Qindra mbështetës të tij nga Prishtina e më gjerë janë nisur drejt Tiranës për t’i dhënë përkrahje të fuqishme në këtë moment vendimtar. Organizimi është bërë nga menaxhmenti i Gjestit, i cili ka siguruar që çdo gjë të shkojë pa asnjë pengesë – përfshirë edhe mbulimin e plotë të shpenzimeve për udhëtimin e tifozëve të zjarrtë.

Fillimisht ishte planifikuar që nisja të bëhej në ora 16:00, por për shkak të interesimit të madh dhe për të shmangur çdo vonesë, organizatorët vendosën që udhëtimi të nisë një orë më herët, në ora 15:00.

Në rrjete sociale, fansat e Gjestit janë shfaqur tejet të emocionuar. Ata kanë shpërndarë fotografi nga përgatitjet, autobusët, flamujt dhe mesazhet mbështetëse për idhullin e tyre. “Vetëm fitore për Gjestin!”, “Jemi me ty deri në fund!” – janë vetëm disa nga thirrjet që po qarkullojnë në komentet online.

Mbështetja për Gjestin nuk po vjen vetëm nga Prishtina. Përkrahja po shtrihet nga të gjitha trevat shqiptare – një sinjal i qartë se performanca e tij në shtëpinë e famshme ka lënë gjurmë të thella te publiku shqiptar.

Sonte, finalja pritet të sjellë emocione të mëdha dhe një atmosferë të zjarrtë – ku Gjest ka përkrahjen e pakontestueshme të fansave të tij, të gatshëm ta çojnë drejt fitores së madhe.

Ministrja e Bujqësisë dhe Zhvillimit Rural, Anila Denaj deklaroi sot se përmes Aktit Normativ të qeverisë për ndryshimin e buxhetit për vitin 2024 sigurohet një mbështetje shtesë prej 500 milionë lekësh për fermerët.

“Janë 500 milionë lekë shtesë në programin “Zhvillimi rural” që do të krijojë iniciativë për rritjen e investimeve në sektorin e bujqësisë nëpërmjet Skemës Kombëtare për Investime. Është një mundësi për të gjithë fermerët dhe blegtorët shqiptare të cilët me skemën e re të mbështetjes/grand për investime, do të realizojnë rritjen e prodhimit, agropërpunimit si edhe rritjen e eksporteve”, tha Denaj.

Ministrja iu përgjigj edhe akuzave të opozitës, teksa theksoi se përgjatë 7 muajve janar-korrik, eksportet janë rritur me 22 % drejt vendeve të Bashkimit Europian”, tha ajo.

Ministrja informoi edhe për projektvendimin që po përgatitet për propozim për aprovim në mbledhjen e rradhës së Qeverisë, parashikohet të shtohen grupmasat e investimeve në fermë.

Konkretisht, ndërtimi i serrave diellore, rrjeta për mbrojtjen e prodhimit nga breshëri në pemë frutore, agrume dhe vreshta, për ndërtimin e ambienteve për mbarështimin e kafshëve dhe stabilimenteve për rritjen e shpendëve, për mekanikë bujqësore, konkretisht për blerjen e traktorëve, makinerive dhe pajisjeve për mekanizimin dhe modernizimin e proceseve të punës që ndikon drejtpërdrejt në rritjen e rendimentit të punës dhe uljen e kostove të prodhimit, si dhe mbështetje për akuakulturën detare për koshat e rritjes së peshkut dhe rrjetat”, tha Denaj.

“Për të gjitha masat e mësipërme, do të jetë një skemë e mirëpërcaktuar që AZHBR do ta nxjerrë për publikim në javët në vijim. Aplikimi do të jetë nëpërmjet portalit”, tha ministrja.

“Një komponent shumë i rëndësishëm, që ndikon drejtpërdrejt, vijoi ajo, shkon për programin buxhetor “Siguria ushqimore dhe mbrojtja e konsumatorit” ku përfitohen shtesë 70 milionë lekë, me qëllim realizimin në një përqindje më të lartë të Planeve Kombëtare të Monitorimit të Mbetjeve dhe Planit të Monitorimit dhe Mbrojtjes së Shëndetit të Bimëve”.

Qeveria, theksoi Denaj, ka rritur investimet këtë vit në aspekt të përmirësimit të infrastrukturës laboratorike me 25% më shumë buxhet se buxheti i vitit të shkuar.

“Nuk duhet lënë pa përmendur këtu mbështetjen e BB-së në masën 20 milionë euro të investimeve në sistemin laboratorik, duke siguruar një sistem efektiv dhe në kohë të garantimit të çdo produkti që hyn në vendin tonë”, u shpreh ministrja.

Më tej, ajo thekso se janë 400 milion lekë, fonde të cilat do të rialokohen nga fondet e lira, për programin “Infrastruktura e ujitjes dhe kullimit”, konkretisht një shtesë me 200 milionë lekë për objektet e bashkive dhe një shtesë me 200 milionë lekë për objektet e drejtorive të ujitjes dhe kullimit.

Ministria e Bujqësisë dhe Zhvillimit Rural, bën të ditur se, përfituesit nga programi IPARD II, janë në proces vlerësimi dhe disbursimi të fondeve. Sipas MBZHR-së, gjatë 4 mujorit të parë të vitit 2024, janë disbursuar 26 subjekte, me një fond prej 397 milionë lekë. “Nga 26 subjekte përfituese 9 janë gra”, thuhet në raportin mbi monitorimin e buxhetit për 4-mujorin e parë të vitit 2024, të publikuar në faqen zyrtare të MBZHR-së. Ndër 26 subjektet e disbursuar, 11 subjekte janë në masën nr. 1, përkatësisht: 5 në sektorin e fruta-perimeve, 4 në sektorin e qumështit dhe 2 në vreshtari; 1 subjekt në masën nr. 3, në sektorin e përpunimit të fruta-perimeve; si dhe 14 subjekte në masën nr. 7, në turizëm rural.

Tërmeti i fuqishëm në Marok me magnitudë 6.8 ballë, sipas Televizionit të Marokut duke cituar ministrinë e brendshme, numri i viktimave ka arritur në 2500.

Ekipet e shpëtimit të mbërritura edhe nga Spanja, Katari, Britania dhe Emiratet e Bashkura po nxitojnë në operacionet e kërkim shpëtimit për njerëzit e gjallë nën rrënoja. Maroku refuzon ndihmën financiare 5 mln euro të Francës.

Në Marok ekipet e shpëtimit janë në garë kohën për të nxjerrë nga rrënojat të gjallët e tërmetit tragjik 6.8 i shkallës rihter që u mori jetën mijëra njerëzve. Në tokën e tragjedisë kanë mbërritur edhe ekipet e shpëtimit nga Spanja, Katari, Britania e Madhe dhe Emiratet e Bashkuara. Fshatra të tërë janë fundosur, të tjerë të rrënuar, në disa prej tyre toka është ndarë më dysh nga lëkundjet. 

Të paktën 300 mijë njerëz u prekën nga lëkundjet në Marrakesh dhe rajonet përreth sipas Organizatës Botërore të Shëndetësisë. Një aktivist në zonat malore komunikon për mediat e huaja se situata është katastrofike, teksa shtëpitë me tulla balte kanë varrosur njerëzit dhe strukturat e paqëndrueshme të tyre kanë shkaktuar më shumë viktima. Banorët e fshatrave të izoluar në majat e maleve të Atlasit nuk kanë as ujë as ushqim, as energji. Ndërsa vetë banorët kanë nisur të pastrojnë rrugët nga inertet dhe të krijojnë kalime.

Video të panumërta të tërmetit vdekjeprurës që goditi Marokun janë shfaqur në 24 orët e fundit, duke dokumentuar shkallën e tragjedisë dhe përpjekjet e dëshpëruara për të shpëtuar të bllokuarit nën rrënoja.
Në një të tillë nga një kamerë sigurie që, sipas Jerusalem Post, është marrë disa minuta para tërmetit vdekjeprurës dhe kap një blic të çuditshëm drite në qiell. Sipas publikimit, kamera që regjistroi dritën misterioze blu, rreth tre minuta para fillimit të tërmetit, ishte instaluar në një shtëpi në zonën e Marrakeshit.about:blank

Shumë banorë flenë në rrugët e Marrakeshit të frikësuar për tu rikthyer në shtëpitë e tyre të dëmtuara nga lëkundjet. Banorët në rrëfimet bëra për mediat e huaja thonë se tani ata vetëm mund të presin. Epiqendra e tërmetit ishte në Malet e Atlasit duke shkatërruar totalisht ultësirën e vargmalit. Franca ofroi 5 mln euro ndihma për banorët e Marokut, por Ministria e brendshme marokene thotë se ka pranuar vetëm ndihmën e ofruar nga Spanja, Mbretëria e Bashkuar, Katari dhe Emiratet e Bashkuara Arabe në përgjigje të tërmetit.