Policia franceze ka nisur një hetim të thelluar pas një grabitjeje spektakolare të një kamioni të blinduar, e cila ndodhi në Verdun-sur-Garonne, një komunë rreth 40 kilometra larg Toulouse. Furgoni transportonte një ngarkesë me vlerë mbi 6 milionë euro, përfshirë vepra arti dhe lingota ari. Pas grabitjes, autorët e krimit dogjën furgonin për të zhdukur çdo provë.

Një grua që pa rastësisht mjetin e dyshimtë në lëvizje, vendosi ta ndiqte dhe filmoi itinerarin e tyre me telefonin e saj. Ajo e dorëzoi videon tek autoritetet, çka ndihmoi hetimin në identifikimin e rrugës së përdorur nga grabitësit.

Kriminelët e ndalën furgonin në një zonë të izoluar dhe shkarkuan vetëm pjesën e ngarkesës që përmbante ar  rreth 3 milionë euro në lingota dhe monedha ari. Ndërkohë, veprat e artit me vlerë mbi 3.5 milionë euro nuk i tërhoqën vëmendjen e tyre. Në vend që t’i merrnin, vendosën t’i digjnin së bashku me furgonin për të zhdukur çdo gjurmë.

Policia beson se grabitësit kishin informacion të brendshëm, pasi vepruan me efikasitet dhe kishin dijeni mbi ngarkesën dhe mungesën e mbikëqyrjes. Gendarmeria e Toulouse dhe ekspertët kriminalistikë nga Montauban gjetën kamionin totalisht të djegur. Tani hetimi është përqendruar në identifikimin e bashkëpunëtorëve që mund të kenë ndihmuar në organizimin e grabitjes dhe në intervistimin e dëshmitares që filmoi ngjarjen. 

Në vendimet e Këshillit të Ministrave është miratuar shtimi i fondit për mbështetjen e partive politike. Sipas vendimit, fondi do të shtohet me 150 milionë lekë.

Në vendim citohet se efekti financiar i parashikuar do të përballohet nga fondi rezervë i Këshillit të Ministrave.

 “NJË SHTESË FONDI NË PROGRAMIN “MBËSHTETJE PËR PARTITË POLITIKE”, PËR FINANCIMIN E FUSHATËS ZGJEDHORE TË SUBJEKTEVE PJESËMARRËSE NË ZGJEDHJET PËR KUVEND TË DATËS 11 MAJ 2025

 “NJË SHTESË FONDI NË PROGRAMIN “MBËSHTETJE PËR PARTITË POLITIKE”, PËR FINANCIMIN E FUSHATËS ZGJEDHORE TË SUBJEKTEVE PJESËMARRËSE NË ZGJEDHJET PËR KUVEND TË DATËS 11 MAJ 2025

Në mbështetje të nenit 100 të Kushtetutës, të pikës 1, të nenit 88, të ligjit nr.10019, datë 29.12.2008, “Kodi Zgjedhor i Republikës së Shqipërisë”, të ndryshuar, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të pikës 1, të nenit 14, të ligjit nr.115/2024, “Për buxhetin e vitit 2025”, me propozimin e ministrit të Financave, Këshilli i Ministrave

V E N D O S I:

1. Për financimin e fushatës zgjedhore për Kuvendin e Shqipërisë të  datës 11 maj 2025, në programin “Mbështetje për partitë politike” shtohet fondi prej 150 000 000 (njëqind e pesëdhjetë milionë) lekësh, i cili u shpërndahet subjekteve zgjedhore, pjesëmarrëse në këto zgjedhje, nga Komisioni Qendror i Zgjedhjeve.
2. Efekti financiar, i parashikuar sipas pikës 1, të këtij vendimi, përballohet nga fondi rezervë i Këshillit të Ministrave, për raste të paparashikuara të njësive të qeverisjes së përgjithshme, miratuar për vitin 2025.
3. Ngarkohen Ministria e Financave dhe Komisioni Qendror i Zgjedhjeve për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.”

Qeveria e Britanisë së Madhe ka premtuar deri në 10 milionë paund (12,9 milionë dollarë) në ndihmë të Myanmarit, i cili u godit të premten nga një tërmet i fuqishëm 7,7 ballë.

“Paketa shërben për të mbështetur reagimin humanitar në zonat më të goditura nga tërmeti, me fokus në furnizimin me ushqim dhe ujë, ilaçe dhe strehim”, tha Ministria e Jashtme.

Një tërmet i fuqishëm me magnitudë 7,7 goditi Mianmarin në mesditën e së premtes.

Britania e Madhe po dërgon mbështetje të menjëhershme për popullin e Myanmarit pas tërmetit shkatërrues”, tha Jennifer Chapman, ministre e shtetit për Zhvillimin.

“Partnerët lokalë të financuar nga Britania e Madhe tashmë po mobilizojnë një përgjigje humanitare në terren dhe kjo paketë prej 10 milionë paundësh do të forcojë përpjekjet e tyre”, shtoi ajo.

“Unë shpreh ngushëllimet e mia më të thella për popullin e Mianmarit pas kësaj ngjarje tragjike”, tha Chapman.

Tërmeti që goditi Myanmarin kishte një epiqendër pranë Mandalay, qyteti i dytë më i madh i vendit, duke bërë që ndërtesat në shumë zona të rrëzoheshin përtokë duke shkaktuar dëme të shumta.

Numri i të vdekurve në Myanmar deri më tani ka arritur në 1 644, me më shumë se 3 400 të plagosur, por shifrat e viktimave mund të rriten në mijëra për shkak të afërsisë së zonave të populluara me epiqendrën dhe cenueshmërisë së shumë strukturave.

Fiks Fare u rikthye në zonën e Spitallës dhe Kënetës, disa muaj pasi emisioni investigativ filmoi ndotjen masive në ato lagje, teksa edhe investimet miliona euroshe nuk larguan ujërat nga sipërfaqja.

U ndërtua një Hidrovor i ri, i cili pas denoncimit u vu në punë, por në fund të muajit janar 2025, e gjithë zona u përmbyt!

Në qershor të vitit 2024, Fiksi trajtoi problematikën e ujërave të zeza në Durrës, ku megjithëse ishin investuar plot 20 milionë euro, gjendja ishte e njëjtë. Bashkia e Durrësit kishte hapur disa tendera, njëri me vlerë 87 milionë lekë për hartimin e studimit për rrjetin e ujërave në zonën e Porto Romanos dhe ish-Kënetës. Në fund të 2021-shit u bë tenderi i madh me vlerë 20 milionë euro, për kanalet e ujërave dhe ndërtimin e hidrovorit në Porto Romano.

Procedura kishte një afat 12 mujor, ku vepra duhet të përfundonte në fund të vitit 2022. Verën e kaluar, plot 1 vit e gjysmë pas përfundimit të afatit, Hidrovori s’ishte vënë në punë. Më pas u bë një tjetër me vlerë 54 milionë lekë për sistemimin e këtyre ujërave.

Në Durrës ka Impiant të Trajtimit të Ujërave të Zeza, por ai ka vetëm ujërat e zeza dhe jo kanalet e mëdha në Spitallë dhe ish-Kënetë. Bashkia e Durrësit pranoi se Hidrovori duhet të përfundonte në fund të 2022-shit, por ka pasur probleme të mëdha me shpronësimet. “Do të ulë sasinë e ujërave në kanale dhe më shumë është për përmbytjet” tha drejtori.

Pas denoncimit në qershor 2024, Bashkia e Durrësit e vuri në punë hidrovorin e ri në Porto Romano. Investimet në kanalizime dhe në këtë vepër s’e larguan problemin, pasi banorët e Spitallës dhe ish-Kënetës jo vetëm që jetonin me ujëra të zeza, por tashmë shtëpitë iu përmbytën.

Fiksi bisedoi me banorë të ish-Kënetës, të cilët tregojnë se para 11 viteve ka ndodhur një përmbytje, por jo e këtyre përmasave. “Kjo përmbytje na zuri të papërgatitur dhe se kjo fatkeqësi nuk vjen nga reshjet e shiut por vjen si pasojë e mos hapjes dhe pastrimit të kanaleve që janë në të gjithë lagjen” pohojnë banorët.

Ata shprehen se përmbytja ka ardhur si pasojë e mos funksionimit të Hidrovorit, teksa tregojnë edhe dëmet që u janë shkaktuar. Disa të tjera tregojnë se ujërat sipas tyre ishin të zeza dhe ato të shiut, teksa kërkojnë nga shteti që të merren masa dhe t’u vlerësohet dëmshpërblimi. Banorët treguan edhe dëmet brenda banesave të tyre, që nga orenditë shtëpiake të prishura, mobiljet, apo edhe muret dhe dyshemeja gjithë lagështirë.

Ata thonë se niveli i ujit qëndroi për shumë orë në shtëpitë e tyre dhe u desh shumë kohë që niveli të ulej. Fiksi bisedon edhe me disa grupe vlerësimit të dëmeve. Ata thanë se janë ngritur 15 grupe vlerësimi, pasi ka shumë banesa në gjithë zonën e Durrësit të Ri dhe në disa fshatra.

Këto grupe i treguan Fiksit mënyrën se si bëhet vlerësimi i dëmeve në secilën banesë dhe familje, ku një fazë tjetër miratohet nga Bashkia e Durrësit se çfarë dëmesh janë bërë dhe shuma monetare që duhet të marrë secila familje. Dhe në fund, shpërndarja e fondit. Grupet tregojnë edhe dokumentet që duhen nga familja, certifikata e pronësisë, një mjet identifikues.

Fiksi shkoi në Porto Romano, ku janë dy hidrovoret, i vjetri dhe i riu. Te Hidrovori i vjetër punonjësit thanë se është jashtë funksioni, ndërkohë që është vënë në punë Hidrovori i ri. Në këtë objekt të ri, punonjësit thanë se është në kapacitet të plotë dhe se përmbytja ka ardhur si pasojë e reshjeve të dendura. “Ky shi po bën 10 vjet që s’ka rënë” pohojnë ata.

Gazetarët e Fiksit intervistuan edhe z. Aljon Hysko, Drejtor i Ndërmarrjes “Rruga” në Bashkinë e Durrësit. Ai tha se Hidrovori është në fazë testimi dhe, nëse do ketë probleme, do t’u kërkohet firmave që të bëjnë riparime elektrike, mekanike apo edhe në kanalet që e furnizojnë. Sipas tij, përmbytja ka ardhur si pasojë e natyrës!

Tiranë- Hapet Unaza e Madhe e Tiranës.

Pas më shumë se 10 vitesh dhe 433 milionë euro të investuara, është hapur për qarkullim Unaza e Madhe e Tiranës. Në ceremoninë e hapjes ka marrë pjesë kryeministri socialist Edi Rama.

Unaza e Madhe ka një gjatësi prej 28.7 kilometrash, disa mbikalime dhe tunele, dy prej të cilave janë hapur sot për qarkullimin e mjeteve në zonën e ish-rrethrotullimit të “Shqiponjës”.

Ky aks me një shpejtësi të lejuar prej 90 km/h pritet të lehtësojë trafikun brenda kryeqytetit.

Unaza e Madhe është e ndarë në katër segmente. Unaza veriore e cila fillon te ish-sheshi Shqiponja dhe përfundon te mbikalimi në Shkozë si dhe Unaza perëndimore e cila fillon te ish-sheshi Shqiponja dhe përfundon te mbikalimi te pallati me shigjeta.

Unaza Jugore nis te mbikalimi te pallati me shigjeta dhe përfundon te rrethrrotullimi i TEG, dhe unaza lindore nis te rrethrrotullimi i TEG-ut dhe përfundon te mbikalimi i Shkozës, duke përfshirë segmentin nga mbikalimi i Shkozës deri te materniteti i ri.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Në 11 muajt e parë të këtij viti Shqipëria ka regjistruar mbi 11 milionë vizitorë të huaj. Në krahasim me vjet, në vendin tonë kanë ardhur 16% më shumë të huaj.

Një lajm i tillë u dha nga ministrja e Turizmit, Mirela Kumbaro gjatë Konferencës së Turizmit të Qëndrueshëm të mbajtur në Tiranë.

“Koincidencë e bukur kjo 11 me 11. Është e rëndësishme të theksojmë se këto janë rritje që po bëhen të qëndrueshme. Nuk na duhet të kemi miliona e miliona më shumë dhe të krenohemi se mbërritëm dhjetëra milionë. Na duhen ata milionë të cilët rrinë më gjatë, të cilët paguajnë më shumë, konsumojnë më shumë, shijojnë më shumë dhe vijnë gjatë gjithë vitit”, tha Kumbaro.

Shqipëria është tashme vendi më i ri anëtar i Këshillit Global të Turizmit të Qëndrueshëm (GSTC).

“Meqë flasim për standarde dhe formalizim, pata kënaqësinë të nënshkruaj dje certifikatën e 2000-të brenda një periudhe pak vjeçare të kategorizimit të hoteleve të cilat gjithmonë e më shumë e kuptojnë që iu intereson të formalizohen sepse dhe përfitimet i kanë më të mëdha”, tha Kumbaro.

Aeroporti i Tiranës është aeroporti me rritjen më të shpejtë në Evropë që nga pandemia, theksoi kryeministri Edi Rama përmes një postimi në X.

Numri i vizitorëe arriti në 942 mijë pasagjerë në tetor 2024, 47% më shumë nga një vit më parë.

Rama thekson se janë rritur me 3.2 milionë udhëtarë në vit përmes TIA-s.Postimi i Ramës:

Instituti i Universiteti Georgetown për Gratë, Paqen dhe Sigurinë thotë se rreth 600 milionë gra, apo 15 për qind e popullsisë së botës, janë të ekspozuara ndaj konflikteve. Në raportin e fundit të këtij Instituti, që botohet një herë në dy vjet, Kosova radhitet në vendin e 100, ndërsa Shqipëria në vendin e 45 mes 177 shteteve. Në një intervistë për Zërin e Amerikës me kolegen Garentina Kraja, autorja e raportit Elena Ortiz thotë se në Kosovë gratë kanë gjendjen më të keqe në rajon, në veçanti sa i përket përfshirjes së grave në tregun e punës, fuqizimit dhe pavarësisë së tyre financiare dhe ekonomike, si edhe diskriminimit gjinor në lindje.

Zëri i Amerikës: Zonja Ortiz, Instituti juaj, po përpilon raportin e ri që trajton statusin e grave në botë, në 177 shtete. Raporti juaj, që mbulon dy vitet e fundit, zbulon dallime të shumta sa i përket sigurisë, drejtësisë dhe përfshirjes së grave. Ju gjithashtu keni përpiluar një indeks. A po bëhet bota një vend më pak i rrezikshëm për gratë?

Gjykata e Posaçme ditën e sotme ka marrë vendimin për të dënuar vetëm 2 nga 13 të pandehurit për dosjen e call centerave me vlerë mashtrimi 7 milion euro, ku në krye të skemës qëndronte Erjon Kasmi.

GJKKO e dënoi 7 vite e 4 muaj burg Kasmin ndërsa bashkëpunëtorin e tij Xhulian Xhafa me 6 vite e 8 muaj, ndërkohë 11 të tjerë u shpallën të pafajshëm.

GJKKO ka dhënë vendimet për 13 të akuzuarit për mashtrim me vlerë rreth 7 milion euro të shtetasve gjermanë përmes call center-ave, duke dënuar vetëm 2 shtetas me burg, ndërsa 11 të tjerë u shpallën të pafajshëm.

Erjon Kasmi është i akuzuar për mashtrim kompjuterik dhe për krijim të grupit të strukturuar kriminal është shpallur fajtor dhe është dënuar me 7 vite e katër muaj burg, teksa konsiderohet edhe si një nga personat kyç në aktivitetin kriminal.

Me 6 vite e 8 muaj burg u dënua bashkëpunëtori I tij Xhulian Xhafa

Policia italiane ka vënë në pranga një 45-vjeçar shqiptar, pasi gjatë kontrollit të mjetit me të cilin udhëtonte ju gjet lëndë narkotike me vlerë 1 milionë euro.

Arrestimi i tij u mbrëmjen e djeshme në autostradën A22 në zonën e Bolzanos, në orën 18:45 të mbrëmjes.

Policia shkoi për kontroll pasi shqiptari kishte ndalur mjetin dhe nuk po lëvizte duke krijuar probleme në qarkullim.

Pikërisht ky veprim ka tërhequr vëmendjen e policëve që vendosën të ushtrojnë një kontroll. Nga kontrolli rezultoi se shqiptari, banues në Lombardi , kishte precedentë të shumtë penalë dhe krime të natyrave dhe rëndesave të ndryshme, përfshirë edhe tregtimin e drogës.

Në atë moment u vendos që të vazhdohej me kontrollin e plotë të dy pasagjerëve dhe mjetit, gjatë të cilit në pjesën e pasme të furgonit u gjet një çantë e zezë prej pëlhure , e fshehur mirë mes mjeteve të punës dhe sendeve shtëpiake. Brenda kishte 10 pako me vakum me marijuanë, me një peshë totale prej 5.5 kg .

Sasia e drogës e sekuestruar mund të ndahej në të paktën 45,000 doza , me një vlerë të përllogaritur të shitjes me pakicë në tregun e paligjshëm prej gati 1 milion euro .