi, i cili riaktivizohet kur fryn erë, ndaj punonjësit po e mbajnë në kontroll.

Pas një aksioni të forcave RENEA ditën e sotme në qytetin e Shkodrës, gazetarja e Top Channel Anila Hoxha bën me dije se si rezultat janë sekuestruar 5 automjete të blinduara.

Një nga mjetet e bllokuara në shtëpinë e Behar Bajrit është me emër të Gilmando Danit dhe sipas burimeve pranë SPAK mjeti i ishte dhënë para shumë vitesh Behar Bajrit  me qëllim për t’u shitur nga Dani, kjo rezulton edhe nga shkresat dokumentare të sekuestruara.

Ndërkohë kontrolle janë ushtruar edhe në banesën e familjes Bilali, ku nuk është gjetur asgjë e dyshimtë. Nga ana tjetër pas kontrollit të ushtruar në banesën e Izmir Sakicës, pasi nuk është gjetur asgjë, është shoqëruar në polici babai i tij, për t’u marrë në pyetje e për t’u lënë më pas i lirë.

Për Shkodrën SPAK ka dy hetime të bashkuara në një. Kontrollet u mbajtën me urdhër të prokurores Elida Kaçkini, ndërsa sipas informacioneve nga SPAK të Anila Hoxhës, mësohet se në Shkodër vazhdojnë të jenë, veç RENEA, disa grupe të forcave të ndërhyrjes së shpejtë dhe një grupi i forcave operacionale të policisë së shtetit, dërguar nga Tirana.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Pesëmbëdhjetë njerëz kanë vdekur për shkak të rrëshqitjeve të dheut në Meksikën qendrore, e para ndodhi të shtunën dhe ka një numër zyrtar të vdekjeve prej nëntë, ndërsa i dyti ndodhi dje të hënën dhe shkaktoi gjashtë vdekje.  Tragjedia e parë ka ndodhur në një komunitet në komunën Hilochingo, në shtetin e Meksikës, në rajonin e kryeqytetit.

“Ne gjetëm nëntë trupa. tre persona u shpëtuan”, tha në një deklaratë koordinimi kombëtar i mbrojtjes civile (CNPC).

Shërbimet e kërkim-shpëtimit raportuan vdekjen e një foshnjeje tre muajshe të shtunën. Mbrojtja civile nuk specifikoi nëse ishte përfshirë në të dhënat që publikoi. Një total prej 132 personash u dërguan në strehimore të përkohshme, sipas autoriteteve federale dhe lokale. Gati 600 ushtarakë dhe zyrtarë të tjerë publikë morën pjesë në operacionet e kërkim-shpëtimit.

Dje të hënën, shirat e dendur shkaktuan një rrëshqitje të dytë dheu, e cila groposi një shtëpi në qytetin Naucalpan, gjithashtu në shtetin e Meksikës, tha CNPC. Autoritetet lokale i thanë televizionit Televisa se gjashtë persona, anëtarë të së njëjtës familje, vdiqën dhe tre të tjerë u plagosën.

Rrëshqitjet e dheut janë të zakonshme në Meksikë gjatë sezonit të shirave, uraganeve dhe cikloneve (përgjithësisht nga mesi i majit deri në mes të tetorit). Vendi ndodhet gjithashtu në një zonë me sizmik të lartë dhe, si çdo vit, autoritetet organizojnë nesër të enjten një stërvitje kombëtare për të përballuar një tërmet të madh, në përvjetorin e fatkeqësisë së 19 shtatorit 1985, kur një tërmet me magnitudë 8.1 ballë rrafshoi një pjesë të kryeqytetit dhe la mijëra të vdekur.

Një stuhi masive ka goditur pjesë të Kalifornisë dhe Nevadas në perëndim të SHBA-së, raporton “BBC”.

Stuhia e borës ka mbyllur rrugët kryesore, rezortet e skijimit dhe dhjetëra e mijëra shtëpi kanë mbetur pa energji elektrike.

Stuhia veçanërisht është e rëndë në rajonin e Sierra Nevadas, ku erërat kanë arritur shpejtësi deri 305 kilometra në orë.

Njerëzit janë paralajmëruar për “një rrezik të lartë deri në ekstrem nga ortekët” në ato zona, duke përfshirë edhe zonën më të madhe të Liqenit Tahoe.

Rreth 33 mijë persona në Nevada kanë mbetur pa energji elektrike dhe afro 24 mijë në Kalifornia.

Një rrugë 121-kilometërshme në një autostradë është mbyllur të shtunën, ka njoftuar patrulla e Kalifornisë për Autostrada.