Tiranë- Kryeministri Edi Rama përshëndeti dhe mirëpriti më shumë se 40 udhëheqës evropianë në takimin e Komunitetit Politik Evropian.

Ndërkohë një video e mënyrës se si kryeministri Edi Rama e mirëpriti kryeministren italiane Giorgia Meloni, është bërë virale në mediat sociale dhe mediat e huaja i kanë kushtuar shkrime këtij momenti.

“Videoja e tregon atë të gjunjëzuar dhe me duart e kryqëzuara për të mirëpritur udhëheqësen italiane, një gjest që shumë përdorues të medias pretenduan se do ta bënte Elon Musk xheloz, duke iu referuar thashethemeve për një marrëdhënie romantike midis miliarderit të teknologjisë dhe politikanit.”, shkruajnë mediat e huaja

Një mikpritje e tillë “e përzemërt” nuk ishte vetëm për Melonin, kjo sepse video të tjera në mediat sociale tregojnë se si Rama e priti presidentin francez Emmanuel Macronin me një përqafim vëllazëror.

Baku- Kryeministri Edi Rama prej ditës së djeshme ndodhet në Baku të Azerbajxhanit, ku ka marrë pjesë në punimet e Konferencës së Kombeve të Bashkuara për Ndryshimet Klimatike.

Gjatë vizitës në Baku, Rama është takuar dhe me disa homologë të tij,mes tyre dhe Georgia Melonin.

Dihet tashmë marrëdhënia dhe miqësia që Rama ka me kryeministren e Italisë.

Rama në shenjë humori është ulur në gjunjë, kur është afruar Meloni dhe më pas mes të qeshurash janë përqafuar.

E gjithë skena vjen pasi gjykatat në Itali në dy raste kanë kthyer mbrapsht emigrantët që duhet të strehoheshin në Shqipëri sipas marrëveshjes mes dy kryeministrave.

Partia e kryeministres italiane Giorgia Meloni, “Fratelli d’Italia”, ka paditur për shpifje autorin e emisionit “Report” në Rai3, Giorgio Mottola, me një kërkesë për dëmshpërblim mbi 50 mijë euro.

Sipas “La Repubblica”, padia vjen lidhur me episodin “mafia me tre koka”, ku u tha se krerët e grupeve kriminale në Itali Ndrangheta, Camorra dhe Cosa Nostra, kanë hyrë në kontakt me disa politikanë të shquar të partisë së Melonit.

Kjo padi është konsideruar si e paprecedentë nga sindikata e gazetarëve Rai, të cilët reaguan duke shkruar: “Nëse ‘Fratelli d’Italia’ mendon të frikësojë, dhe për rrjedhojë të bëjë të heshtë ata që bëjnë gazetari investigative, e kanë të kotë”.

Padia nuk është vetëm ndaj autorit të pavarur të raportit, por edhe ndaj zv/drejtorit Sigfrido Ranucci.

Ndërkohë, deputetët e Partisë Demokratike të Italisë bëjnë të ditur se do ta çojnë çështjen në Autoritetin Mbikëqyrës.

“Nuk ka ndodhur që një parti të padisë një gazetar të Rai-t. Këto janë të dhënat e vërteta të qeverisë Melonit. Me padinë për shpifje konfirmojnë se kërcënimi dhe frikësimi i shtypit është vulë e veprimit të tyre politik”, deklaruan ata.