Gazetarja Ilnisa Agolli ka treguar se pas daljes nga shtëpia e “Big Brother VIP”, ka treguar se po kalon kohë me të dashurin e saj, Meriton Mjekiqin.

Ilnsia ka ndarë me ndjekësit e saj në Instagram një foto romantike me moderatorin, ndërsa çifti me fytyrat që i shndërrisnin nga buzëqeshja dukeshin shumë të dashuruar me njëri-tjetrin.

Historiane dashurisë së Ilnisës dhe Meritonit nisi në shtëpinë e “BBV”, ndërsa dyshja e vazhduan romancën edhe pas daljes nga reality show.

Teksa qëndronin jashtë në oborr, Romeo Veshaj i ka propozuar  një plan Meriton Mjekiqit. Aktori i tha moderatorit që të bëjnë sikur po debatojnë, në mënyrë që banorët e tjerë të flasin sërish për miqësinë e tyre.

Raporti i Romeos dhe i Meritonit ka pasur ulje dhe ngritje në shtëpinë e “Big Brother VIP3”. Ata kishin një miqësi që nga jashtë shtëpisë më të famshme në Shqipëri, e cila u duk se u prish për shkak të lojës së tyre në këtë reality show.

Por në një moment, dy banorët vendosën që të bënin paqe dhe t’i qëndronin pranë njëri-tjetrit. Nga ana tjetër, banorët janë skeptik në lidhje me këtë raport shoqëror, pasi mendojnë se gjithçka po e bëjnë për lojë.

E për këtë arsye, Romeo dhe Meritoni po thurin një plan në fshehtësi që të bëjnë banorët të besojnë se po u dalin fjalët e tyre ‘se do zihen sërish’.

KOSOVA- Bashkimi Evropian i është afruar heqjes së masave kufizuese ndaj Kosovës, të vendosura para një viti nga ana e Komisionit Evropian, si pasojë e përshkallëzimit të situatës së sigurisë në veri të Kosovës.

Masat përfshinin: suspendimin e përkohshëm të grupeve punuese për Marrëveshjen e Stabilizim Asociimit, mosftesën e Kosovës në takime të nivelit të lartë dhe suspendimn e vizitave bilaterale. Gjithashtu, u suspendua edhe programimi i fondeve për Kosovën, të cilat ishin paraparë të dorëzoheshin përmes Kornizës së Investimeve në Ballkanin Perëndimor dhe IPA 2024 (Intrumentet e Para-Anëtarësimit).

Radio Evropa e Lirë nga disa burime diplomatike në BE mëson se shumica e madhe e vendeve anëtare janë në favor të heqjes së të gjitha masave, ndërsa një numër më i vogël i shteteve do që heqja e tyre të bëhet në mënyrë graduale.

Kundër heqjes së masave, sipas këtyre burimeve, nuk është shprehur asnjë vend anëtarë i BE-së. Kjo përshtypje është vërejtur në diskutimin e fundit që është zhvilluar në BE të martën mbrëma për situatën aktuale në Kosovë. Diskutimi është bërë në Komitetin për politikë edhe siguri të BE-së (PSC) ku janë ambasadorët e 27 vendeve anëtare.

“Shumica e vendeve anëtare duan që të hiqen të gjitha masat ndaj Kosovës, por janë disa vende, në mesin e tyre edhe tri vendet e QUINT-it (Gjermania, Franca dhe Italia) që duan heqjen graduale të masave ndaj Kosovës”, ka thënë për Radion Evropa e Lirë një burim diplomatikë i BE-së.

Të njëjtat burime kanë thënë se edhe Shërbimi i veprimit të jashtëm të BE-së (EEAS) është në favor të heqjes së masave ndaj Kosovës, por hezitim deri tash ka pasur më shumë nga Komisioni Evropian, ku ndikim të madh ka komisionari për fqinjësi dhe zgjerim, Oliver Varhelyi.

Gjatë diskutimeve të fundit është folur për hapat që ka ndërmarrë Kosova për të përmbushur kushtet për heqjen e masave, por edhe për hapat që, sipas raportuesve që kanë folur, akoma nuk janë përmbushur në tërësi. Për situatën aktuale në Kosovë para përfaqësuesve të vendeve anëtare kanë folur dy të dërguar të posaçëm të BE-së, Miroslav Lajçak, si i dërguar i posaçëm për dialog dhe Tomas Sonyong, i cili është i dërguar i posaçëm për Kosovë dhe shef i zyrës së BE-së në Kosovë.

Ata kanë thënë se situata ende është e tensionuar dhe problemet e shkaktuara në veri nuk janë tejkaluar as pas mundësisë ofruar serbëve në katër komuna në veri për të votuar për shkarkimin e kryetarëve të këtyre komunave.

Që të dy, sipas burimeve diplomatike, u janë shmangur pyetjeve direkte se a po e shkel Serbia Marrëveshjen për rrugën drejt normalizimit të raporteve me Kosovën duke kundërshtuar anëtarësimin e Kosovës në Këshillin e Evropës.

Vetëm kanë konstatuar se Serbia është angazhuar në përpjekje për të penguar anëtarësimin e Kosovës në Këshillin e Evropës.

Gjatë diskutimit, sipas burimeve diplomatike, ka pasur thirrje që të hiqen të gjitha masat ndaj Kosovës sa më shpejt, sepse ato kanë krijuar përshtypjen se BE nuk ka qasje të balancuar ndaj Serbisë dhe ndaj Kosovës.

Më të zëshmet në kërkesat për heqjen e masave ndaj Kosovës kanë qenë Finlanda, vendet Baltike, Kroacia, Polonia, Sllovenia dhe disa vende të tjera. Ndërsa Franca, Italia dhe Gjermania kanë dashur të lënë përshtypjen se vendet e QUINT-it kanë qëndrim të përbashkët dhe kanë preferuar heqjen graduale të masave.

Hungaria, e cila deri vonë ka qenë kundër, tash nuk është shprehur kundër. Vendet anëtare kanë bërë thirrje që përfaqësuesi i Lartë i BE-së për politikë të jashtme dhe siguri, Josep Borrell, sa më parë që të jetë e mundur të raportoj para Këshillit të BE-së për përmbushjen e kushteve nga ana e Kosovës për heqjen e masave. Ky raport është i nevojshëm në mënyrë që masat të hiqen, në tërësi apo pjesërisht.

Burimet e BE-së kanë thënë se edhe konkluzionet nga takimi i ministrave të BE-së nga 12 dhjetori i vitit 2023 përmendin “heqjen e masave” e jo heqjen graduale siç kërkojnë disa vende.

“Këshilli rikujton se BE-ja është e gatshme për heqjen e masave në rast se arrihet progres i mëtejshëm në përmbushjen e kërkesave. Këshilli do të përcjellë çështjen dhe do t’i kthehet në bazë të raportit të përfaqësuesit të Lartë për përmbushjen e këtyre kërkesave”, shkruan në konkluzionet e Këshillit të çështjeve të përgjithshme të BE-së nga dhjetori i vitit të kaluar.

Ka një paqartësi brenda BE-së edhe rreth nevojës që vendet anëtare të pajtohen për heqjen e masave. Kjo, sepse kur ishin vendosur masat, ishte thënë se “kjo është kompetencë e Komisionit Evropian“. Tash kërkohet që për heqjen e tyre të ketë pajtim nga të gjitha vendet anëtare të BE-së. Burimet e BE-së pas debatit të fundit ku u pa gatishmëria e vendeve anëtare thonë se “BE-ja po afrohet drejt heqjes së masave ndaj Kosovës, porse ende nuk është punë e kryer“.

Që pothuajse një vit, Kosova ka qenë nën disa masa ndëshkuese nga Bashkimi Evropian. Këto masa ishin vënë pasi BE-ja thoshte se Kosova nuk kishte bërë mjaftueshëm për ta shtensionuar situatën në veriun e banuar me shumicë serbe.

Në maj të vitit 2023, tensionet në atë pjesë të Kosovës kulmuan pas hyrjes së kryetarëve shqiptarë në objektet komunale. Ata dolën nga zgjedhjet që popullsia shumicë serbe në Mitrovicë të Veriut, Zveçan, Leposaviq dhe Zubin Potok i bojkotoi.

Përfaqësues të shteteve perëndimore kanë kërkuar nga Kosova që, përmes zgjedhjeve të parakohshme, të mundësonte largimin e atyre kryetarëve, për të cilët thoshte se nuk përfaqësonjnë vullnetin e banorëve.

Të dielën, Kosova mbajti procesin e votimit që mund të çonte në shkarkimin e kryetarëve të këtyre komunave, por sërish pati bojkot, pas thirrjes që bëri partia më e madhe serbe në Kosovë, Lista Serbe.

Pasi që nuk u siguruan votat e mjaftueshme, procesi dështoi. Por, pas mbajtjes së procesit, Qeveria e Kosovës dhe liderë si kryeministri Albin Kurti e presidentja Vjosa Osmani kërkuan që masat ndëshkuese të BE-së të hiqen.

Radio Evropa e Lirë e pyeti edhe Qeverinë e Kosovës lidhur me efektet që kanë pasur masat ndëshkuese, por nuk mori përgjigje deri në publikimin e këtij artikulli. As BE-ja s’deshi t’i komentojë efektet specifike të këtyre masave.

Marrë nga REL

Qëndrimi në “Dhomën e Bardhë” është kthyer në një torturë psikologjike ku debatet mes Ilnisës, Meritonit me Eglën nuk kanë të ndalur. Kjo e fundit ka prekur në pikën e dobët moderatorin duke përmendur bluzën me shkrimin “special” që ai ka marrë për Ditën Botërore të Autizmit. Ndonëse u justifikua se nuk e dinte një detaj të tillë, Egla nuk reflektoi por vazhdoi duke thënë se është vetëm një “bluzë”, si të ishte pavlerë por për Meritonin ajo bluzë simbolizon shumë më tepër.

Pjesë nga debati:

Egla:Ju rrofshin bluzat me special ju, se ju jeni zero. Kupton? Pse më shikon ashtu? Hë mo pse më shikon? Ma shpjego.
Meriton: Kjo bluzë ka ardhur më 2 Prill (Dita botërore e autizmit) dhe ka të bëjë…
Egla: Ndjesë, ndjesë nuk e dija. Nuk e dija, ndjesë stop E ke thjeshtë një bluzë. S’bëra lidhje se s’pashë ëndrra unë jam në errësirë.
Meriton: Mos të ta shikoj fytyrën.
Egla: Po ri mor ti mor o. Gjete gur ti të përdorësh edhe këtë. S’ke pikë turpi, do të përdorësh edhe këtë ti.
Gjete okazion me përdor. Hajde, okazioni këtej, 2 mijë lekë sherri.

Pas rrëmujës që Meritoni solli në shtëpi mbrëmjen e djeshme, komentet për të kanë qenë të panumërta si brenda shtëpisë por edhe jashtë saj.

Edhe Fationi ka qenë një nga banorët që ka komentuar dhe ndjehet shumë i zhgënjer prej Meritonit për shumë gjëra, jo vetëm për situatëm e djeshme.

E teksa një moment Meritoni e kishte thërritur bukurosh Fationin, ky i fundit u shpreh se e ka të pamundur qëndrimin brenda shtëpisë me Meritonin.

Rikujtojmë se të dy konkurrentët nuk kanë patur marrëdhënie të mirë brenda shtëpisë, ku shpesh herë janë përplasur me njeri-tjetrin, në ‘Prime’ dhe jo vetëm.

Mesa duket shkak për këtë debat është bërë mbrojta që Meritoni i bëri Gazit në gjyqin e organizuar ditën e sotme në shtëpi. Meritoni është shprehur se gjesti i Gazit është keqinterpretuar pasi publiku nuk ka mundur të shohë gjestet e përdorura nga Ledjona.

Mirëpo, Erjola i është drejtuar Meritonit, duke thënë se këtë program e sheh fëmija e tij si edhe familjarët e saj dhe një gjest i tillë nuk është aspak i tolerueshëm.

Më pas dyshja ka qenë në oborr ku debati i tyre ka përfunduar në ofendime.,

Pjesë nga biseda:

Erjola: Unë këtu nuk jam vetëm për pasarelë dhe këtë fute në trurin tënd. Llapën nxirre me atë( referuar Ilnisës), jo me mua. Nuk më nxjerr ti mua llapën, por llapa do të dalë jashtë ty, kur të dalësh si këlysh këtu.

Meritoni: Po ti nuk i kontrollon nervat. Ti përdor fjalën këlysh, përmend fëmijët, vjen të gjuan për të plotësuar dëshirën një shoqe.

Erjola: Turp të të vijë. Turp. Çuni 2 metër pa asnjë fije truri në kokë. Ec, shite veten për një copë prime.