Të paktën 15 persona humbën jetën në një aksident tragjik në autostradën Mérida–Campeche në Gadishullin Jukatan, Meksikë. Sipas autoriteteve, një rimorkio me pasagjerë u përplas me dy automjete të tjera, duke shkaktuar një zjarr të madh që përfshiu mjetet në pak minuta.

Pamjet që qarkullojnë në rrjetet sociale tregojnë skena tronditëse me trupat e viktimave të shtrirë në asfalt, ndërsa flakët shiheshin nga larg. Guvernatori i Jukatanit, Joaquin Díaz Mena, shprehu ngushëllimet për familjet e viktimave dhe tha se ekipet e emergjencës dhe ato shëndetësore janë në gatishmëri të plotë për t’u ofruar ndihmë të mbijetuarve dhe të afërmve.

Michoacán, Meksikë – 18 Qershor 2025– Martha Laura Mendoza, kryetare e bashkisë së Tepalcatepec në shtetin perëndimor të Michoacán, u vra të martën në mëngjes ndërsa po dilte nga shtëpia së bashku me bashkëshortin e saj, i cili gjithashtu humbi jetën në sulm. Ngjarja ndodhi vetëm dy ditë pasi një tjetër kryetare bashkie, Lilia Garcia, u ekzekutua nga pesë persona të armatosur në zyrën e saj në shtetin jugor të Oaxacas.

Lajmin për vrasjen e kryebashkiakes Mendoza e konfirmoi Guillermo Valencia, përfaqësues i partisë opozitare PRI. Mendoza ishte anëtare e partisë në pushtet, MORENA, dhe njihej për angazhimin e saj në përmirësimin e infrastrukturës dhe sigurisë lokale në një nga zonat më të ndikuara nga krimi i organizuar në vend.

Michoacán, një nga shtetet më të pasura në Meksikë për nga bujqësia – veçanërisht prodhimi i avokados – është gjithashtu një nga më të rrezikshmit, për shkak të pranisë së karteleve të drogës si Nueva Familia Michoacana, një grup i klasifikuar si organizatë e huaj terroriste nga administrata Trump në vitin 2020.

Sulmet ndaj zyrtarëve vendorë në Meksikë janë bërë gjithnjë e më të shpeshta në vitet e fundit. Vetëm gjatë muajve të fundit, dhjetëra politikanë lokalë dhe zyrtarë të zgjedhur janë vrarë në atentate që mendohet të jenë të lidhura me krimin e organizuar. Edhe kryeqyteti Meksiko, që më parë ishte konsideruar më i sigurt, ka përjetuar valë dhune, përfshirë vrasjen e dy bashkëpunëtorëve të ngushtë të kryetares së bashkisë Clara Brugada muajin e kaluar.

Analistët e sigurisë paralajmërojnë se kjo është një strategji sistematike e karteleve për të frikësuar dhe kontrolluar autoritetet lokale në zonat ku ato ushtrojnë ndikim të drejtpërdrejtë ekonomik dhe politik.

Për herë të parë në fushatën e saj presidenciale, zëvendëspresidentja demokrate Kamala Harris vizitoi kufirin SHBA-Meksikë. Ajo bëri thirrje për kufizime më të ashpra për emigrantët ilegalë dhe u zotua se do të ndalojë futjen e fentanilit në Amerikë.

“Unë do të ndërmarr veprime të mëtejshme për të mbajtur kufirin të mbyllur. Ata që kalojnë kufijtë tanë në mënyrë të paligjshme do të ndalohen të hyjnë përsëri për pesë vjet. Ne e kuptojmë se shumë njerëz janë të dëshpëruar për të emigruar në Shtetet e Bashkuara, por sistemi ynë duhet të jetë i rregullt dhe i sigurt”.

Harris tha gjithashtu se politika e saj do të krijonte një program human të imigracionit. Kjo pasi rreth 7 milionë emigrantë janë arrestuar duke hyrë ilegalisht ne kufirin SHBA-Meksikë gjatë administratës së Joe Biden .

“Unë hedh poshtë zërat që sugjerojnë se duhet të zgjedhim mes kufirit tonë dhe krijimit të një sistemi emigrimi të sigurt dhe të rregullt. Ne mund dhe duhet t’i bëjmë të dyja”.

Ajo akuzoi rivalin e saj republikan Donald Trump se po përdor një retorikë të ashpër ndaj emigrantëve.

Kamala Harris e fajësoi ish-Presidentin amerikan edhe për bllokimin e një projektligji gjithëpërfshirës të sigurisë kufitare që do të kishte penguar zinxhirin e furnizmit me fentanil.

Ky i fundit është bërë shkaku kryesor i vdekjes për amerikanët midis moshës 18 dhe 45 vjeç.

Në Meksikë numri i personave që humbën jetën nga vala e të nxehtit që ka qenë efektive që nga fillimi i vitit është rritur në 155.

Sipas lajmeve në mediat meksikane, derisa numri i të vdekurve po rritet në vendin ku po përjetohet nxehtësi ekstreme, niveli i ujit në diga është në rënie.

Të paktën 155 persona kanë humbur jetën për shkak të motit jashtëzakonisht të nxehtë në të gjithë vendin që nga fillimi i vitit 2024, shumica prej tyre në Veracruz.

Temperaturat kaluan mbi 45 gradë Celsius në shtetet Veracruz, Tabasco, Tamaulipas, Nuevo Leon dhe San Luis Potosi.

Në deklaratën e Sekretariatit të Shëndetësisë thuhet se vetëm në periudhën 13-18 qershor nga temperaturat e larta kanë vdekur 30 persona.

Rreth 2.567 persona kërkuan ndihmë mjekësore në spitale për shkak të goditjes nga dielli.

Mësohet se vapa përvëluese do të vazhdojë deri më 5 tetor.

Në disa shtete të vendit sasia e ujit në diga ka rënë në nivele kritike për shkak të rritjes së shpejtë të shkallës së avullimit.

Shërbimi Meteorologjik Kombëtar njoftoi se më 9 qershor një valë e re e të nxehtit do të jetë efektive në të gjithë vendin dhe rekomandoi që pacientët kronikë të mos dalin jashtë në orë të caktuara, përveç rasteve kur është e nevojshme.

Një burrë 59-vjeçar në Meksikë ka humbur jetën nga një lloj gripi i shpendëve, H5N2, i paregjistruar ndonjëherë te njerëzit më parë.

Është e paqartë se si e ka marrë atë, megjithëse ka pasur raste në disa ferma shpendësh në Meksikë, raporton “BBC”.

Infeksionet si kjo ndonjëherë mund të kalojnë nga kafshët te njerëzit. Burri kishte probleme të tjera themelore shëndetësore që ndoshta e bënë atë që të mos i mbijetonte këtij infeksioni. 

“Nuk ka asnjë provë që virusi mund të fillojë të përhapet midis njerëzve dhe të shkaktojë një shpërthim”, u shprehën ekspertët. 

Organizata Botërore e Shëndetësisë dhe autoritetet e tjera monitorojnë llojet e gripit, si ky, që mund të ketë mutacion të mundshëm dhe nuk mund të përjashtohet mundësia që të kthehet në një kërcënim.

Përleshjet shpërthyen midis policisë dhe protestuesve jashtë ambasadës izraelite në Meksikë.

Protestuesit i vunë flakën ambasadës izraelite, si shprehje e zemërimit ndaj masakrës së ndodhur në Rafah.

Disa protestues mbuluan fytyrat e tyre dhe hodhën gurë ndaj policisë që bllokuan rrugën e tyre drejt kompleksit diplomatik në lagjen “Lomas de Chapultepec”.

Rreth 200 persona iu bashkuan demonstratës “Aksioni urgjent për Rafah”, rreth 30 prej të cilëve filluan të thyejnë barrierat që i pengonin ata të arrinin në misionin izraelit.

Oficerët e policisë përdorën gaz lotsjellës dhe hodhën mbrapsht gurët e hedhur ndaj tyre nga protestuesit.

Demonstrata u thirr në përgjigje të një sulmi izraelit që ndezi një ferr në një kamp zhvendosjeje jashtë Rafah, duke vrarë 45 persona sipas zyrtarëve palestinezë.

Ndryshe, Izraeli ka nisur një ofensivë në territoret palestineze pas sulmit terrorist të palestinezëve në Tel Aviv më 7 tetor të vitit të kaluar.

MEKSIKË- Vullkani Popocatepetl në Meksikë ka shpërthyerditën e djeshme duke shkuar në një lartësi prej 2000 metrash. Për shkak të shpëthimit të vullkanit janë anuluar më shumë se njëzet fluturime në aeroportin e kryeqytetit të Meksikës.

“Njëzet e dy fluturime të linjave ajrore të ndryshme kombëtare dhe ndërkombëtare u anuluan për shkak të kontrolleve të sigurisë në avionët që ndeshën me hi gjatë fluturimit,” shpjegoi Aeroporti Ndërkombëtar Benito Juarez (AICM) i Meksikos City.

Operatori i aeroportit siguroi se nuk është parë e nevojshme të pezullohet funksionimi i tij deri më tani, megjithatë, ai vazhdon të monitorojë nga afër drejtimin e hirit, i cili aktualisht po lëviz drejt Gjirit të Meksikës (në lindje).

Autoritetet federale mbajtën të martën nivelin e alarmit në “të verdhë”, dy shkallë nën rrezikun maksimal, por paralajmëruan rënien e hirit në tre shtetet në pjesën qendrore të vendit që rrethojnë kraterin: Morelos, Puebla dhe shtetin e Meksikës. Aktiviteti më i fundit shpërthyes vullkanik në Popocatepetl u regjistrua në maj 2023. Kryeqyteti meksikan është i rrethuar nga një varg malor, i cili redukton mundësitë përsa i përket rrugëve ajrore. Në 24 orët e mëparshme, vullkani regjistroi 77 shpërthime, dridhje me një kohëzgjatje totale prej 952 minutash dhe një tërmet, tha një raport i mbrojtjes civile pasditen e djeshme.