VLORË- Një vatër zjarri është aktivizuar sërish në fushën e mbetjeve në Vlorë. Siç shihet edhe në pamje flakët po përhapen masivisht duke djegur mbeturinat që janë në këtë fushë.

Gjithashtu flaket dhe djegia e mbetjeve ka shkaktuar dhe një re tymi që është përhapur në pjesën më të madhe të qytetit. Kjo është e disata herë që vendgrumbullimi i mbetjeve në Vlorë përfshihet nga zjarri.

Prej orësh, fusha e mbetjeve pranë Inceneratorit të Elbasanit, është përfshirë nga një zjarr i fuqishëm, duke bërë që një pjesë e mirë e qyteti të Elbasanit të mbytet në tym.

Gazetari Lutfi Dervishi ka ironizuar zjarrin në fushën e mbetjeve, teksa shkruan se zjarri tani ka kaluar në nivel premium: nuk mjaftohet më me plehrat, tani po djeg edhe vetë incineratorin.

“Në Elbasan, zjarri ka kaluar në nivel premium: nuk mjaftohet më me plehrat, tani po djeg edhe vetë incineratorin”, shkruan gazetari.

“Në Elbasan, zjarri ka kaluar në nivel premium: nuk mjaftohet më me plehrat, tani po djeg edhe vetë incineratorin”, shkruan gazetari.

Një zjarr ka rënë në Jalli të Nartës, pranë fushës së mbetjeve. Në vendgjarje mësohet se kanë mbërritur forcat zjarrëfikëse. 

Raportohet që nuk është fusha e mbetjeve, por vendgrumbullimi i inerteve ku hidhen dhe goma makine.

Nga informacionet paraprake janë materiale plastike të cilat dyshohet se i hedhin persona të ndryshëm nga vendet përreth. 

Kujtojmë se në 7 Qershor në fushën e mbetjeve, pranë fushës së inerteve, ra një zjarr i madh që krijoi një situatë të rënduar për qyetin e Vlorës në kuadër të sezonit turistik. Për ngjarjen reagoi edhe kryebashkiaku i Vlorës Ermal Dredha, i cili e cilësoi zjarrin të qëllimshëm, ngjarje e përsëritur, me qëllim dëmtimin e imazhit të qytetit në këtë sezon veror dhe turistik.

Pasditen e së enjtes, vendgrumbullimi i mbeturinave në Vlorë u përfshi sërish nga flakët, duke çuar në ngritjen e shtëllungave të mëdha tymi mbi zonën përreth.

Forcat zjarrfikëse janë në terren për të lokalizuar dhe shuar flakët, ndërsa dyshohet se zjarri mund të jetë i qëllimshëm. Paralelisht, pritet të nisë një hetim për të përcaktuar nëse zjarri është pasojë e një akti të qëllimshëm apo ka ardhur si rezultat i një reaksioni kimiko-biologjik me vetëndezje.

Djegia e mbeturinave në këtë zonë është kthyer në një fenomen të përsëritur, me pasoja që prekin jo vetëm cilësinë e ajrit, por edhe shëndetin e banorëve. Vetëm këtë vit, ky është rasti i disatë i raportuar, me zjarre të ngjashme që kanë ndodhur më herët, si ai i datës 22 nëntor, që zgjati dy ditë dhe ndoti gjithë zonën përreth.

Ky problem ka shtuar shqetësimet e qytetarëve, të cilët kërkojnë zgjidhje urgjente dhe masa konkrete për menaxhimin e mbetjeve dhe parandalimin e rasteve të ngjashme në të ardhmen.