Komisioni i Vettingut në Policinë e Shtetit ka konfirmuar në detyrë, Shkëlqim Zuriqi, me funksion Drejtor i Drejtorisë së Analizës dhe Sigurisë së Personelit, pranë Agjencisë së Mbikëqyrjes Policore.

Zuriqi është një nga 36 drejtuesit e policisë që i është nënshtruar këtij procesi përgjatë këtij viti.

Qeveria në mbledhjen e sotme ka marrë disa vendime të rëndësishme lidhur me emërimet në krye të institucioneve. Mimoza Kaçi është propozuar nga qeveria për t’u emëruar në krye të Autoritetit të Mbikëqyrjes Financiare në vendin e Ervin Metes që mori postin e ministrit të Financave dhe Ekonomisë.about:blank

Lilika Radovica do të jetë kryetare e Autoritetit të Aviacionit Civil në vendin e Dritan Gjonbalajt, ndërsa Ervin Hoxha është shkarkuar nga posti i drejtori të Shërbimit të Provës dhe pritet që të emërohet në krye të Inspektoratit të Mbrojtjes së Territorit.

Sot në gjykatën e rrethit bregdetar u zhvillua seanca për vleftësimin dhe caktimin e masës së sigurisë ndaj shtetasve Aldi Mustafa dhe Klevis Kurdiu te dyshuar për mosbindje ndaj urdhrit të policisë dhe mbajtje pa leje të armëve dhe municioneve, vepra të kryera në bashkëpunim.about:blank

Të dy u ndaluan mbrëmjen e së shtunës më 30 shtator, ndërsa policia deklaroi se kishte të dhëna se Mustafa, person me precedentë penalë, po përgatitej të kryente një vrasje. Këtë akt të mundshëm grupi hetimor e lidhi me marrjen hak për shpërthimin me tritol që iu vendos Mustafës në muajin prill të këtij viti në Shkozet.

Dy vjet më parë, Mustafa u arrestua nga policia për të njëjtat vepra penale dhe u deklarua se me arrestimin e tij dhe 2 personave të tjerë u parandalua një ngjarje e rëndë kriminale, një vrasje me pagesë. Edhe atëherë arrestimi i tij u krye në zonën e Spitallës, po pas arrestimit nuk pati gjykim për të dhe situata u përsërit sërish. Ndërkohë shpërthimi me lëndë eksplozive i makinës së Mustafës në Shkozet të Durrësit, në fillim të muajit prill është ende një vepër e pazbardhur, pa autor, të paktën deri tani.