Mediat italiane nuk kanë më asnjë dyshim se Ardian Ismajli është mbrojtësi më i mirë i Serie A. Ismajli ka tërhequr vëmendjen e dy skuadrave më të mëdha në Itali, Inter dhe Juventus.

Tuttomercatoweb shkruan se Ismajli është bërë shpesh shkak që skuadrat kundërshtare të ndërrojnë sulmuesin gjatë lojës, pasi përballë tij performojnë mjaft dobët.

“Deri tani në kampionat, Ardian Ismajli është mbrojtësi më i mirë në gjithë Serinë A”, kjo i referohet notave të dhëna nga media italiane për çdo ndeshje në këtë sezon, ndërsa i vetmi që e ndjek me të njëjtin hap është Di Marco i Interit.

Herët a vonë, të gjithë personazhet e famshëm u ndodh të jenë viktima të lajmeve të rreme në lidhje me vdekjen e tyre. Rasti më i fundit është ai i balerinit të njohur shqiptar, Kledi Kadiu.

Disa gazeta italiane kanë raportuar lajmin se ai ka ndërruar jetë, duke shqetësuar fansat e tij të shumtë, miqtë dhe familjarët.

Balerini i njohur i ka lexuar këto lajme dhe ka vendosur që të reagojë përmes disa postimeve në “Instastory”.

“Këtu shkruajnë se jam larguar… nuk e kuptoj se ku. Kam vdekur? Jo. U largova nga Italia? Jo, shihemi më vonë”, shkruan fillimisht Kledi Kadiu.

Më vonë balerini i njohur ka postuar disa video po në “Instastory”, ku qetëson të gjithë ndjekësit dhe jo vetëm që është shumë mirë.

“Po e bëj këtë story për të gjithë njerëzi, miqtë që po më shkruajnë në këto orët e fundit, për disa artikuj që kanë dalë që mbrëmë. Disa tituj jo shumë të lezetshëm. Sigurisht që bëhet çdo gjë për disa klikime, kjo gjë është e trishtë. Por unë jam shumë mirë.

Shkrimi në fjalë nuk është kush e di se çfarë, por janë titujt për të rënë në kurth për të marrë klikime”, shprehet balerini i njohur.

Me pak fjalë, dikush ka tentuar të bëjë bujë duke përdorur emrin e balerinit shqiptar.