ITALI- Një mega operacion është zhvilluar së fundmi nga autoritetet italiane. Sipas raportimeve nga mediat italiane rreth 100 karabinierë janë përfshirë në një operacion për ekzekutimin e 14 masave sigurie, 9 prej të cilave në burg. Më tej bëhet me dije se nga të arrestuarit 9 janë shqiptarë, 3 italianë e 2 rumunë. Grupi merrej me shitjen me shumicë të lëndës narkotike të sjellë nga Shqipëria. Organizate kriminale drejtohej nga një 40-vjeçar shqiptar, i cili lëvizte kilogramë kokaine në qytet për t’u dërguar në zonën e Bolonjës.

Karabinierët e Njësisë Operative të Kompanisë Centro të Bolonjës, të udhëhequr nga toger Guido Rosati, i prenë kokën sistemit. Në dy vite hetime, ata rindërtuan mekanizmat dhe hierarkitë brenda grupit që merrej me shitjen me shumicë të substancës, të sjellë nga Shqipëria.

Në dy vite, nga sa kanë mundur të rindërtojnë oficerët, në Bolonjë u zhvendosën 70 kilogramë kokainë, me një vlerë totale prej 2 milionë eurosh. Një shumë e “rikthyer” me sekuestrimin parandalues të 4 banesave të përdorura nga grupi. Hetimi i koordinuar nga DDA e Prokurorisë me prokurorin Roberto Ceroni lejoi edhe demaskimin e një rrjeti prostitucioni, të drejtuar gjithmonë nga anëtarë të bandës.

Hetimet filluan tre vjet më parë nga Karabinierët e Kompanisë Bologna Centro kundër individëve që operonin në Bolonjë dhe pothuajse të gjithë pa precedentë penalë. Gjatë operacionit që nisi mbrëmë, u kryen edhe masa të vërteta pasurore, konkretisht aplikimi i urdhrave parandalues të sekuestrimit për shtatë makina, katër prona dhe 11 marrëdhënie financiare me një vlerë totale rreth 2 milionë euro që mendohet se janë të ardhura nga trafiku i drogës.

Sipas mediave italiane, kokaina dyshohet se prodhohet në zona të thella në jug të Shqipërisë, por për këtë po vijojnë hetimet për të zbuluar kanalet e furnizimit. Droga ruhej në garazhe në periferi të Bolonjës, transportohej në makina me dy funde, ndërsa paratë e marra në Bolonja dërgoheshin me autobus në Pulia, ngarkoheshin në tragete për në Shqipëri dhe ktheheshin në Itali, pastroheshin, si pagesa nga familjet.

Një person është gjetur i pajetë pasditen e kësaj të mërkure në lagjen 17 të qytetit të Korçës.

Sipas informacioneve paraprake, viktima është rreth 60 vjeç dhe ka ndërruar jetë duke ecur në rrugë.

Nuk dihen ende shkaqet që çuan në ndarjen nga jeta të personit, ndërkohë që trupi është dërguar në morg për t’iu nënshtruar ekspertizës mjeko-ligjore.

Kanë qenë banorët e zënës ata që e kanë parë të shtrirë në tokë dhe kanë lajmeruar blutë e Korçës.

Policia dhe grupi hetimor po vijojnë hetimet për zbardhjen e rrethanave të ngjarjes.

8 persona, mes të cilëve 3 shqiptarë janë arrestuar gjatë një operacioni në Edinburg, Skoci dhe Londër, Angli. Të arrestuarit e moshës nga 20 deri në 41 vjeç, shtetas rumunë, bullgarë dhe shqiptarë, jetonin të gjithë në banesa sociale, por shisnin drogë në të gjithë Skocinë dhe më gjerë. Operacioni u koordinua nga Londra dhe 8 kontrolle u kryen në Edinburg, Skoci dhe 2 kontrolle në Londër, Angli.

Pas kontrolleve, policia sekuestroi kokainë me vlerë 225,000 £ dhe 30,000 £ në para cash. Tetë të dyshuarit u vunë në pranga dhe u dërguan para gjyqtarëve në Gjykatën Sherif të Edinburgut. Ata akuzohen për krime të ndryshme të trafikut të drogës dhe emigracionit.