Një “det” tifozësh kuqeblu pritet të ketë në Tiranë sot për finalen e këtij sezoni në Superiore, Vllaznia-Egnatia. Mbështetësit kuqeblu që prej më shumë se dy dekadash presin një triumf në kampionat, duken më të karikuar se asnjëherë për të mbushur shkallët e stadiumit “Arena Kombëtare”.

Nga sa mëson gazeta, deri më tani është i sigurt një numër prej 7200- 7500 tifozësh që do udhëtojnë nga Shkodra. Me numrin e tyre që pritet të shtohet edhe ditën e sotme, ku udhëtimi nga Shkodra për autobusët e vendosur në dispozicion nga klubi do nisë në orën 14:30. Kjo për të shmangur edhe ndonjë trafik të mundshëm gjatë rrugës dhe mbërritja e tifozëve në impiant të jetë në kohën e duhur.

Gjithashtu, burime pranë gazetës konfirmojnë se tifozët ultras të Vllaznisë kanë përgatitur edhe koreografi speciale për këtë duel, ku mbështetësit shkodranë kanë premtuar një spektakël pas ndeshjes në rast triumfi të Vllaznisë në rrugët e kryeqytetit. Ndërkohë, edhe nga ana tjetër, mbi një mijë tifozë të Egnatias pritet të jenë të pranishëm në Tiranë për të mbështetur ekipin e tyre të zemrës. Ata do të shijojnë finalen e dytë radhazi në “Final 4”.

Mijëra studentë dhe qytetarë janë mbledhur mbrëmjen e së premtes në sheshin “Sintagma” në Athinë për të protestuar ndaj qeverisë si përgjegjëse sipas tyre, e tragjedisë hekurudhore, 2 vite më parë në Tempe, ku humbën jetën 57 persona, shumica studentë.

Kjo protestë po zhvillohet në një moment ku në Parlamentin grek po zhvillohet debat për një mocion mosbesimi të qeverisë së Mitsotakis.

Për shkak të protestës në qendër të Athinës, stacionet e metrosë “Syntagma” dhe “Panepistimio” janë mbyllur me urdhër të policisë, ku trenat kalojnë pa u ndalur.

Më herët policia njoftoi ndalimin e 13 personave në lidhje me protestën.

Ndërkohë, një turmë e madhe është mbledhur edhe në sheshin Aristotelous të Selanikut dhe protesta po zhvillohen aktualisht në disa qytete të tjera të mëdha në të gjithë Greqinë.

Kjo shënon valën e dytë të mitingjeve këtë të premte, pas demonstratave të mëparshme të udhëhequra nga studentët që kërkonin drejtësi për viktimat e katastrofës hekurudhore Tempe të vitit 2023 në Athinë dhe qytete të tjera.

Ligjvënësit nga opozita, partia e qendrës së majtë PASOK dhe nga partitë e majta paraqitën një mocion mosbesimi kundër qeverisë gjatë një debati parlamentar mbi tragjedinë.

Me 156 vende në Parlamentin prej 300 vendesh, qeveria e kryeministrit grek pritet t’i mbijetojë mocionit të mosbesimit.

ijëra turistë janë dyndur në malin Etna për të parë shpërthimet spektakolare të vullkanit, por ky fluks ka shkaktuar probleme serioze. Autoritetet lokale raportojnë se bllokimi i rrugëve ka penguar shërbimet e shpëtimit të arrijnë tek ata që kanë nevojë për ndihmë.

Kreu i mbrojtjes civile rajonale të Siçilisë, Salvo Cocina, e cilësoi këtë turizëm si “të egër” dhe “jashtëzakonisht të rrezikshëm”. Ai theksoi se turistët, të tërhequr nga pamjet spektakolare, kanë parkuar makinat e tyre përgjatë rrugëve të ngushta, duke krijuar bllokime që kanë penguar kalimin e automjeteve të shpëtimit.

Në një postim në Facebook, Cocina paralajmëroi se situata bëhej gjithnjë e më e rrezikshme me kalimin e kohës dhe vështirësimin e lëvizjes pas errësirës. Megjithatë, ky paralajmërim u injorua nga shumë udhëtarë, dhe gjatë fundjavës ka pasur incidente të tjera. Tetë persona, përfshirë dy të mitur, humbën gjatë një ekskursioni dhe u gjetën vetëm disa orë më vonë. Po ashtu, një burrë 48-vjeçar pësoi një thyerje të këmbës nga një rrëzim, dhe katër persona të tjerë u zhdukën gjatë natës.

Zjarrfikësit u angazhuan për të ndihmuar dhe për të frenuar fluksin e turistëve, ndërsa kryebashkiakët e qyteteve pranë malit Etna dhanë udhëzime për të qëndruar të paktën 500 metra larg llavës. Megjithatë, këto masa janë injoruar masivisht nga vizitorët.

Disa mijëra njerëz janë detyruar të evakuojnë shtëpitë e tyre për shkak të shiut të dendur në veri të Italisë.

Në Bolonja dhe zonat përreth, mbi 2 000 banorë e kaluan natën në strehimoret emergjente ose me familjen dhe miqtë. Disa rrugë janë zhytur në ujë dhe një 20-vjeçar vdiq në makinën e tij mes përmbytjeve.

Lexo të radhës

Mbeti i bllokuar në makinë, ky është 20-vjeçari që humbi jetën

Tërmet i fortë në Ankara, sa ishte mangituda

Kjo është data kur do të ndërrohet ora

Rajoni Emilia-Romagna, është goditur nga stuhitë që kanë shkaktuar dëme të vlerësuara në disa milionë euro.

Disa pjesë të Italisë jugore, përfshirë Kalabrinë dhe Siçilinë, kanë përjetuar gjithashtu përmbytje në qendrat e qyteteve gjatë ditëve të fundit.

Meteorologët parashikojnë një lehtësim të situatës në ditët në vijim.

Mijëra njerëz demonstruan në Tel Aviv, duke kërkuar lirimin e pengjeve të mbajtura nga Hamasi në Gazë.

Organizatorët e tubimit thanë se protesta synon të ushtrojë presion mbi qeverinë për të arritur negociatat me Hamasin islamik palestinez dhe për të rikthyer njerëzit që mbaheshin peng në Gazë.

Gjatë sulmit, në jug të Izraelit më 7 tetor, Hamasi dhe grupet e tjera ekstremiste vranë 1200 njerëz dhe morën peng 250 të tjerë në Rripin e Gazës. Izraeli beson se rreth 120 pengje janë ende atje, por shumë prej tyre ndoshta nuk janë më gjallë.

Masakra e paprecedentë shkaktoi luftën në Gazë, me udhëheqësit izraelitë që thanë se ata ende synojnë të zhdukin Hamasin. Sipas autoritetit shëndetësor të kontrolluar nga Hamasi, rreth 38 098 palestinezë janë vrarë deri më tani dhe 87 705 të tjerë janë plagosur në Gazë. Kjo shifër përfshin si luftëtarët ashtu edhe civilët.

Negociatat indirekte midis Izraelit dhe Hamasit synojnë jo vetëm shkëmbimin e pengjeve, por edhe arritjen e një armëpushimi në Gazë.

Bisedimet po rezultojnë të vështira, pjesërisht pasi Hamasi po bën thirrje për t’i dhënë fund të gjitha armiqësive – si kusht për një marrëveshje pengjesh. Megjithatë, kohët e fundit, Hamasi duket se ka treguar më shumë fleksibilitet, duke ndezur shpresën në Izrael se negociatat mund të kenë sukses.

Ndërkohë kritikët e kryeministrit izraelit Benjamin Netanyahu thanë se ai po kundërshton armëpushimin në mënyrë që të qetësojë partnerët e koalicionit ultra-fetarë dhe të ekstremit të djathtë, të cilët refuzojnë t’i bëjnë lëshime Hamasit.

Tentoi të nxirrte mijëra euro dhe pound nga Shqipëria, nis procedimi për 39-vjeçarin.

Shërbimet e Policisë Kufitare të portit të Durrësit, në vijim të kontrolleve në hyrje/dalje, të bazuara në analizën e riskut, me fokus parandalimin dhe goditjen e paligjshmërive kufitare, në dalje të Republikës së Shqipërisë, kanë kaluar në vijën e dytë, për kontroll të imtësishëm, shtetasin Eridan Fejzaj.

Nga kontrolli fizik, këtij shtetasi iu gjetën 9670 euro dhe 3345 paund që tentonte t’i nxirrte nga vendi ynë, pa i deklaruar në pikën e kalimit kufitar.

Në vijim të veprimeve procedurale për këtë rast, nisi procedimi në gjendje të lirë për shtetasin Eridan Fejzaj, 39 vjeç, banues në Vlorë, si dhe u sekuestruan në cilësinë e provës materiale, shumat e parave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”.