Është mbyllur java e 7-të e Kategorisë së Parë, ku Skënderbeu ka marrë një tjetër fitore të rëndësishme në transfertë ndaj Luftëtarit me rezultatin 1-0, duke qëndruar në krye të renditjes.

Laçi triumfoi 3-0 në fushën e Kukësit, ndërsa Burreli fitoi 2-1 në Fier ndaj Apolonisë.

Korabi mposhti Lushnjën 2-0, ndërsa ndeshjet Besa–Pogradeci dhe Kastrioti–Iliria përfunduan në barazim 1-1.

Pas kësaj jave, Skënderbeu kryeson me 19 pikë, i ndjekur nga Laçi me 13, ndërsa Iliria dhe Burreli ndajnë vendin e tretë me nga 11 pikë.

Rezultatet e javës së 7-të:

Kukësi – Laçi 0-3

AF Luftëtari – Skënderbeu 0-1

Besa – Pogradeci 1-1

Kastrioti – Iliria 1-1

Korabi – Lushnja 2-0

Apolonia – Burreli 1-2

TIRANE – Nis me ritëm të lartë miqësorja me Jordaninë. Tregohet në lartësinë e duhur portieri Dajsinani, që shmang një gol të sigurt në duelin një për një me sulmuesin kundërshtar në minutën e 18-të, pas një pasimi të gabuar të Balliut në prapavijë.

Në minutën e 22-të i afrohet golit skuadra kuqezi pas një kombinimi të bukur mes Asanit dhe Dakut, me këtë të fundit që preferon të godasë vetë në një pozicion të prirët.

Ndëshkohen kuqezinjtë 27′-të, në zhvillimet e një këndoreje, Al-Rashdan dërgon topin në rrjetë, 0-1

Kombëtarja shqiptare, përballet me Serbinë, në ndeshjen e vlefshme për kualifikueset e Botërorit 2026.

Në minutën e fundit të pjesë së parë, Rey Ranaj shënoi një super gol që u pasua me një festim të çmendur ku bëri edhe shqiponjën.

FORMACIONET ZYRTARE

SERBIA: Petroviç, Erakoviç, Veljkoviç, Pavloviç, Zhivkoviç, Maksimoviç, Stankoviç, Kostiç, Samarxhiç, Vlahoviç, Mitroviç. Trajner: Dragan Stojkoviç

SHQIPËRIA: Strakosha, Mitaj, Hysaj, Ajeti, Gjimshiti, Shehu, Laçi, Asllani, Broja, Manaj, Uzuni. Trajner: Silvinjo

Minutë pas minute:

45- Gol Shqipëria. Manaj realizon nga brendësia e zonës, e djathta vrasësese.

41- Mundësi e mirë për Asllanin.

29- Serbia pranë golit, Vlahovic gabon me një penallti në lëvizje. Asist perfekt i Kostic, por sulmuesi nuk finalizon si duhet.

25- Vlahovic nga distanca, pa rezultat.

22- Te Serbia duhet të ndihen me fat, për pak sa nuk shkaktuan autogol. Devijimi i Mitrovic pritet nga portieri.

12- Provon Shqipëria, krosim i Hysaj për Manaj, topi shkon mbi portë.

9- Serbia në sulm. Qëndron e vendosur mirë prapavija kuqezi.

1- Nis ndeshja.

Duke filluar nga kjo e martë e 1 korrikut, merr fund zyrtarisht roli i Agjencisë Amerikane për Zhvillim Ndërkombëtar (USAID).

Sekretari amerikan i Shtetit, Marco Rubio, përmes një njoftimi zyrtar në Departamentin e Shtetit, njoftoi ndryshimin në mënyrën se si do të menaxhojë ndihmën e huaj, duke u shprehur se “Për amerikanët dhe shumë njerëz në të gjithë botën, 1 korriku shënon fillimin e një epoke të re të partneritetit global, paqes, investimeve dhe prosperitetit”.

“Gjatë rishikimit të mijëra programeve dhe mbi 715 miliardë dollarëve të shpenzuara gjatë dekadave, u bë e qartë se USAID ka rënë shumë poshtë standardeve për të avancuar interesat e kombit tonë. Nga 1 korriku, USAID do të pushojë së zbatuari ndihmën e huaj. Programet e ndihmës së huaj, që përputhen me politikat e administratës amerikane, do të administrohen nga Departamenti i Shtetit, ku do të ofrohen me më shumë llogaridhënie, strategji dhe efikasitet”.

Sekretari amerikan i Shtetit, Rubio, kritikon ashpër mënyrën sesi USAID ka funksionuar, duke thënë se agjencia “shpesh promovonte ide dhe grupe anti-amerikane” dhe e kishte modelin e saj të ndihmës si një “bamirësi” dhe jo si instrument të politikës së jashtme që shërben për interesat amerikane.

USAID shpërndante fonde edhe në vendet e rajonit, përfshirë edhe Shqipërinë. Nga të dhënat që publikoi i dërguari special i Donald Trump për krizat, Richard Grenell, në fillim të këtij viti, rezultonte se organizatat joqeveritare në Ballkan kishin përfituar nga fondet e USAID vlerën prej 1.7 miliardë dollarësh në periudhën 2020-2024. Sipas të dhënave të Grenell, në Shqipëri organizatat joqeveritare kishin marrë 189 milionë dollarë nga USAID për 4 vite.

Mbyllja e zyrave të USAID në të gjithë botën dhe menaxhimi i ndihmës së huaj nga DASH, sipas Sekretarit Rubio, do t’i vendosë Shtetet e Bashkuara të Amerikës në një pozicion më të fortë kundër modeleve shfrytëzuese të ndihmës, si ai i Kinës, dhe do të sjellë një “epokë të re partneriteti global, paqeje, investimesh dhe prosperiteti.”

Pas përshkallëzimit të situatës në Lindjen e Mesme, janë anuluar fluturimet mes Shqipërisë dhe Izraelit.

Ministria e Jashtme e Izraelit po ashtu ka urdhëruar mbylljen e të gjitha misioneve diplomatike dhe pezullimin e shërbimeve konsullore në të gjithë botën, përfshirë edhe ambasadën në Shqipëri.

‘Në dritën e zhvillimeve të fundit, misionet izraelite në mbarë botën do të mbyllen dhe shërbimet konsullore nuk do të ofrohen. Një formular online është i disponueshëm për izraelitët jashtë vendit për të raportuar vendndodhjen dhe statusin e tyre aktual.

Ju lutemi plotësojeni atë për të ndihmuar Ministrinë e Punëve të Jashtme të qëndrojë e përditësuar. Në rast emergjence ose fatkeqësie, kontaktoni menjëherë Dhomën e Situatave të Ministrisë.

Kontrolloni rekomandimet e Këshillit të Sigurisë Kombëtare për vendin ku ndodheni aktualisht, si dhe udhëzimet e përgjithshme të sigurisë për izraelitët jashtë vendit:

a. Shmangni shfaqjen e simboleve hebraike ose izraelite në hapësirat publike.

b. Përmbahuni nga postimi i detajeve të identifikueshme në lidhje me vendndodhjen tuaj ose planet e udhëtimit në mediat sociale.

c. Shmangni pjesëmarrjen në tubime ose ngjarje të mëdha që lidhen me Izraelin ose komunitetet hebraike.

d. Bashkëpunoni me forcat lokale të sigurisë dhe ndiqni udhëzimet e tyre menjëherë nëse ekspozoheni ndaj aktivitetit armiqësor.

e. Qëndroni shumë vigjilentë në vendet publike.

f. Në rast emergjence, kontaktoni misionin në vendin e rezidencës duke përdorur numrat e emergjencës që shfaqen në faqen “Na Kontaktoni”.’– thuhet në njoftimin e Ambasadës.

Gramsh, 12 maj 2025 – Është përmbyllur numërimi i votave në të 48 qendrat e votimit të bashkisë Gramsh, ku Partia Socialiste e Shqipërisë (PS) ka arritur një fitore dërrmuese me 7,737 vota, përkatësisht 69.68% të totalit.

Në vend të dytë është renditur Koalicioni Partia Demokratike – Aleanca për Shqipërinë Madhështore (PD-ASHM) me 2,357 vota ose 21.23%.

Rezultatet për subjektet e tjera janë si më poshtë:

Koalicioni Nisma “Shqipëria Bëhet”: 454 vota (4.09%)

Partia Koalicioni Euroatlantik (KEA): 148 vota (1.33%)

Partia Mundësia: 154 vota (1.39%)

Partia Socialdemokrate (PSD): 129 vota (1.16%)

Lëvizja Bashkë: 89 vota (0.80%)

Partia Aleanca Kombëtare Shqiptare (AKSH): 20 vota (0.18%)

Partia Aleanca Demokracia e Re (ADR): 5 vota (0.05%)

Koalicioni Djathtas për Zhvillim (DZH): 4 vota (0.04%)

Lëvizja Atdheu (LA): 7 vota (0.06%)

Rezultati në Gramsh e përforcon edhe më tej epërsinë e PS në qarkun Elbasan, duke e kthyer këtë zonë në një ndër më të sigurtat për të majtën në zgjedhjet e 11 majit. /noa.al

Kukës, 12 maj 2025 – Numërimi i votave në Qarkun e Kukësit është përmbyllur dhe rezultatet zyrtare tregojnë një fitore të qartë për Koalicionin Partia Demokratike – Aleanca për Shqipërinë Madhështore (PD-ASHM), i cili ka marrë 18,934 vota, që përbëjnë 52.95 për qind të totalit.

Partia Socialiste e Shqipërisë, që deri tani kryeson në nivel kombëtar, në Kukës është renditur e dyta me 10,970 vota ose 30.68 për qind, duke humbur ndjeshëm ndaj opozitës në këtë qark verior.

Në vendin e tretë ka dalë Partia Socialdemokrate (PSD), e cila ka marrë 5,061 vota ose 14.15 për qind, duke tejkaluar forca të tjera më të vogla në këtë zonë.

Ky rezultat e bën Kukësin një nga qarqet ku opozita ka arritur një fitore të thellë, përkundër prirjes së përgjithshme kombëtare ku Partia Socialiste mban shumicën e votave të numëruara. /noa.al

TikTok mbyllet të dielën në SHBA.

Gjykata e Lartë ka mbështetur ligjin që ndalonte aplikacionin në SHBA nëse kompania e saj mëmë me bazë në Kinë ByteDance nuk e shet platformën deri më 19 janar.

ByteDance sfidoi ligjin dhe argumentoi se ai shkel mbrojtjen e fjalës së lirë për më shumë se 170 milionë përdorues të aplikacionit në SHBA.

Por ky argument u refuzua nga gjykata më e lartë e vendit, që do të thotë se TikTok tani duhet të gjejë një blerës të miratuar për versionin amerikan të aplikacionit ose të përballet me një ndalim, sipas BBC.

Zyrtarët dhe ligjvënësit amerikanë kanë akuzuar ByteDance se është i lidhur me qeverinë kineze dhe kanë ngritur shqetësime për sigurinë kombëtare për TikTok.

Nëse ndalohet, përdoruesve që përpiqen të hapin aplikacionin do t’u shfaqet një mesazh që i drejton në një faqe interneti duke u treguar më shumë rreth ndalimit, thonë raportet, duke cituar persona të njohur me planet e TikTok.

Eksporti i gazit rus përmes Ukrainës u ndërpre të mërkurën me skadimin e marrëveshjes për tranzitin.

Ky zhvillim do të detyrojë disa vende europiane që të gjejnë burime të tjera për furnizimin me gaz natyror.

Sulmi shkallë të gjerë i Rusisë ndaj Ukrainës, nxiti shumë vende në Bashkimin Europian që të ndërprisnin varësinë e tyre tek gazi natyror rus.

“Ndaluam tranzitin e gazit rus. Ky është një zhvillim historik. Rusia po humbet tregjet e saj dhe do të ketë humbje financiare. Evropa tashmë e ka marrë vendimin për ta braktisur gazin rus”, tha ministri i Energjisë së Ukrainës, German Galushchenko, përmes një deklarate.
Gjigandi rus i gazit, Gazprom tha se kishte humbur “të drejtën ligjore dhe teknike” për të eksportuar gaz përmes Ukrainës.

Rusia është akoma në gjendje të eksportojë gazë në Turqi dhe në vende të Evropës qendrore si Hungaria dhe Serbia.

Qeveria e Moldavisë, ka urdhëruar shkurtime të forta në konsumin e energjisë për të përballuar humbjen me furnizim gazi nga Rusia.

Bashkimi Europian tha se ishte i përgatitur për ndalimin dhe se ky zhvillim nuk do të ketë ndikim tek vendet anëtare duke deklaruar se “infrastruktura europiane është në gjendje të furnizojë Europën qendrore dhe lindore me gaz që nuk e ka burimin në Rusi”.

Një shërbim transporti me autobusë pa shofer që ishte i pari në botë i këtij lloji, është anuluar sot në Britani prej mungesës së pasagjerëve.

Kompania ‘CAVForth’ operonte autobusët me vetëdrejtim nga Fife drejt Edinburgh në Skoci që prej majit 2023, me një kapacitet prej rreth 10 mijë pasagjerësh në javë.

Së fundmi, kompania njoftoi se “përshtatja e pasagjerëve” në projektin pilot të financuar nga qeveria “nuk arriti pritshmëritë” prandaj do të mbyllet në shkurt të vitit 2025.

Kompania ‘CAVForth’ ishte një bashkëpunim mes disa universiteteve angleze dhe kishte kushtuar 6.1 miliardë paundë, dy të tretat e të cilave nga fondi i qeverisë për “Lëvizjen Inteligjente’.

Autobusët pa shofer kanë sensorë që i bëjnë të udhëtojnë në rrugët e përcaktuara me shpejtësi deri në 80 km në orë.

Në çdo udhëtim ata ndryshojnë mes udhëtimit autonom dhe atij manual, ku kontrollohen nga kompjuteri.

Ndërsa një “shofer sigurie” qëndronte ulur në sediljen e drejtimit për të monitoruar teknologjinë edhe kur kontrollohet nga kompjuteri, ndërsa një tjetër person funksionon si faturino dhe ndihmon pasagjerët.

Kompania shtoi se partnerët e projektit do të eksplorojnë mundësi të reja për teknologjinë e automjeteve pa shofer në zona të ndryshme të Britanisë.