– AC Milan është rikthyer në fushë. Kuqezinjtë do të përballen me Chelsean në Stamford Bridge sot, të dielën, më 10 gusht, në një miqësore të profilit të lartë.

Kjo do të jetë edhe ndeshja e fundit e tyre para ndeshjes hapëse të sezonit, e caktuar për më 17 gusht në Kupën e Italisë kundër Barit, një ndeshje që i paraprin ditës së parë të sezonit të ligës, e planifikuar për fundjavën e 24 gushtit.

Pas turneut në Azi dhe Oqeani, Milani i ri i Allegrit u zhvendos në Angli, ku dje u përball me Leeds përpara se të fluturonte për në Londër për t’u përballur me Blutë, fituesit e Ligës së Konferencës së fundit dhe Kupës së Botës për Klube.

Ndeshja Chelsea-AC Milan është planifikuar për sot, të dielën, më 10 gusht, në orën 16:00 në stadiumin Stamford Bridge në Londër. Ja formacionet e mundshme:

Chelsea (4-2-3-1): Sanchez; Malo Gusto, Chalobah, Colwill, Cucurella; James, Caicedo; Palmer, Fernandez, Pedro Neto; Joao Pedro. Trajner: Maresca

Milan (3-5-2): Maignan; Tomori, Gabbia, Pavlovic; Jimenez, Loftus-Cheek, Modric, Jashari, Bartesaghi; Okafor, Leao. Trajner: Allegri

ITALI – Pas disa javësh negociatash, AC Milan dhe Club Brugge më në fund kanë arritur një marrëveshje për Ardon Jasharin, një objektiv i deklaruar i kuqezinjve për një muaj të mirë.

Një takim kyç u zhvillua dje midis shoqëruesve të mesfushorit, presidentit Bart Verhaeghe, dhe drejtorit ekzekutiv të klubit belg Bob Madou, të cilit mesfushori shqiptaro-zviceran i përsëriti se nuk do të pranonte asnjë ofertë tjetër përveç asaj të AC Milan.

Diskutimet midis palëve po vazhdojnë aktualisht për të finalizuar transaksionin në të gjitha detajet e tij: klubi belg do të marrë menjëherë 34 milionë euro. Priten gjithashtu edhe 4.5 milionë euro të tjera në bonuse.

Negociatat u përshpejtuan papritur të hënën, me ndërmjetësit që punuan pa u lodhur për të parandaluar prishjen e plotë të marrëveshjes.

Sot, 23-vjeçari me orgjinë shqiptare u stërvit përsëri me shokët e tij të ekipit, madje duke buzëqeshur, siç tregohet në fotot e publikuara nga mediat lokale.

Megjithatë, nuk ka gjasa që ai të udhëtojë me ekipin për në Salzburg, ku do të zhvillohet raundi paraprak i Ligës së Kampionëve, i planifikuar për të mërkurën në mbrëmje në orën 19:00.

Për momentin, në fakt, vizitat mjekësore nuk janë planifikuar ende, por lojtari mund të mbërrijë në Itali që në mbrëmjen e sotme ose nesër në mëngjes për të nënshkruar një kontratë pesëvjeçare me vlerë 2.5 milionë plus bonuse për sezon.

Milani dhe Brugge nuk kanë qenë kurrë kaq afër. Pasi pritën Modricin (tifoz i kuqezinjve që nga fëmijëria), tifozët e Milanit po përgatiten të mirëpresin Jasharin, i cili shkoi në San Siro si fëmijë për të brohoritur për kuqezinjtë dhe është gati të kthehet si protagonist.

Të hënën, më 7 korrik, skuadra e Milanit nis zyrtarisht sezonin e ri futbollistik nën drejtimin e trajnerit Massimiliano Allegri. Pas dy ditëve testimesh fizike të zhvilluara të premten dhe të shtunën, skuadra do të zhvillojë seancën e parë stërvitore në qendrën sportive të Milanello, duke shënuar nisjen e epokës së re “Allegriane”.

Seanca e mëngjesit do të jetë e mbyllur për publikun, ndërsa në orën 13:00, në ambientet e Casa Milan, do të zhvillohet prezantimi zyrtar i trajnerit Allegri para mediave dhe përfaqësuesve të klubit.

Në mbrëmje, në orën 18:00, është planifikuar një seancë stërvitore e hapur për tifozët në fushën e jashtme të Milanellos, ku pritet një pjesëmarrje entuziaste nga mbështetësit kuqezi – me një përjashtim të rëndësishëm.

‘Curva Sud’ bojkoton nisjen e sezonit Në një postim në rrjetet sociale, grupimi ultras më i njohur i Milanit, ‘Curva Sud Milano’, ka bërë të ditur se do të bojkotojë nisjen e sezonit të ri, duke mos marrë pjesë në seancën stërvitore të së hënës. “Ju kujtojmë se të hënën, më 7 korrik, ‘Curva Sud’ Milano nuk do të jetë i pranishëm në Milanello”, thuhet në një story të publikuar në Instagram nga grupimi.

Ky veprim vjen si pjesë e një proteste të vazhdueshme ndaj drejtimit aktual të klubit dhe politikave të merkatos. Mbetet për t’u parë nëse tensionet mes tifozerisë dhe drejtuesve do të ndikojnë në atmosferën që shoqëron fillimin e sezonit të ri.

Përmbysje e madhe e Milanit 3-2 ndaj Parmës, në një ndeshje që nuk këshillohet për persona që kanë probleme me zemrën.

Se do të ishte një ndeshje e vështirë për kuqezinjtë u kuptua që në minutën e 24-të, atëherë kur Cancellieri zhbllokoi shifrat në të mirë të mysafirëve, me një goditje fantastike.

Ekipi i Conseicaos u kundërpërgjigj dhe vendosi ekuilibrat me Pulisic, i cili u tregua i saktë nga pika e bardhë e penalltisë.

Parma realizoi golin e dytë me Del Prato në minutat e fundit, i ndihmuar disi edhe nga fati.

Vendasit nuk u dorëzuan dhe gjetën barazimin me Pavlovic me një goditje me kokë, por gëzimi zgjati pak, pasi goli u anulua për pozicion jashtë loje.

Në të 92-tën, Reijnders ndezi shpresën e Milanit me golin e 2-2, sakaq në shtesë Chukwueze i siguroi 3 pikët Milanit.

Futbolli Italian, me një fuqi thuajse magnetike, përfshin, entuziasmon, bëhet objekt bisede e diskutimesh në të përditshmen tonë.

Në një sezon ku çfarë nuk po ndodh, vjen një tjetër fundjavë elektrizuese, me disa përplasje shumë të rëndësishme për ecurinë e kampionatit, në krye të të cilave, qëndrojnë sfida e së shtunës mbrëma, mes Atalantës dhe Napolit. “La Dea” e Gasperinit do të mbrojë fortesën në Bergamo, teksa për Antonio Konten dhe Napolin rruga drejt titullit do të kalojë sërish në Lombadi. Jo vetëm kaq, do të jetë një betejë edhe mes dy yjeve shqiptarë Rrahmani dhe Gjimshiti, përpos asaj mes dy bomberash si Lukalu dhe Retegui.

Po të shtunën, luhet derbi i shumëpritur, ai mes Juventusit të Thiago Motës dhe Milanit të Sergio Konseisaos. Një klasik i vjetër sa historia e futbollit Italian. Që prej 1901, dy skuadrat më të kuotuara dhe të suksesshme të “Il Calcio”, mes ndeshjesh zyrtare ose jo, janë përplasur mes tyre plot 307 herë.

Këtë herë, dy “peshat e rënda” italiane luajnë për prestigj, për dominancë, por edhe për një vend në zonën Champions, duke qenë se të dyja duhet të luftojnë fort për ta siguruar. Juventus-Milan është më shumë se një ndeshje futbolli, është një përlasje mes dy kryeqendrave piemonteze dhe lombarde, mes dy tifozerive të zjarrta, përfshirë këtu edhe atë shqiptare, e gjitha me sytë nga ekrani i Tring Sport.

Sepse, vështirë se mund t’i apasionojë shqiptarët diçka tjetër sa skuadrat italiane, tifozë të të cilëve janë i madh e i vogël. Dhe kur në Torino luhet mitikja Juve-Milan, të gjithë bëhemi gati, secili me fanellën e zemrës.

Zonja e vjetër, në një moment delikat, për të shpëtuar sezonin, sfidon në shtëpi “Djajtë e Kuq”, të frymëzuar pas triumfit në Superkupë, ndërkohë që në fushë zbret një paradë e mirëfilltë yjesh.

Sërish koha për spektakël në Serie A, ndaj, fundjavën duket se do ta kalojmë mes emocionesh dhe adrenaline në Tring, platformën më të madhë sportive në Shqipëri.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Sergio Conceição është zyrtarisht trajneri i ri i AC Milan, duke nënshkruar një marrëveshje deri në qershor 2026.

Trajneri portugez vjen pas shkarkimit të Paulo Fonsecës nga drejtimi i klubit të Serie A. Lajmi u konfirmua sot, ndërsa Conceição pritet të debutojë në Superkupën e Italisë, më 3 janar, në përballjen kundër Juventusit.

50-vjeçari ka ndërtuar një karrierë të suksesshme në stol, duke drejtuar për vite me radhë skuadrën e Portos, me të cilën ka fituar disa tituj të rëndësishëm. Ai ka pasur gjithashtu eksperienca me klube si Braga dhe Nantes, por drejtimi i Milanit shënon për të eksperiencën e parë në futbollin italian. Kuqezinjtë shpresojnë që Conceição të sjellë një frymë të re dhe të ndihmojë ekipin të rikthehet në majat e futbollit evropian.

50-vjeçari ka ndërtuar një karrierë të suksesshme në stol, duke drejtuar për vite me radhë skuadrën e Portos, me të cilën ka fituar disa tituj të rëndësishëm. Ai ka pasur gjithashtu eksperienca me klube si Braga dhe Nantes, por drejtimi i Milanit shënon për të eksperiencën e parë në futbollin italian. Kuqezinjtë shpresojnë që Conceição të sjellë një frymë të re dhe të ndihmojë ekipin të rikthehet në majat e futbollit evropian.

Milan merr pikët e para në UEFA Champions League, teksa në shtëpi triumfoi 3-1 ndaj Clube Brugge. Ndeshja u zhbllokua nga Pulisic, i cili dërgoi topin në rrjetë në minutën e 34-të, direkt nga goditja e këndit.

Mysafirët mbetën me një lojtar më pak në minutën e 40-të, pas daljes me karton të kuq të Oneyedika. Gjithsesi, belgët në pjesën e dytë, pavarësisht inferioritetit numerik barazuan llogaritë me Sabbe. Gëzimi ishte i përkohshëm, pasi të besuarit e Fonsecas rikthyen rezultatin në favorin e tyre falë dopietës së mesfushorit Reijnders. Në fund, pati kohë edhe për Camarda, por goli u anulua për Offside.

TALI – Pas Moratas dhe Pavloviçit, Milani zyrtarizoi grushtin e tretë të transferimit të verës: sot ishte dita e Emerson Royal te kuqezinjtë.

Ish-anësori brazilian i Tottenham mbërriti herët në mëngjes në klinikën La Madonnina në Milano ku iu nënshtrua testeve mjekësore përpara se të nënshkruante pasdite kontratën që e lidh atë me kuqezinjtë deri më 30 qershor 2028.

Mbrojtësi, i ndjekur për një kohë të gjatë dhe që kushton 15 milionë plus 3 bonuse, më pas do të jetë në gjendje t’i bashkohet pjesës tjetër të grupit për t’u vënë në dispozicion të Paulo Fonseca në funksion të fillimit të kampionatit dhe ndeshjes kundër Torinos të shtunën e ardhshme.

Më pas do të jetë në dorën e trajnerit kuqezi, që të vlerësojë nëse dhe kur do ta vendosë atë. Sigurisht që gjendja fizike duhet të jetë e mirë, duke qenë se Emerson Royal punonte ende me Tottenhamin dhe luajti të gjitha ndeshjet miqësore (edhe si qendërmbrojtës) mes Tokios dhe Seulit.

Pasi të ketë përfunduar procesi “italian”, lojtari do të duhet të kthehet në Angli për procedurat përfundimtare burokratike dhe për të marrë lejen e qëndrimit, e cila është e detyrueshme për statusin e tij jo-BE. Edhe ai, ashtu si Morata dhe Pavlovic, do t’i prezantohet publikut të San Siros me rastin e trofeut Silvio Berlusconi.

Interi ka triumfuar 2-0 në ndeshjen e parë të gjysmfinalve të Champions Legue në San Siro duke hedhur kështu një hap drejt finales së madhe të Stambollit.

Sa i përket ndeshjes, ekipi i Izaghit u tregua më superior në fushë dhe kapi në befasi Milanin që në minutën e 7′ kur Dzeko realizoi lehtësisht brenda zonës pas një topi nga këndi.

Vetëm 3 minuta më pas, Interi pas një kundërsulmi dyfishon shifrat këtë herë me Mikitarian.

Ndërkohë, pjesa e dytë nuk pati gola ku loja u përqëndrua më së shumti në mesfushë.

Ndeshja e kthimit luhet më 16 maj sërish në San Siro.noa.al

• Më të lexuarat
• EMRI/ Kush është 22-vjeçarja që braktisi foshnjën në Durrës, 2 vite më parë kishte braktisur dy fëmijët e tjerë
• Sara Hoxha ‘zihet ngushtë’ dhe bën kërkesën e pazakontë për të gjitha vajzat…
• Zgjedhjet e 14 majit/ KAS gjobit 15 kryebashkiakë të PS-së (EMRAT)

ITALI- Në “San Siro” u luajt ndeshja e parë çerekfinale mes Milanit dhe Napolit. Ndeshja u zhbllokua në minutën e 41-në favor të skuadrës së Milanit.

Një aksion fantastik i nisur nga “fantazisti” Brahim Diaz ka përfunduar në gol. Fillimisht spanjolli dërgon një top te “luzitani”, Rafael Leao, i cili me një kros të lehtë e çon topin te algjeriani, Ismail Bennacer, i cili me një goditje fantastike në brendësi të zonës mposht portierin Meret. Rezultati shkon në 1-0.

Me këto shifra 1-0 u mbyll i pjesa e parë.

Ndërkohë në të dytën e njëjta histori të dyja skuadrat në sulm, Milani më tepër nëpritje duke tentuar kundërsulmet ndërsa Napoli në përpjekjet për të barazuar shifrat.

Me sa duket taktika e Piolit funksionon më mire dhe brenda 4 minutave Anguissa lë skuadrën e Spaletit me 10 lojtarë duke marrë dy kartona të verdhë në përpjekje për të ndalur kundërsulmet e Milanit.

Minutat në vazhdim folën sërish për Napolin i cili edhe pse në inferioritet numerik pati disa raste por u përbal me një Meignan në superfomë që mbajti portën e tij të paprekur.NOA.AL

SHIKO VIDEON