Sekretari i Përgjithshëm i Partisë së Lirisë, Tedi Blushi ka deklaruar se Ilir Metës nuk i janë lejuar të drejtat më bazike në paraburgim. Në një deklaratë për mediat, Blushi theksoi se arrestimi i Metës është i paparecedentë dhe i paligjshëm. Gjatë fjalës së tij, Blushi u shpreh se Metës nuk i është lejuar të flasë me avokatin dhe arrestimi i tij është bërë pa asnjë njoftim zyrtar.

“Ka të drejtë të komunikojë me avokatin dhe ky nen është shkelur me të dyja këmbët nga narko-policia e Ramës. Arrestimi duhet të ndjekë proceduart e duhura dhe secili ka të drejtë të dijë se pse arrestohet dhe kjo është shkelur për Ilir Metën me të dyja këmbët. Rasti i 21 tetort, rrëmbimi terrorist i Presdentit Meta tregon qartë që nuk i është komunikuar asnjë vendim gjyqësor, nuk janë lejuar të telefonojnë avokatin dhe ata persona me masak s’kanë pranuar të identifikohen.

Pretendohet se këta policë janë identifikuar, por emrat e skuadrës terroriste nuk i kemi në dispozicion. Shkelja e të gjitha të drejtave, provojnë se nuk kemi të bëjmë me asgjë me shumë veçse me një arrestim ztë paligjshëm dhe banditesk. Tregohet qartë që një arrestim i paligjshëm ka pasoja për integritetn e drejtësisë. I gjithë kuadri ligjor që është shkelur haptas, është i paligjshëm, denigrues, degradues dhe në kundërshtim më kushtetutën e Konventës Europiane për të Drejtat e Njeriut,” tha Blushi.

Pashë mënyrën e arrestimit. Shumë e forcuar. Ajo procedurë nuk ndiqe gjithmonë. Ky ka qenë president dhe ka truprojat. Po të arratisej merrte azili politik se ka qenë president. Por nuk ia mori mendja këtij, mendoj unë. Nuk e ka pritur, i ra befas”, tha Ngjela në ‘Frontline Interview’. Sa i përket akuzave të partisë së Metës se u tentua rrëmbimi i tij, Ngjela i hedh poshtë duke thënë se SPAK nuk gabon.

“Pse nuk e rrëmbyen? Bashkëpunëtorët kanë të drejtë të të mbrojnë. Pyetja është a i ka bërë ato që akuzohet. Do ti shohim me gjyq. Një pafajësi e këtij e forcon shumë. SPAK nuk gabon këtu.

Do e shikojmë kur të fillojë procesi gjyqësor. Do dëgjojmë mbrojtjen. Pyetja është kjo, ka qenë i korruptuar? Kur të gjithë të thonë se je hajdut, dhe ti thua se je i ndershëm, je hajdut”, shtoi Ngjela. Sipas Ngjelës, po vijohet në Shqipëri me një proces pastrimi nga krimi dhe korrupsioni i lartë shtetëror.

“Ne shqiptarët kemi një shprehje, më mirë syri se sa nami. Është një zv.kryeministër, janë 4 ministra, kryetarë bashkish. Janë edhe një ish president dhe ish kryeministër. Gjendja është pastruese. Në gjuhën tonë është purgo. Purgo, pastrim kundër krimit shtetëror”, tha avokati.

\TIRANA- Partia e Lirisë ka bërë publike qëndrimet pas arrestimit të Kreut të saj Ilir Meta. Me anë të një njoftimi, Partia e Lirisë njofton se është e vendosur të intensifikojë shumëfish aksionin e saj politik dhe në terren për denoncimin e krimeve dhe korrupsionit. PL thotë se shprehur solidaritetin e plotë me Presidentin e saj tëburgosur politikisht, sipas tyre, dhe se vijon aktivitetin politik nën drejtimin e tij pavarësisht gjendjes juridike.

Gjithashtu Partia e Lirisë thotë se Meta është sot i burgosur politik për shkak të qëndrimeve të tij institucionale, politike, patriotike dhe qytetare në mbrojtje të interesit kombëtar dhe sovranitetit të Republikës së Shqipërisë, të çështjes së Detit dhe të mbrojtjes së pakompromis të kufijve të Kosovës, si dhe për shkak të denoncimit të pakompromis të inkriminimit dhe korrupsionit.

QËNDRIM I KRYESISË TË PARTISË SË LIRISË:

Lexo të radhës

Mbeti i bllokuar në makinë, ky është 20-vjeçari që humbi jetën

Tërmet i fortë në Ankara, sa ishte mangituda

Kjo është data kur do të ndërrohet ora

Kryesia e Partisë së Lirisë, e mbledhur sonte më datë 21 tetor 2024, shpreh qëndrimin e saj, si më poshtë vijon:

1. Dënon me ashpërsinë më të madhe aktin shumë të rëndë kriminal terrorist të rrëmbimit dhe arrestimit politik, në mënyrë jo ligjore, të dhunshme dhe në shkelje të hapur të dinjitetit njerëzor dhe qytetar të një figure të lartë publike, si ish-Kryeministri, ish-Kryetari i Kuvendit, ish-Presidenti i Republikës dhe Presidentit aktual të Partisë së Lirisë, z.Ilir Meta.

2. Ky akt terrorist kriminal i urdhëruar nga Edi Rama në Kongresin e Partisë Socialiste dhe i vënë sot në zbatim nga struktura kriminale terroriste SPAK, konfirmon atë që kemi denoncuar prej kohësh se në Shqipëri ka rënë shteti ligjor dhe se sistemi i drejtësisë është i kapur për fyti dhe funksionon sipas një regjie, vetëm për llogari të interesave elektorale dhe politike të Narkoshtetit dhe Edi Ramës.

3. Arrestimi politik i Presidentit të Partisë së Lirisë, z.Ilir Meta, pa fakte, pa prova dhe pa dëshmi konfirmon se drejtësia nuk funksionon mbi bazën e parimeve kushtetuese dhe të së drejtës, por mbi bazën e urrejtjes, hakmarrjes primitive, urdhrave politikë dhe metodave policeske të një shteti diktatorial.

4. Edi Rama dhe Altin Dumani, me aktin e sotëm terrorist kanë kaluar vijat e kuqe duke i shpallur luftë të hapur opozitës, me qëllim asgjesimin e saj, të pluralizimit politik dhe demokracisë.

5. Presidenti i Partisë së Lirisë, z.Ilir Meta është sot i burgosur politik për shkak të qëndrimeve të tij shumë të drejta institucionale, politike, patriotike dhe qytetare në mbrojtje të interesit kombëtar dhe sovranitetit të Republikës së Shqipërisë, të çështjes së Detit dhe të mbrojtjes së pakompromis të kufijve të Kosovës, si dhe për shkak të denoncimit të pakompromis të inkriminimit dhe korrupsionit skizofrenik të Edi Ramës, Narkoshtetit dhe Narkodrejtësisë.

6. Kryesia Politike e Partisë së Lirisë duke shprehur solidaritetin e plotë me Presidentin e burgosur politikisht, z.Ilir Meta, vijon aktivitetin politik nën drejtimin e Tij pavarësisht gjendjes së Tij juridike.

7. Partia e Lirisë është e vendosur të intensifikojë shumëfish aksionin e saj politik dhe në terren për denoncimin e krimeve dhe korrupsionit skizofrenik të Narkoshtetit, për t’i ofruar një alternativë mirëqeverisjeje, të drejtë e humane të gjithë shqiptarëve nëpërmjet 5 Prioriteteve të saj për 4 milion shqiptarë plus.

Djali i Ilir Metës, Besi, i shoqëruar nga avokati Genc Gjokutaj, ka vizituar sot babain e tij në qelinë e IEVP-së “Mine Peza”.

Pak çaste më parë, djali i Metës dhe Gjokutaj, janë parë në ambientet e burgut “302” në Tiranë, ku pasi kanë ndjekur procedurat janë lejuar të hyjnë brenda.

Lexo të radhës

Mbeti i bllokuar në makinë, ky është 20-vjeçari që humbi jetën

Tërmet i fortë në Ankara, sa ishte mangituda

Kjo është data kur do të ndërrohet ora

Djali i Metës mbante në duar edhe një çantë, mesa duket me sende për babain e tij.

Meta u arrestua ditën e sotme te kthesa e Kamzës, pas urdhërarresteve të firmosura nga GJKKO me kërkesë të SPAK.

Ndaj tij dhe ish-bashkëshortes së tij, Monika Kryemadhi rëndojnë tre akuza, konkretisht për korrupsion, fshehje të pasurisë dhe pastrim parash të kryera në bashkëpunim.

Kryetari i Demokratëve Euroatlantikë, Lulzim Basha, i është përgjigjur Ilir Metës për deklaratat e tij për 21 janarin.

Në një reagim në rrjetet sociale, Basha shprehet se drejtësia ka shumë për të zbardhur 21 janarin dhe ky hetim nis që nga Ilir Meta që është njeriu me bllok, tek Edi Rama që është organizatori i saj.

Në videon e shpërndarë në facebook kur Meta dhe Berisha përplaseshin në Parlament për 21 janarin me akuzat më monstruoze, kreu i Demokratëve Euroatlantikë shkruan se sot i njëjti person mbron Berishën.

Reagimi i Lulzim Bashës:

“Drejtësia ka shumë për të zbardhur për 21 janarin. Nga Ilir Meta, njeriu me bllok, te Edi Rama, organizatori i protestës me sebepin e bllokut, i cili më pas çuditërisht e bëri Ilir Metën pjesë të pushtetit dhe ata që i akuzonte si pjesë e grupit të zjarrit i emëroi kryetar të PS dhe të Bashkisë. E më pas e gjithë e vërteta deri në fund.

Mashtrimet ordinere dhe zig-zaget e përditshme nuk mund t’i fshehin faktet të cilat janë para syve të çdo shqiptari. I njëjti person që sot bën sikur mbron Sali Berishën, ka bërë akuza nga më monstruozet ndaj tij edhe në këtë rast.

Ilir Meta është simbol i pandëshkueshmërisë dhe i pazareve në kurriz të shqiptarëve dhe demokratëve. Pazaret, deliret dhe ankthet e tij kanë dëmtuar rëndë opozitën, ndërsa distancimi nga ai dhe të ngjashmit e tij janë kusht i pashmangshëm për fitoren e saj.”

Endri Brahimllari thotë se e ka dhënë dorëheqjen nga funksioni i nënkryetarit të Partisë së Lirisë, në funksion të moralit politik.

Në një emision televiziv, Brahimllari u shpreh se situata në Partinë e Lirisë, sipas tij, nuk ka lidhje me çështjen e hetimit të SPAK, për lobimet në SHBA.

Brahimllari shtoi se çdo person duhet të marrë përgjegjësi për atë që i takon

“Ilir Meta është faktor i padiskutueshëm. Problemi sot më vjen keq që diskutohet çështja e aprtisë, problemi është sesi do të godasim keqqeverisjen. Konventa e 27 prillit do të gjejë një mënyrë për bashkim. Unë në konventë do të shkoj. Dorëheqja ime është bërë për të ofruar një shans për unitetin dhe për të krimjuar një shans për dhe mos të kemi neser. Në konventë do të shkojmë me dy teza. Unë po bëj një hap pas. Ajo është një hapje e partisë që kryetari e bëri dhe ne e vlerësuam. Unë mendoj që situata e tillë, nëse ne do të shkojmë me një ide për të pasur një platformë të, për 4 majin e këtij ka përegjegjësi i gjithë ekipi.

Nuk besoj se lidhet me çështjen e hetimit të SPAK . Në çështjen e hetimit që po hetohet për çështjen e lobimit, zotëria sot është në krye të partisë dhe nuk përfshihet në këtë çështje. Brahimllari nuk është thirrur në SPAK për të dhënë si person që ka dijeni për një çështje që i përket kryetarit të partisë, unë jam thirrur për një çështje që i përket Monika kryemadit në 2019 dhe që është sqaruar, është totalisht e ligjshme dhe e rregullt. Unë merret me rojen e partisë? Unë jam nënkryetar partie. Unë nuk  kam dhene dorëheqjen në funksion të këtij rrethimi. Unë e kam dhënë dorëheqjen në funksion të moralit tim politik. Çdo person duhet të marrë përgjegjësi për atë që i takon. Tradhti me Edi Ramën? Ka necojë Edi Rama për ta trdhtuar unë? Çfarë po flisni

Këshilli i Lartë i Prokurorisë reagoi pas deklaratave të kreut të Partisë së Lirisë, Ilir Meta në drejtim të kreut të Prokurorisë së Posaçme, duke theksuar se deklarata të tilla janë përcjellë me shqetësim. Duke ofruar mbështetje të plotë për SPAK, KLP bën thirrje të mos cenohet puna e prokurorëve të Prokurorisë së Posaçme.

Këshilli i Lartë i Prokurorisë si organ qeverisës e kushtetues i sistemit të akuzës, ndjek me vëmendje çdo reagim publik lidhur me punën e institucionit të prokurorisë dhe në veçanti të Prokurorisë së Posaçme kundër Korrupsionit dhe Krimit të Organizuar.

Në këtë kuadër, Këshilli i Lartë i Prokurorisë ka ndjekur me shqetësim ditët e fundit, deklaratat e subjekteve të veçanta në mediat audio vizive dhe ato elektronike, lidhur me prokurorët e Prokurorisë së Posaçme pranë (SPAK) dhe kreut të saj.

Këshilli i Lartë i Prokurorisë, dënon çdo gjuhë urrejtje, shprehje, veprim fyes dhe intimidues që synon të denigrojë në mënyrë të padrejtë figurën e prokurorëve apo të ushtrojë presion ndaj tyre, duke i bërë thirrje gjithkujt të mos cenojë në asnjë mënyrë punën profesionale të prokurorëve të Prokurorisë së Posaçme.

Çdo subjekt i përfshirë në veprimtarinë ligjore të prokurorisë, ka të drejtë të paraqesë çdo pretendim, ankesë apo kundërshtim në Gjykatën kompetente të parashikuar nga ligji për dhënien e drejtësisë. Kjo, në një shtet demokratik, është e vetmja mënyrë për të arritur tek e vërteta.

Në të njëjtën kohë Këshilli mbështet pa rezerva veprimtarinë ligjore të çdo prokurori të sistemit të prokurorisë, duke i inkurajuar ata të vijojnë të ushtrojnë me kompetencë dhe pavarësi të plotë funksionin e tyre për ngritjen dhe përfaqësimin e akuzës ndaj kujtdo, në emër të shtetit shqiptar, të pa ndikuar nga askush.