Adrien Rabiot është lojtari më i ri i Milanit, duke nisur një kapitull të ri në karrierën e tij pas eksperiencës te Marsej. Mesfushori francez u prezantua zyrtarisht me kuqezinjtë dhe foli për emocionet e para, ambiciet personale dhe rikthimin e bashkëpunimit me trajnerin Masimiliano Allegri. “Kam një lidhje të fortë me trajnerin, ai më shpjegoi menjëherë projektin e Milanit. Nuk kisha dyshime, ky është një prej klubeve më të mëdha në botë,” tha Rabiot.

Francezi e vlerësoi ambientin kuqezi dhe u shpreh i motivuar për objektivat e sezonit: “Dua të shënoj të paktën 10 gola dhe të ndihmoj skuadrën që të rikthehet në Champions dhe të luftojë për Skudeton. Kam fituar shumë më parë, por Milani është vendi ideal për të rikthyer energjinë dhe për të ndërtuar një projekt të madh.”

Për debutimin e mundshëm kundër Bolonjës, Rabiot tha se ndihet i gatshëm: “Nëse trajneri vendos, do të hyj në fushë për të dhënë gjithçka.” Ai shtoi se San Siro është një stadium magjik dhe shpreson të shënojë gola që t’u japin kënaqësi tifozëve kuqezi. Me Rabiot, Milani fiton eksperiencë, ambicie dhe energji të re në mesfushë.

Igli Tare do të jetë drejtori sportiv i Milanit dhe nuk ka më dyshime për këtë. Shqiptari ka firmosur ditën e sotme me kuqezinjtë, ndërsa në fillim të javës së ardhshme pritet zyrtarizimi i klubit.

Detajet zyrtare ende nuk dihen, por nga Italia raportojnë se bëhet fjalë për një kontratë 3-vjeçare, me një pagë prej 800 mijë Eurosh në sezonin e parë, e cila pritet të rritet në sezonet pas ardhëse në bazë të performancave.

Tare rikthehet në postin e drejtorit sportiv dy vite pas largimit nga Lazio. Detyra e parë e tij te Milani do të jetë zgjedhja e trajnerit, ndërsa më pas do të punohet për pjesën e rinovimeve, ku çështjet delikate janë me Mike Maignan, Theo Hernandez dhe Christian Pulisic.

Pasi të ketë përfunduar këto, Tare do të angazhohet me pjesën e merkatos, aty ku priten lëvizje të shumta, pas një sezoni të dështuar, që u mbyll pa Europë.

Remo Freuler i Bologna, duke folur për “Gazzetta dello Sport”, ka komentuar zërat për një Milan me rotacion në ndeshjen e ardhshme: “Lexoj dhe dëgjoj që Milani do ta neglizhojë pak këtë ndeshje. Megjithjatë, jo, nuk e besoj fare”.

Dhe ka të drejtë. Sipas edicionit të sotëm të gazetës në fjalë, Sergio Conceição nuk do të bëjë ndryshime të mëdha. Trajneri portugez beson se përgatitja më e mirë për finalen e Kupës së Italisë është një fitore ndaj Bologna. Prandaj, formacioni kuqezi do të jetë pothuajse ai standard, përjashtuar mungesat e Leão (i pezulluar) dhe Fofana (i dëmtuar).

Milani do të rreshtohet me të zakonshmin 3-4-3, që i ka sjellë ekuilibër skuadrës, me Tomori, Gabbia dhe Pavlovic para portierit Maignan. Qëllimi është i qartë: asnjë rënie përqendrimi, të ndiqet kualifikimi në Europë edhe përmes kampionatit, edhe pse Kupa e Italisë mbetet rruga më e shkurtër drejt “Europa League”.

E vetmja dilemë reale është në sulm. Jovic, që po rikuperohet nga një problem në shpinë, sfidohet nga Gimenez, i cili ka qenë vendimtar në dy ndeshjet e fundit me gol dhe asist. Në krahët e tyre do luajnë Pulisic dhe Joao Felix, ky i fundit i preferuar si zëvendësues i Leãos, pas paraqitjes së mirë ndaj Genoa.

Conceiçao nuk dëshiron të ketë pengje, objektivi është t’i fitojë tri ndeshjet e fundit në Serie A dhe të mbërrijë në finalen e Romës me moral të lartë. Mesazhi është i qartë: pa eksperimente, ky Milan ka nevojë për vazhdimësi dhe besim.

Milan mund me përmbysje 2-3 Leçen, në ndeshjen e Serie A. Kuqezinjtë e nisën ndeshjen “zjarr”, teksa Gimenez realizoi gol që në minutën e parë. Festa zgjati pak, pasi goli u anulua për offside.

Në minutën e shtatë, vendasit shpërblehen pas një zbritje të shpejtë. Një e djathtë e fortë e Krstovic nuk u ndal dot nga portieri Sportiello. Djemtë e Coinceicaos provuan të reagojnë dhe barazuan me Gabbian, por sërish goli në pozicion të parregullt.

Milan pëson golin e dytë nga Krstovic, në të 59-tën. Ekipi nga Milano, ia doli që të përmbysë ndeshjen. Një autogol i Gallos ndezi shpresën, ndërsa heroi do ishte Pulisic, me dopietën e tij.

Milani investoi mbi 30 milionë euro në Charles De Ketelaere verën e kaluar, por talenti belg ka zhgënjyer në sezonin e tij debutues, duke vendosur në pikëpyetje vendin e tij në skuadër.

22-vjeçari nuk është dukur i njëjti lojtar që shkëlqeu me Club Brugge sezonin e kaluar, teksa tashmë numëron një asist në 1441 minuta lojë në 38 paraqitje. Ai ka luajtur titullar në vetëm nëntë ndeshje në Serie A dhe është lënë në stol për pesë ndeshjet e fundit radhazi në Champions League.

Paolo Maldini diskutoi për De Ketelaere pas eliminimit të Milanit nga Liga e Kampionëve, duke theksuar se futbollisti ishte opsioni më i mirë pas dështimit për Dybalan. Kuqezinjtë do të bëjnë disa ndryshime në verë, me merkaton në hyrje dhe në dalje që pritet të jetë “zjarr”.

• Më të lexuarat
• Organizoi dasmën e Luiz Ejllit dhe Kiara Titos, Armand Peza: Kam bërë një faj…
• Merr fund paqja historike? Noizy dhe Stresi me lëvizjen e fundit habisin fansat…
• Vrau 8 persona të pafajshëm/ Autori shfaqet në gjyq pa asnjë shenjë pendese,…
• “Këta njerëz të pengojnë të ecësh përpara”, motra e Olta Gixharit bën deklaratën…
• Luizi dhe Kristi surprizojnë fansat dhe hyjnë “live” bashkë në Instagram, “zihen” për…