Një ngjarje e rëndë është shënuar në zonën bregdetare të Lezhës, ku një pushues rreth 60-vjeç ka humbur jetën.

Policia bën me dije se është konstatuar në rrezik mbytjeje në plazhin e Tales një pushues, i cili është nxjerrë nga uji në gjendje të rënduar shëndetësore.

Sipas ‘bluve’ 60-vjeçari është transportuar me autoambulancë drejt spitalit, por ka ndërruar jetë gjatë rrugës.

“Rreth orës 11:10, në plazhin “Tale 1”, në afërsi të Hidrovorit, është konstatuar në rrezik mbytjeje një shtetas rreth 60 vjeç, i cili është nxjerrë nga uji në gjendje të rënduar shëndetësore.

Shtetasi N. M., banues në Rrila, është transportuar me autoambulancë drejt spitalit, por ka ndërruar jetë gjatë rrugës.

Një ngjarje tragjike është regjistruar mesditën e sotme në zonën bregdetare të Zvërnecit, Vlorë, ku një turist i huaj ka humbur jetën si pasojë e mbytjes në det.

Sipas informacioneve paraprake, dyshohet se viktima është një shtetas i huaj në moshë të thyer, i cili është mbytur menjëherë pasi është futur në ujë. Pavarësisht ndihmës së dhënë nga pushuesit dhe autoritetet, ai nuk ka mundur të mbijetojë.

Grupi hetimor ndodhet në vendngjarje dhe po punon për zbardhjen e plotë të rrethanave, si dhe për identifikimin zyrtar të viktimës.

Ende nuk dihet nëse ngjarja ka ndodhur për shkak të një problemi shëndetësor të menjëhershëm apo kushteve të pafavorshme në det.

GREQI- Një tjetër tragjedi me tetë emigrantë ka ndodhur në zonën detare në veri të ishullit grek të Samos, në Egjeun Lindor. Mësohet se një gomone me emigrantë është mbytur në zonon shkëmbore të Shën Antonit dhe deri tani pas një operacioni që është duke u zhvilluar nën koordinimin e Qendrës së Bashkuar Koordinuese të Kërkimit dhe Shpëtimit janë gjetur trupat e pajetë të 6 fëmijëve dhe dy grave, ndërsa 36 emigrantë të tjerë janë shpëtuar.

Gjithashtu ende nuk dihet numri i saktë i personave në bordin e gomones që është nisur nga brigjet turke, ndërsa në zonë mbizotëronte mot i keq dhe deti ishte mbi 5 ballë. Po ashtu në operacion marrin pjesë dy anije shpëtimi dhe një mjet mjet lundrues i Rojës Bregdetare greke, një avion dhe një helikopter.

Muajt e fundit vihet re një rritje e fluksit të emigrantëve nga brigjet turke drejt Greqisë. Sipas shifrave që publikon shtypi grek numri i emigrantëve që ndodhen tek qëndrat e pritjes në të gjithë vendin ka shkuar nga 17.000 në 28.000, me një trend rritës. Kapaciteti total është 34,000, por në ishujt e Egjeut lindor tashmë kjo rritje ka shkuar në 130% ,sepse nuk ka pasur dërgime të emigrantëve drejt kontinentit europian ,pasi nuk po funksionon siç duhet procesi i azilit.

Pa procedurat për azil, refugjatët do të mbeten në Greqi dhe nuk mund të udhëtojnë në vendet e BE-së ku duan të shkojnë -theksojnë mediat greke. Sipas të dhënave nga Agjencia e Kombeve të Bashkuara për refugjatët UNHCR nga fillimi i vitit e deri tani rreth 54,000 emigrantë kanë mbërritur në Greqi, nga brigjet turke, numri i dytë më i madh në Evropën Jugore pas Italisë.

Dymbëdhjetë emigrantë egjiptianë besohet se kanë vdekur pasi anija me të cilën po udhëtonin u përmbys në Tobruk në Libinë lindore. Lajmin e thanë sot dy burime egjiptiane të sigurisë. Mësohet se një burrë u shpëtua nga rrënojat.

13 burrat ishin nisur për në Itali të dielën mbrëma, thanë burimet, duke cituar informacionin që ata morën nga i mbijetuari përmes autoriteteve libiane. Këta njerëz erdhën nga provincat al-Sharqiya dhe Gharbiya të Egjiptit. Kohët e fundit ka pasur një rritje të numrit të egjiptianëve që tentojnë kalimin e rrezikshëm të Mesdheut me synimin për të arritur në Evropë, pasi janë përballur me papunësi dhe inflacion të lartë në vendin e tyre.

Tre persona humbën jetën dhe 25 të tjerë rezultojnë të zhdukur pasi një varkë me emigrantë dhe refugjatë u mbyt të hënën në ishullin grek të Samos në detin Egje. Gjithashtu policia bregdetare greke, njofton se barka me 33 persona, emigrantë nga vendet e treta, u përmbys vetëm pak metra përpara se të arrinte në ishull. Gjithashtu banorë dhe peshkatarë që ndodheshin pranë zonës, ndihmuan në nxjerrjen në breg të  pesë personave të mbijetuar, ndërsa në mesin e tre viktimave, dy prej tyre ishin vajza të mitura.

Operacioni i kërkimit në të cilin marrin pjesë dhjetëra forca të rojes bregdetare, helikopterë por edhe banorë të zonës me motoskafët e tyre vazhdon ende, por me kalimin e orëve shpresat po shuhen për të gjetur persona të mbijetuar. Kushtet atmosferike duket se e vështirësojnë edhe më tepër situatën, për shkak të erës së fortë dhe dallgëve.

Ekipet e shpëtimit thonë se zona e kërkimit është shkëmbore dhe ka rrymë të fortë, ndërsa deti i trazuar shuan çdo çast shpresat për gjetjen në jetë të emigrantëve. Ndërkohë të shpëtuarit u dërguan në spitalin e ishullit kurse trupat e viktimave në morg, ndërkohë që identifikimi i tyre do të jetë i vështirë.

Trembëdhjetë persona kanë humbur jeten, ndërsa 14 të tjerë rezultojnë të zhdukur pas mbytjes së një varke në Jemen, tha të dielën Organizata Ndërkombëtare për Migracionin (IOM), raporton Reuters.

“Trembëdhjetë persona kanë humbur jetën tragjikisht dhe 14 të tjerë mbeten të zhdukur pasi një varkë me emigrantë u përmbys të martën në brigjet e provincës Taez të Jemenit”, tha IOM.

Varka ishte nisur nga Xhibuti me 25 emigrantë etiopianë dhe dy shtetas jemenas, sipas agjencisë së OKB-së.

Njëmbëdhjetë burra dhe dy gra, ishin midis të vdekurve të konfirmuar, ndërsa operacionet e kërkimit vazhdojnë për të gjetur të zhdukurit, duke përfshirë kapitenin jemenas dhe ndihmësin e tij, tha IOM.

Ngjarje e trishtë në fshatin Çidhen të Peshkopisë.Mbytet në ujëmbledhësin e fshatit 16-vjeçari.

‘Me datë 11.08.2024, rreth orës 11.00, në ujërat e ujë-mbledhësit të centralit të fshatit Çidhen, dyshohet se duke u larë është vetëmbytur shtetasi Xh.H., rreth 16 vjeç.

Grupi hetimor në drejtimin e Prokurorisë po punon për sqarimin e plotë të rrethanave të kësaj ngjarjeje’, informon policia.

Një 69-vjeçar është mbytur në plazhin e Pishporos në Fier pasditen e sotme.

Sipas informacioneve paraprake në vendngjarje ka mbërritur menjëherë ambulanca, por pa mundur të shpëtojë të moshuarin.

Sakaq, policia dhe grupi hetimor për të zbardhur shkaqet e humbjes së jetës së 69-vjeçarit.

Mbytet në Golem turistja sllovake.

‘Rreth orës 19:30, në Golem, dyshohet se duke u larë në det, është mbytur aksidentalisht shtetasja M. J., 61 vjeçe, banuese në Sllovaki.

Grupi hetimor vijon punën për sqarimin e plotë të rrethanave dhe shkakut të mbytjes’, informon policia.

Deri më tani disa turistë kanë humbur jetën në plazhet e Shqipërisë.

Një ngjarje e rëndë ka ndodhur në Gramsh.

Dyshohet se një person është mbytur në liqenin e Banjes. Konkretisht buzë liqenit të Banjës, në afërsi të fshatit Qerret janë gjetur disa sende që mendohet se i përkasin një 30 vjeçari.

Ky i fundit rezulton i zhdukur prej dy ditësh.Në vendin e ngjarjes kanë mbërritur forcat e policisë dhe zjarrfikësja të cilët po kontrollojnë në zonë për të gjetur trupin e 30-vjeçarit i cili dyshohet të jetë i mbytur.

Drejt vendit të ngjarjes kanë mbërritur edhe polumbarët të cilët po bëjnë kontroll të zonës.