KOSOVË- Të shtëna me armë zjarri janë dëgjuar në Komunën e Vushtrisë.

Sipas mediave lokale dyshohet se dy persona kanë humbur jetën.

Të shtënat janë konfirmuar nga zëdhënësi i Prokurorisë Themelore në Mitrovicë, Valon Preteni.

Ndërkaq, një ditë më parë një vrasje e rëndë tronditi qytetin e Vushtrisë ku mbeti i vrarë një 19 vjeçar.

Policia dhe grupi hetimor kanë rrethuar zonën dhe  po punojnë për sqarimin e rrethanave.

Policia në Elbasan ka arrestuar një 62-vjeçar, pasi dyshohet se ka përplasur një motor dhe është larguar nga vendi i aksidentit. Efektivët shprehen se kanë gjetur e sekuestruar një automjet tip Benz.

“Si rezultat i veprimeve intensive hetimore dhe procedurale të kryera me zbardhjen e rrethanave të një aksidenti të ndodhur më datë 07.09.2024, në lagjen “28 Nëntori”, ku u përplasën një automjet me një motomjet, specialistët e Sektorit të Qarkullimit Rrugor bënë të mundur identifikimin, kapjen dhe arrestimin e drejtuesit të automjetit, shtetasit H. O., 62 vjeç”, thuhet në njoftim.

Momenti jo pozitiv për Rafael Leaon duket se po vazhdon edhe me kombëtaren e Portugalisë.
Pavarësisht nisjes jo të mirë të sezonit me Milanin dhe çështjet ekstra-sportive, duket se sulmuesi ka zhgënjyer edhe në duelin që luzitanët luajtën në Ligën e Kombeve kundër Kroacisë.

“Rrinte kot në fushë. Bëri shumë gabime dhe nuk kishte dëshirë për të luajtur”, shkruanin mediat, që i kanë dhënë vlerësime shumë të ulëta futbollistit ofensiv.

Forcat izraelite vranë një komandant të lartë të Hamasit në qytetin e Jeninit, teksa po kryenin një operacion të madh në Bregun Perëndimor të pushtuar për të tretën ditë.
Njoftimi është bërë publik nga ushtria izraelite. Ushtria izraelite tha se forcat e Policisë Kufitare kishin vrarë Wassem Hazem, i cili ishte kreu i Hamasit në Jenin dhe ishte i përfshirë në të shtënat dhe sulmet me bomba në territorin palestinez.

Metodat e përdorura nga Tel-Avivi në operacionet e fundit ushtarake të Izraelit ka shqetësuar thellësisht Britaninë e Madhe, veçanërisht në Bregun Perëndimor. Kështu deklaroi zëdhënësi i Ministrisë së Jashtme britanike, i cili ripërsëriti kërkesën e tij drejtuar shtetit hebre që “të tregojë moderim, t’i përmbahet ligjit ndërkombëtar dhe të shtypë veprimet e atyre që kërkojnë të ndezin tensionet”.

Që nga e premtja, 19 palestinezë janë vrarë gjatë një operacioni të gjerë ushtarak izraelit në Bregun Perëndimor që përfshin qytetet Jenin, Tubas dhe Tulkarem, sipas ministrisë palestineze të shëndetësisë dhe grupeve palestineze.

Ndërkohë, negociatat midis Izraelit dhe Hamasit “po shkojnë drejt kolapsit”. Kjo u deklarua nga një burim anonim i nivelit të lartë nga grupi palestinez për median pro-Hezbollahut Al-Mayadeen, të bërë publik nga Times of Israel.

Sipas zyrtarit, takimet e fundit në Katar kanë dështuar të sjellin një përparim në negociata, pasi Izraeli insiston të mbajë një prani në korridorin e Filadelfit, ndërkohë që nuk është i gatshëm të heqë dorë nga vetoja e tij mbi identitetin e 65 të burgosurve palestinezë që vuajnë dënimin e përjetshëm për lirim, si pjesë e një zgjidhjeje.

Ndërkohë, sipas mediave libaneze, të raportuara nga mediat izraelite, Irani është gati të sulmojë shtetin hebre “më së shumti në 2-3 ditët e ardhshme”.

Italia i ka dhënë lamtumirën kampionatit Europian “Gjermani 2024”, pas disfatës 2-0 nga Zvicra në Berlin. Mediat italiane nuk kanë humbur kohë të “masakrojnë” kombëtaren “Azzurri” duke e quajtur një katastrofë këtë eliminim.

Corriere dello Sport: “Dështimi i Italisë: Spalletti jashtë kampionatit Europian. Zvicra dominon dhe kalon në çerekfinale”

SportMediaset: “Freuler dhe Vargas ndëshkojnë një Itali të keqe: Zvicra në çerekfinale, Azzurri në shtëpi”

Tuttosport: “Fatkeqësia e Italisë, Zvicra dominon: Spalletti dhe Azzurri eliminohen nga Europiani”

Gazzetta dello Sport: “Italia humbet fytyrën! Zvicra shëtit dhe fiton 2-0, Azzurri jashtë kampionatit Europian”

Calciomercato: “Italia katastrofë, e poshtëruar nga Zvicra dhe shkon në shtëpi: Spalletti humbet 2-0 dhe i jep lamtumirën Euro 2024”

Rai.it: “Italia e makthit: mposhtet 2-0 nga Zvicra. Azzurri eliminohet nga kampionati Europian”. TCH

Mediat izraelite raporton se kryeministri Benjamin Netanyahu ka frikë se Gjykata Ndërkombëtare Penale (ICC) mund të lëshojë menjëherë një urdhër arresti kundër tij, zyrtarëve të lartë izraelitë dhe luftëtarëve në ushtrinë izraelite.

“Ndonëse vendimet e marra nga gjykata në Hagë nuk do të ndikojnë në veprimet e Izraelit, ato do të krijojnë një precedent të rrezikshëm që kërcënon ushtarët dhe figurat publike”, tha kryeministri izraelit në një deklaratë.

Një nga mediat kryesore të lajmeve televizive të Izraelit, Channel 12, raportoi në fillim të këtij muaji se Izraeli ishte gjithnjë e më i shqetësuar nga mundësia që GJNP-ja të lëshonte urdhër-arreste kundër Netanyahut dhe zyrtarëve të tjerë të lartë për shkelje të ligjit ndërkombëtar me situatën në Gaza.

Raporti thoshte se Zyra e Kryeministrit mbajti një “diskutim urgjent” për këtë çështje.

Izraeli nuk është anëtar i gjykatës, me seli në Hagë, dhe nuk e njeh juridiksionin e saj, por territoret palestineze u pranuan si shtet anëtar në vitin 2015.

Kryeprokurori i ICC-së Karim Khan tha në tetor se gjykata kishte juridiksion mbi çdo krim të mundshëm lufte të kryer nga luftëtarët e Hamasit në Izrael dhe nga izraelitët në Rripin e Gazës.

Një tjetër shqiptar është arrestuar nga policia belge, me akuzën e trafikut të drogës.

Mediat vendase shkruajnë se hetimet e policisë belge për një tregëtar droge që shiste 3-4 kg kokainë, coi tek emri i shqiptarit. Si kreu i një bande droge, i cili e quajti veten “Shoku im”, ai kalonte çdo ditë qendrën e qytetit bregdetar Ostend me një biçikletë elektrike zonjash. Hetimet telefonike treguan gjithashtu se ai kishte shumë kontakte në mjedisin e drogës.

Hetimet e policisë zbuluan se i dyshuari quhet në të vërtetë Kladio X., një shqiptar që pretendonte të ishte grek. Gjatë kontrollit në banesën e tij në Zeedijk në mes të shkurtit, hetuesit gjetën pothuajse 600 gram kokainë, një armë zjarri dhe 29,000 euro cash. Në garazhin e tij në Mariakerkelaan kishte edhe 2.2 kilogramë kokainë, një dyshek dhe gati 14 mijë euro cash.

X. rrëfeu se prej tre vitesh merrej me tregtinë e kokainës në shkallë të gjerë dhe se kishte mbajtur edhe llogari për këtë. Herë pas here shiste edhe hashash. “Unë kam 100 klientë dhe kam pasur një fitim prej 300,000 eurosh,” tha ai kur u pyet se çfarë kishte dhënë tregtia e tij. Prokuroria publike ka llogaritur se X. ka shitur të paktën nëntë kilogramë kokainë dhe ka kërkuar konfiskimin e 468 mijë eurove.

Për këtë rast është akuzuar edhe një 27-vjeçar shqiptar. Gjatë kontrollit në banesë ka qenë i pranishëm K. A. Ai ka deklaruar se u sillte klientëve kokainë për X. dhe qëndronte në banesë prej rreth tre muajsh. Në dhomën e tij u gjetën më shumë se 600 gramë pluhur të bardhë.

Më 1 prill 2019, X. u dënua gjithashtu me 1 vit burg me kusht në mungesë për pjesëmarrjen e tij në një bandë shqiptare të drogës. Kështu që tani ai merr një dënim 5 vjet efektiv. Gjykata ka konfiskuar edhe 300 mijë euro. “Ai u soll si një udhëheqës i përsosur biznesi,” tha gjykatësi. K. A shpëton me një dënim 18 muaj burg me kusht.