Kryeministri Edi Rama përmes një postimi në “Facebook” njofton se është hapur në E-Albania aplikimi për menaxhimin e stacioneve të plazhit për vitin 2025.

Rama thekson se kjo do të sjellë dyfishimin e hapësirave publike si edhe shpërndarjen e tyre gjatë gjithë bregdetit.

Ndër të tjera Kryeministri njofton se sistemi do të qëndrojë i aksesueshëm për 30 ditë.

“Duke vijuar traditën e mirë të përgatitjeve të hershme për sezonin veror, është hapur tanimë në E-Albania aplikimi për menaxhimin e stacioneve të plazhit për vitin 2025 sipas kritereve të reja ligjore ku plazhet do të mund të merren nën administrim të përkohshëm vetëm nga hotelet e vijës së parë ose në afërsi, duke sjellë dyfishimin e hapësirave publike si edhe shpërndarjen e tyre gjatë gjithë bregdetit. Sistemi do të qëndrojë i aksesueshëm për 30 ditë për të garantuar një proces të barabartë dhe transparent për të gjithë”, shkruan Kryeministri Rama.

Artisti nga Kumanova, ka njoftuar se tashmë edhe në mënyrë zyrtare nuk është më nën menaxhimin e Jetmir Agajt. Në një postim në Instastory ai ka shprehur mirënjohjen për vitet e punës që kanë patur bashkë prej fillimit të tij të karrierës, por shton se tashmë është një artist i pavarur që do të vazhdojë me projektet muzikore, normalisht.

Artisti nuk zbuloi se kush do t’i zërë vendin Agajt, ndërsa kujtojmë se kohët e fundit raporti i tyre ka qenë paksa i tensionuar. Pak kohë më parë ishte Sara Gjordeni ajo e cila në emër të partnerit të saj, Bardhit ngriti akuza ndaj Agajt i cili sipas saj kishte ndërhyrë në faqen e tij zyrtare në Instagram, duke i cenuar karrierën në një periudhë ku dyshja pritet të bëhen prindër për herë të parë.