Ish-Mbretëresha Sofia e Spanjës është shtruar në spital me një infeksion që prej ditës së djeshme, sipas shtypit spanjoll.

Sipas El Pais, ajo u shtrua të martën në mbrëmje në klinikën Ruber Internacional në Madrid për shkak të një infeksioni urinar. Edhe sot ajo qëndron e shtruar në spital dhe është nën monitorim të vazhdueshëm.

Mbreti Philip vizitoi nënën e tij dhe ndërsa u largua ai siguroi gazetarët jashtë spitalit se ajo ishte “mirë dhe mezi pret të kthehej sa më shpejt të jetë e mundur në shtëpi”.

Duke pasur parasysh përparimin e mirë të shëndetit të nënës së tij, monarku spanjoll e mbajti axhendën e tij të kufizuar dhe mbajti dy seanca dëgjimore me komandantët ushtarakë në Pallat këtë pasdite.

ITALI- Media italiane ‘L’Espresso’ ka botuar ditën e sotme një artikull në lidhje me lidhjet e Giorgia Melonit në Shqipëri. Në botimin e shtypur të kësaj reviste theksohet se qendrat e emigrantëve në Ballkan dhe posaçërisht në Shqipëri janë të nevojshme për fushatën zgjedhore evropiane të Melonit.

Po ashtu revista italiane ka guxuar dhe në titull e ka quajtur, kryeministren italiane Meloni si ‘mbretëresha e Shqipërisë’. Sipas medias, ky titull i është vendosur Melonit për shkak të marrëveshjes që bëri me kryeministrin Edi Rama për qendrat e emigrantëve që pritet të hapen në Gjadër dhe Shëngjin.

Shkrimi i medias italiane:

Qendrat e emigrantëve në Ballkan janë të nevojshme për fushatën zgjedhore evropiane të Melonit. Pra, qeveria dëshiron të ecë përpara pavarësisht shpenzimeve: kostoja do të arrijë në një miliard, me procedura të veçanta. Paratë e marra nga shëndetësia, arsimi, kultura dhe transporti. Madje ka edhe rekurs për Pnrr që nuk ka të bëjë fare me këtë çështje. Bëhet fjalë pikërisht për fushatën elektorale shqiptare që shkruan Carlo Tecce në kopertinën.

“Në muajt e fundit, Kryeministrja ka folur vazhdimisht për “mbrojtjen e kufirit” për të ngadalësuar “pushtimin” e emigrantëve që vijnë nga brigjet e Afrikës së Veriut. Numrat, megjithatë, tregojnë një histori shumë të ndryshme. Asnjë pushtim, asnjë sulm ndaj Italisë”, shpjegon Bianca Senatore.

Ndërsa Bruno Manfellotto analizon paqartësinë politike të Melonit, mes puthjeve dhe përqafimeve me të mëdhenjtë e Tokës. Dhe regjisori Enrico Bellavia, në editorial, kujton sesi konsensusi është shteruar nga frika e shkaktuar: Ne gjithmonë fillojmë duke ngritur një alarm, pavarësisht nëse është i vërtetë apo i supozuar – dhe “pushtimi” i emigrantëve i bindet kategorisë së dytë – për të përfunduar me një zgjidhje muskulare si dekreti Cutro. Nëpërmjet një vetë-konsumimi bulimik të burimeve, të diktuar nga një axhendë indiferente ndaj urgjencave të vendit.

Aktorja e njohur Olta Gixhari arriti famë të madhe pas pjesëmarrjes në “Big Brother Vip Albania”. Së fundmi ajo ka folur për eksperiencën e saj për emisionin “nZa”.

“Ka qenë një eksperiencë unike, shumë e bukur, një eksperiencë për të cilën nuk jam bërë aspak pishman. Po të kthehesha mbrapa do ta ribëja. Kam mësuar shumë gjëra dhe kam sfiduar veten time. Siç e kam thënë edhe natën që kam dalë, natën e 1 prillit, që askush nuk e besonte që unë po dilja vërtet sepse ishte dita e gënjeshtrave, Big Brotherin tim unë e kam fituar dhe realisht ndjehem një fituese përballë vetes time sepse sfidat më të mëdha i kam me veten time”, ka thënë Olta.

Për sa i përket epiteteve të cilat i mori gjatë këtij edicioni të Big Brother, ajo tregoi se cilin prej tyre e konsideron më të vërtetin.

“Cilën prej epiteteve e shijova më shumë?

“Mbretëresha”, “Prima Dona” apo Kuçedra? Po t’i bësh të tria bashkë është një kokteil i mrekullueshëm. Kështu që nuk do të hiqja asnjërën. Epiteti që është përdorur më së shumti për mua është Prima Dona, ajo është e vërtetë, mbase nga mbase nga mënyra e sjelljes sime sepse unë kam një sjellje të shkujdesur”, ka thënë Olta.