Vijojnë të zbardhen detaje të reja lidhur me vrasjen e 23-vjeçarit, Renis Dobra, trupi i të cilit u gjet pranë liqenit të Shkopëtit.  Sipas raportimeve, autorët e dyshuar të ngjarjes i kanë bërë pritë Dobrës teksa po lëviztë me makinë. Dyshohet se këta përsona ende të paidentifikuar kanë qenë të armatosur dhe fillimisht janë prezantuar si polic.

Gjithashtu ka dyshime se ata janë futur në mjetin e 23 vjeçarit për ta “shoqëruar” në komisariat, por ata kanë vazhduar rrugën për Shkopet, ku u gjet dhe trupi i pajetë i Dobrës.

Siç u raportua më herët në trupin e viktimës janë konstatuar shenja të dukshme dhune, përfshirë mavijosje në zonën e fytit. Këto shenja përforcojnë dyshimet se i riu është mbytur fillimisht me litar dhe më pas është hedhur në zonën e Shkopetit, me qëllim për të fshehur krimin, por do të jetë autopsia e Mjekësisë Ligjore që do të përcaktojë shkaqet e vdekjes. 

Hetimet janë përqendruar në dy pista kryesore.

E para lidhet me një përplasje të mundshme për shkak të parcelave të kultivuara me kanabis dhe pista e dytë ka të bëjë me një konflikt të mundshëm për motive xhelozie apo lidhje sentimentale. Gjithashtu Dobra nuk ka precedentë të rëndë kriminalë dhe njihej vetëm për disa raste vjedhjesh.

Një ngjarje e rëndë ka ndodhur sot në fshatin Baz të Matit, ku një 18-vjeçar, shtetasi D.L., ka plagosur me mjet prerës një 16-vjeçar pas një konflikti për motive të dobëta. Ngjarja ka ndodhur rreth orës 10:30, në ambientin sportiv të shkollës së mesme, ku të rinjtë janë përleshur dhe 16-vjeçari ka mbetur i plagosur. Ai është transportuar menjëherë në spital për ndihmën mjekësore.

Falë reagimit të shpejtë, Policia e Matit ka arritur të kapë dhe të shoqërojë autorin e dyshuar, shtetasin D.L., në Komisariatin e Policisë. Gjatë hetimeve të para, ka rezultuar se autorët nuk kishin pasur konflikte të mëparshme dhe, gjithashtu, u sekuestrua mjeti prerës që dyshohet se është përdorur gjatë përleshjes.

Grupi hetimor, nën drejtimin e Prokurorisë, vijon hetimet për të zbardhur plotësisht rrethanat dhe dinamikën e ngjarjes.

Një aksident me vdekje ka ndodhur mëngjesin e sotëm në një rrugë dytësore në zonën e Matit.

Burime zyrtare nga policia, kanë bërë të ditur se, një 19-vjeçar me inicialet E. S., duke drejtuar një makinë ka përplasur për vdekje këmbësorin me inicialet E. D.

Mat/ Informacion paraprak

Me datë 06.10.2024, rreth orës 09.30, në rrugën dytësore të fshatrave Kurdari-Suç, shtetasi E.S., 19 vjeç, teksa drejtonte automjetin e tij, ka aksidentuar shtetasin E.D., (këmbësor), i cili si pasojë e dëmtimeve të marra, ka humbur jetën në spital.

Drejtuesi i automjetit është shoqëruar në Komisariat, për veprime të mëtejshme, ndërkohë grupi hetimor po punon për zbardhjen e shkaqeve të aksidentit.

Një 24-vjeçar shqiptar është arrestuar nga policia italiane gjatë një operacioni antidrogë në Terni della Finanza. I riu u kap teksa po i shiste kokainë një personi.

Gjatë kontrollit që u bë në shtëpinë e shqiptarit, u gjetën 103 gramë kokainë dhe 3485 euro që dyshohet se vinin si rezultat i veprimtarisë kriminale.

Gjithashtu u gjetën dhe u sekuestruan në banesë, dy celularë, një tabletë, dy peshore precize dhe material ambalazhimi për lëndën narkotike. I riu u dërgua në paraburgim në ndjekje të procedurave penale ndaj tij.

Një plagosje me thikë ka ndodhur mëngjesin e sotëm në fshatin Zenisht të Burrelit. Mësohet se një adoleshent 14-vjeçar ka qëlluar me thikë një 17-vjeçar. I plagosuri është dërguar në spital për të marrë ndihmë mjekësore, ndërkohë që i mituri është shoqëtuar për në polici.about:blank

Mat Plagosi me mjet prerës (thikë) një 17-vjeçar, shërbimet e Policisë kapin dhe shoqërojnë në Komisariat autorin e dyshuar. Rreth orës 08.40, në fshatin Zenisht, Burrel pas një konflikti për motive të dobëta, dyshohet se një shtetas i mitur 14 vjeç, ka goditur me mjet prerës (thikë), shtetasin E.L., 17 vjeç, i cili ndodhet në spital, në kujdesin e mjekëve. Shërbimet e Policisë falë veprimeve të shpejta hetimore kanë bërë të mundur kapjen dhe shoqërimin 14-vjeçarit, në Komisariat për hetime të mëtejshme. Grupi hetimor vijon punën për zbardhjen dhe dokumentimin e plotë ligjor të këtij rasti.