Padia e këngëtares Bleona Qereti ndaj aktivistes shqiptaro-amerikane Evi Kokalari u diskutua ne Top News.

Nderkohe aty janë zbardhur disa pjesë të padisë 2 mln dollarëshe, akuza për spekulime rozë me politikanë të lartë.

Gazetarja Aida Topalli: Dikur kanë qenë mikesha apo të njohura goxha me njëra-tjetrën, sic është shkruar në padi. Mesa duket kjo miqësi nuk ka vajtur mirë.

Më 14 gusht Qereti çoi një padi në Gjykatën e Lartë të Nju Jorkut ku Kokalari të japë një dëmshpërblim për shpifje në lidhje me deklarata që Kokalari kohët e fundit në rrjete sociale, ka pasur akuza për disa thënie të Bleona Qeretit, për lidhje të saj me ministra shqiptarë e kosovarë, apo dhe biseda.

Sipas avokatëve asnjë nga këto biseda nuk janë të vërteta.

Edhe dalja e bisedave private të njëra me tjetrën, është diçka imorale. Personalisht i jap të drejtë Bleona Qeretit.

Pretendimet janë të shumta. Duhet parë dhe një reagim i Kokalarit lidhur me këtë padi. Mësuam që Kokalari është një pronare e një biznesi në Nju Jork.

Këto deklarata të bëra nga Kokalari kanë ndikuar në marrëveshjet që Bleona Qereti ka në Shtetet e Bashkuara sipas avokateve,” tha Topalli.

Një helikopter ushtarak u rrëzua në rajonin Ashanti të Ganës jugore të dielën dhe si pasojë e aksidentit ajror mbetën të vdekur tetë personat që ndodheshin në bord.

Helikopteri ushtarak Z-9 u rrëzua në rrethana të paqarta menjëherë pas ngritjes nga kryeqyteti Accra, gjatë rrugës për në qytetin Obuasi.

Si pasojë e përplasjes kanë ndërruar jetë edhe ministrat e Mbrojtjes dhe Mjedisit të vendit. Julius Debra, shefi i Shtabit të Presidentit John Mahama, njoftoi në një konferencë për shtyp se ministri i Mbrojtjes Edward Omane Boama dhe ministri i Mjedisit, Shkencës dhe Teknologjisë Ibrahim Murtala Mohammed u vranë tragjikisht në aksident.

Gjithashtu u vranë Alhaji Muniru Mohammed, zv/Koordinatori i Sigurisë Kombëtare dhe ish-Ministri i Bujqësisë, Samuel Sarpong, nënkryetari i Kongresit Demokratik Kombëtar (NDC), ish-kandidati parlamentar Samuel Aboajye dhe tre anëtarë të ekuipazhit.

“Është një tragjedi kombëtare”, tha Julius Debra, duke njoftuar se flamujt në të gjithë vendin do të ulen në gjysmë shtizë, pasi është ditë zie në Gana.

Policia ka arrestuar një sërë ish-zyrtarësh të lartë të përfshirë në struktura qeveritare që nga viti 2012, në kuadër të hetimeve për zjarrin në kabaren “Puls” në Koçan. Në mesin e të arrestuarve janë ish-ministrat e Ekonomisë Valon Saraçini dhe Bekim Neziri, të dy eksponent të BDI-së, si dhe ministri aktual pa portofol dhe ish-drejtori i Drejtorisë për Mbrojtje dhe Shpëtim Shaban Saliu. Në mesin e të arrestuarve është edhe drejtori aktual i DMSH-së, Xhevat Selami,nga radhët e VLEN-it.

Sipas burimeve të besueshme, hetimi është zgjeruar dhe tashmë përfshin 23 të dyshuar të rinj. Nga këta, 19 janë arrestuar ose janë në proces arrestimi, ndërsa për një prej tyre, Driton Kuçin, ish-ministër i Ekonomisë dhe kuadër i BDI-së është konstatuar se ndodhet jashtë vendit. Ai aktualisht shërben si ambasador në Mbretërinë e Norvegjisë. Prokuroria dyshon se ekziston një lidhje shkak-pasojë mes vendimmarrjeve në Ministrinë e Ekonomisë dhe në DMSH, që nga viti 2012 e deri te ngjarja tragjike më 16 mars në kabaren “Puls” në Koçan.

Megjithatë, deri më tani nuk janë ngritur akuza ndaj drejtuesve të Inspektoratit Shtetëror të Tregut (ISHT).Burime pranë Prokurorisë bëjnë me dije se të gjithë ata që kanë mbajtur pozita ministrore në Ministrinë e Ekonomisë ose kanë drejtuar DMSH-në që nga viti 2012 janë në mesin e të dyshuarve dhe të arrestuarve. Ministri aktual i Ekonomisë, Besar Durmishi, nuk figuron në listën e të dyshuarve. Hetimet për zjarrin tragjik, i cili ndodhi më 16 mars në ambientet e diskotekës “Puls” në Koçan, janë duke u zhvilluar nga Prokuroria Themelore Publike në këtë qytet.

Deri më tani, janë hapur procedura hetimore ndaj gjithsej 27 personave fizikë dhe tre subjekteve juridike, të cilët dyshohen për përgjegjësi të drejtpërdrejtë ose të tërthortë për këtë ngjarje me pasoja të rënda.