GJKKO merr vendim për ndalimin e publikimit të kërkesë së Prokurorisë apo përmbajatjes së saj deri në përfundim të hetimeve, si dhe ndalimin tërësisht të publikimit të këtij vendimi deri në përfundim të hetimeve paraprake. Vendimi është marrë sot.

“Gjykata e Posa?me e Shkallës së Parë për Korrupsionin dhe Krimin e Organizuar në kuadër të procedimit penal Nr. 59 të vitit 2022, pasi shqyrtoi kërkesës e Prokurorisë së Posaçme kundër Korrupsionit dhe Krimit të Organizuar për caktimin në mungesë të masave të sigurisë, me vendimin Nr. 49, datë 15.05.2023 të Gjykatës së Posa?me të Shkallës së Parë për Korrupsionin dhe Krimin e Organizuar, pasi ka disponuar lidhur me masat e sigurimit, ndër të tjera bazuar në nenin 103 të K.Pr.Penale ka vendosur: ndalimin e publikimit të kërkesës së prokurorisë apo përmbajtjes së saj deri në përfundim të hetimeve, si dhe ndalimin tërësisht të publikimit të këtij vendimi deri në përfundim të hetimeve paraprake.

Kavajë/Vijon megaoperacioni policor antidrogë i koduar “Tempulli”.about:blank

Goditet një rast i shitjes së dozave të kokainës, në lagje të ndryshme të qytetit.

Vihet në pranga 41-vjeçari që kryente këtë veprimtari kriminale dhe sekuestrohen disa doza të kësaj lënde narkotike.

Specialistët për Hetimin e Krimeve të Komisariatit të Policisë Kavajë, si rezultat i kontrolleve në të gjithë territorin e qarkut, të mbështetura nga inteligjenca policore dhe të kryera në vijim të veprimeve operacionale për megaoperacionin “Tempulli”, kanë konstatuar dhe kanë goditur një tjetër rast të shitjes në doza, të lëndës narkotike kokainë, në lagje të ndryshme të qytetit.

Për këtë rast u kap në flagrancë dhe u arrestua shtetasi F. D., 41 vjeç, banues në Kavajë.

Gjatë kontrollit fizik 41-vjeçarit iu gjet dhe iu sekuestrua në cilësinë e provës materiale, një sasi lënde e dyshuar narkotike kokainë, e ndarë në disa doza, të gatshme për shitje.

Materialet procedurale i kaluan Prokurorisë pranë Gjykatës së Parë të Juridiksionit të Përgjithshëm Durrës, për veprime të mëtejshme, për veprat penale “Prodhimi dhe shitja e narkotikëve”.

Seanca gjyqësore në lidhje me operacionin “Never Forget” zhvillohet në Gjykatën e Elbasanit ditën e diele ora 10.00. Prokuroria Elbasanit kërkon masën e arrestit ne burg për të gjithë të ndaluarit. Prokuror i çështjes është Kreshnik Ajazi ndërsa gjyqtare Megi Strakosha.

Alket Shatro, zv.Drejtor i Policisë së Tiranës i ftuar në studion e emisionit “Open” ndau detaje në lidhje me shkatërrimin e bandës së Leart Haxhiut dhe arrestimit të Artan Tafanit, tashmë i penduari i drejtësisë.about:blank

Shatro tregoi se si u bë e mundur identifikimi, shpallja në kërkim, si dhe arrestimi i Artan Tafanit. Në lidhje me rolin e Tafanit në bandën kriminale, zv.drejtori i policisë tha se ka qenë ekzekutori, ndërsa Haxhiu ishte personi që jepje urdhër se kush do ekzekutohej, sakaq shtoi se e bënte për qëllime financiare, apo për të eliminuar ata që kishte konflikte.

“Nga vjedhja me dhunë një pikë valutore në Astir, Tiranë, u bë e mundur identifikimi dhe shpallja në kërkim e autorit. Ai u identifikua për shkak të informacionit në inteligjencën policore, veshjet, në garazh u gjet një makinë. Më pas u bë një kërkim i një shkalle të gjerë pasi kishte një ‘background’ (të shkuar) kriminale, u bë operacion i gjerë e jo vetëm në Tiranë, por edhe në qarqe. U organizua operacioni dhe u bë e mundur kapja e tij në një hotel në rrugën Lushnjë-Fier. Artan Tafani është anëtar i grupit të Leart Haxhiut dhe ka rolin e ekzekutorit, në shumicën e vrasjeve. Haxhiu është kryesori në këtë grup kriminal pasi jepte urdhër vrasje. Ai kishte përfitime financiare por edhe për shkaqe konfliktesh.”, u shpreh Shatro.

Gazetari Dritan Laçi tregoi në emisionin Review në Euronews Albania se ka tre lloje shpërndarësish droge; ata që merren me klubet e natës, të shkollave dhe ata që zotërojnë sheshet.

Ai u shpreh se sasia e lëndës narkotike në qytetet e mëdha është shumë  e vogël nëse ndahet në dozë dhe theksoi se policia duhet ta sqarojë për cilët lloje shpërndarësit bëhet fjalë në operacionin Tempulli.

“Kemi tre lloje shpërndarësish droge; ata që merren me klubet e natës, të shkollave dhe ata që zotërojnë sheshet. Te ky operacioni jemi te shpërndarësit e shkollave, shesheve apo lokaleve? Në 4 qytete të mëdha, po t’i mbledhësh më rezulton 190 gramë në Vlorë, 26 në Fier, zero në Gjirokastër, le të ma thonë sa doza bëjnë? Nëse këta quhen shpërndarës droge…”, tha gazetari.

Të tjera detaje kanë dalë pas megaoperacionit antidrogë “Tempulli” të zhvilluar gjatë ditës së sotme, ku në pranga ranë mbi 200 persona në të gjithë Shqipërinë.

Gazetarja Glidona Daci, e ftuar në emisionin “Open” në News24 ka zbuluar se në mesin e të arrestuarve për shitje droge ka qenë edhe një vajzë shtatzënë dhe një i moshuar mbi 74-vjeç.

Sipas saj, ky operacion ka goditur kryesisht shpërndarësit e drogës, po jo përgjegjësit kryesorë të trafiqeve.

“Një vajzë shtatzënë dhe 3 të tjera janë përfshirë në shitjen e drogës dhe janë arrestuar gjatë operacionit antidrogë. Një burrë mbi 74 vjeç ishte përfshirë po ashtu në shpërndarjen e lëndëve narkotike.

Çmimi i kokainës në vend ka rënë, sepse ka magazina me shumicë që nuk është shitur. Pastërtia e kokainës sipas ekspertëve shkon deri në 90%. Fakti që shitet lirë tregon se në Shqipëri mund të gjendet më kollaj.about:blank

Operacioni ka nisur muaj më parë. Janë fotografuar dhe përgjuar momentet e blerjes së drogës nga persona të infiltruar. Shumica e të arrestuarve janë shpërndarës droge, por jo përgjegjësit kryesorë”. u shpreh ajo.

Bëhet fjalë për: Joni Hasnjoku, Durim Novaku, Hysni Sadushi, Arsen Vishkulli, Emiljan Dinja, Ledi Nergjoni, Erist Skilja, Gazmir Panxhi, Gentjan Shabani, Florenc Demiri, Gavrosh Berati,Rigert Kokoneshi, Ferdinand Sadushi, Ahmet Kushi, Denis Darzeza, Florenc Puto, Storado Sadushi, Emre Puro, Rezarta Isufaj, Shpetim Myrta, Edor Hasanllari, Andrea Gugu, Armando Buzani, Erind Hoxha, Ilirjan Kume, Sali Isufaj, Klajdi Isufaj, Igli Merko, Hekuran Gjeli, Xhuljano Gjyla, Enea Hysenbelli, Leonard Tola, Aldo Gjeli, Esmirand Lici, Xhulio Lluca, Armand Lluca, Oltjon Çela, Sara Çepi, Xhevit Bogdani, Taulant Novaku, Amarildo Sallaj, Romarjo Bora, Rudolf Korumi, Mariglen Hida Fatmir Durbaku, të dyshuar për kryerjen e veprës penale “Prodhimi dhe shitja e narkotikëve”.

Gjatë seancës gjyqësore të ditës së sotme u vendos:

Caktimin e masës së sigurimit “Arrest në Burg” për personat nën hetim, H, E.H, A.G,  E.H, S.S, E (E) P, Sh.M, R.I, A.K, D.D, F.P , D.N, A.V, G.Sh, F.D, G. B, E. D, L.N, E.S, I.K, K.I, I.M., H.Gj ,  R. K., M. H., E. H., L. T., A. Gj., E. L., O. C., A.Ll.,  Xh. Ll., G. Gj., R. N., parashikuar nga neni 238 i K. Pr. Penale, të dyshuar për kryerjen e veprës penale te “Prodhimi dhe shitja e narkotikeve” e parashikuar nga nenet 283,  283/2  të  K.Penal.

Caktimin e masës së sigurimit “Arrest në burg” me afat 20 ditë për personin nën hetim A. S. S., i dyshuar për veprën penale të “Prodhimi dhe shitja e narkotikëve”, parashikuar nga neni 283/2 K.Penal.
Urdhërohet mbajtja në paraburgim e personave nën hetim për të cilët u caktua masa e sigurimit “arrest në burg

Shkon 54 numri i shtetasve të vënë në pranga si rezultat i megaoperacionit ‘Rrjeti’ në Elbasan. Në pranga përfunduan shtetasit Migen Kuçaj dhe Migel Balla, të akuzuar nga Gjykata, si pjesëtarë të një rrjeti kriminal për prodhim, shitjen dhe trafikimin e drogave.

Njoftimi i policisë:

Të akuzuar nga Gjykata, si pjesëtarë të një rrjeti kriminal për prodhimin, shitjen dhe trafikimin e llojeve të ndryshme të drogave, kapen dhe vihen në pranga 2 shtetas të shpallur në kërkim.

Shërbimet operacionale të Drejtorisë Vendore të Policisë Elbasan dhe ato të Komisariatit të Policisë Elbasan kanë vijuar të ushtrojnë kontrolle në të gjithë qarkun, për të kapur dhe për të nxjerrë përpara përgjegjësisë penale, të gjithë shtetasit e shpallur në kërkim në kuadër të megaoperacionit policor antidrogë të koduar “Rrjeti”.

Si rezultat, u ndaluan shtetasit M. B., 35 vjeç dhe M. K., 34 vjeç, të dy banues në Elbasan. Për këta shtetas, Gjykata e Shkallës së Parë e Juridiksionit të Përgjithshëm Elbasan ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.about:blank

Të dy këta shtetas akuzohen se janë pjesëtarë të një rrjeti kriminal për prodhimin, shitjen dhe trafikimin e llojeve të ndryshme të drogave, veprimtari kriminale e cila u godit nga Policia e Elbasanit, më datë 29 qershor 2023, në kuadër të megaoperacionit policor antidrogë të koduar “Rrjeti”.

Për këtë megaoperacion janë vënë në pranga 54 shtetas në total, si dhe janë sekuestruar sasi dhe doza të drogave të ndryshme, armë zjarri, municion luftarak, armë të ftohta dhe shuma të mëdhaja parash në valuta të ndryshme.about:blank

Vijon puna për kapjen e 3 shtetasve të tjerë të shpallur në kërkim në kuadër të këtij megaoperacioni.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.