Një aksident rrugor ka ndodhur mëngjesin e kësaj të dielës në autostradën Milot-Mamurras, në afërsi të mbikalimit të Patokut.

Një autoveturë është përplasur me një autobus, por fatmirësisht pasagjerët e këtij të fundit nuk kanë marrë lëndime. Të plagosur kanë mbetur dy persona që ndodheshin në autoveturë, të cilët janë dërguar me urgjencë për ndihmë mjekësore në Spitalin e Traumës në Tiranë.

Ndërkohë policia, e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti.

KURBIN, 6 tetor 2025 – Një aksident me pasojë vdekjen e një këmbësori ka ndodhur mbrëmjen e sotme në aksin rrugor Mamurras–Milot. Ngjarja është regjistruar rreth orës 19:50, kur një automjet i drejtuar nga shtetasi Ervis Kalthi, 38 vjeç, ka përplasur këmbësorin Vladimir Leka, 43 vjeç.

Si pasojë e përplasjes, Leka ka ndërruar jetë në vendngjarje. Policia ka shoqëruar drejtuesin e automjetit në Komisariatin e Kurbinit për veprime të mëtejshme procedurale.

Grupi hetimor po vijon punën për sqarimin e plotë të rrethanave të aksidentit, ndërsa paraprakisht dyshohet se viktima ishte duke kaluar rrugën në momentin e ngjarjes.

Kurbin / Informacion paraprak

Më datë 06.10.2025, rreth orës 19:50, në aksin rrugor “Mamurras–Milot”, automjeti që drejtohej nga shtetasi E. K., 38 vjeç, ka përplasur këmbësorin, shtetasin V. L., 43 vjeç.

Si pasojë e përplasjes, shtetasi V. L. ka humbur jetën.

Drejtuesi i automjetit është shoqëruar në Komisariatin e Policisë, për veprime të mëtejshme procedurale.

Grupi hetimor po punon për sqarimin e plotë të rrethanave të ngjarjes.

Një zjarr i fuqishëm ka përfshirë një resort dasmash në afërsi të superstradës Lezhë-Milot, duke shkaktuar dëme të konsiderueshme. Flakët kanë përfshirë gjithashtu një sipërfaqe të madhe me shkurre dhe bimësi të dendur, pranë një zone të banuar.

Zjarri është përhapur me shpejtësi dhe aktualisht paraqet rrezik për banesa dhe objekte të tjera përreth. Forca të shumta zjarrfikëse janë në terren dhe po punojnë intensivisht për të vënë flakët nën kontroll, megjithatë situata mbetet e vështirë për shkak të kushteve të favorshme për përhapjen e zjarrit.

Një aksident i rëndë u regjistrua në aksin Milot-Thumanë, teksa u plagosën 4 persona të një familjeje, por njëri prej tyre humbi jetën rrugës për në spital.

Nga informacionet e para, mësohet se një automjet ka humbur kontrollin duke përfunduar në kanal.

Të shtënat me armë në Milot. Ngjarja ka ndodhur në Qendrën e Votimit 0871 Fushë Milot, në shkollën 9-vjeçare 28 Nëntori.

Këtu janë konfliktuar me njëri-tjetrin 2 persona të identifikuar si Kastriot Preng Perdoda dhe Asti Lleshi.

Konflikti ka nisur brenda perimetrit të sigurisë në formë debati me fjalë dhe ka përfunduar jashtë perimetrit të sigurisë.

Sipas informacioneve paraprake shtetasi Kastriot Perdoda dyshohet se ka shtënë një herë në ajër me armë zjarri, jashtë perimetrit të sigurisë.

Një aksident është shënuar rreth orës 16:30 në rrugën e Kombit pranë urës së Zogut në Milot.

Dy automjete janë përplasur me njëra-tjetrën, duke shkaktuar plagosjen e tre personave.

Policia ndodhet në vendin e ngjarjes dhe po kryen hetimet për shkaqet e aksidentit.

Një aksident ka ndodhur pak momente më parë në aksin rrugor “Laç-Milot”, ku dy makina janë përplasur më njëra-tjetrën.

Si pasojë e përplasjes ka mbetur i plagosur një prej drejtuesëve të mjeteve, i cili u transportua me urgjencë në spital.

“Rreth orës 14:30, në aksin rrugor “Laç- Milot”, automjeti me drejtues shtetasin E. M., është përplasur me automjetin me drejtues shtetasin N. P. Si pasojë është dëmtuar lehtë drejtuesi i automjetit shtetasi E. M., i cili u transportua në spital për ndihmë mjekësore.”- njofton policia.

Grupi hetimor vijon veprimet në vendngjarje për përcaktimin e shkakut të aksidentit.

Plagoset me pistoletë një 15-vjeçar

Policia në Lezhë informon se ‘në vendin e quajtur Fushë Malbardhë, njesia Administrative Milot, dyshohet se aksidentalisht është vetëplagosur me armë zjarri pistoletë shtetasi i mitur B.H 15 vjeç

Nga veprimet e para hetimore dyshohet se 15 vjeçari kishte gjetur një armë zjarri Pistoletë tip TT dhe e kishte marrë në banesë. Dyshohet se duke e pastuar, aksidentalisht është vetëplagosur në këmbë jashtë rrezikut për jetën.

Në cilësinë e provës materiale u sekuestrua arma e zjarrit tip Pistoletë TT.

Grupi hetimor nën drejtimin e Prokurorisë po kryen veprimet hetimore për dokumentimin ligjor të rastit.

Materialet do ti referohen Prokurorisë për veprime të mëtejshme’.

Nga kontrollet në kuadër të megaoperacionit “Sundimi i ligjit”, konstatohet dhe goditet një tjetër rast i organizimit të kundërligjshëm të lojërave të fatit.

Kishte përshtatur lokalin e tij, në Kurbin, për të luajtur Poker, arrestohet në flagrancë 29-vjeçari.
Procedohen në gjendje të lirë 6 shtetas që u kapën duke luajtur në këtë lokal.

Sekuestrohen 1 tavolinë për Poker, sende të tjera të kësaj loje dhe një shumë parash (në lekë dhe në euro) e përfituar nga kjo veprimtari e kundërligjshme.

Si rezultat i administrimit të menjëhershëm të informacioneve të siguruara nga inteligjenca policore, se një shtetas kishte përshtatur lokalin e tij, në Kurbin, për organizim të kundërligjshëm të lojërave të fatit, Komisariati i Policisë Kurbin ka kapur dhe arrestuar në flagrancë pronarin e ambientit, shtetasin R. V., 29 vjeç banues në Milot.

Nga kontrollet u konstatua 29-vjeçari e kishte përshtatur lokalin, me tavolinë dhe sende të tjera për organizimin e kundërligjshëm të lojës Poker.

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, për 6 shtetas që u kapën në flagrancë duke luajtur në këtë lokal.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Lezhë.

Fatmirësisht nuk ka persona të dëmtuar nga zjarri në makinë. Policia e mbërritur në vendin e ngjarjes ka nisur hetimet për të zbardhur shkaqet e flakëve.