Ish-kryetari i Bashkisë së Romës, Gianni Alemanno, është arrestuar mbrëmjen e 31 dhjetorit 2024 për shkelje të vendimit të dhënë nga Gjykata.

Ai ndodhet aktualisht në burgun Rebibbia, pas dënimit me një vit e dhjetë muaj burg në kuadër të hetimeve “Mondo di Mezzo”.

Dënimi i tij ishte konvertuar në punë të detyruar në shërbim të komunitetit, por gjykatësit kanë konstatuar se Alemanno nuk e ka respektuar këtë vendim.

Ish-ministri i Politikave Bujqësore dhe Pyjore, i cili themeloi lëvizjen “Indipendenza”, u shpall fajtor për ndikim të paligjshëm lidhur me pagesa të kompanisë komunale Eur Spa për Salvatore Buzzi dhe Massimo Carminati, dy figura të njohura të botës kriminale romake.

Gjykata e Mbikëqyrjes në Romë kishte miratuar një kërkesë për të kryer shërbime sociale në qendrën “So.Spe.–Solidariteti dhe Shpresa”, e cila ndihmon njerëz në nevojë për t’u integruar në shoqëri.

Megjithatë, Alemanno akuzohet për shkeljen e rregullave të përcaktuara, përfshirë ndalimin për të dalë nga shtëpia para orës 7 të mëngjesit dhe detyrimin për të qëndruar brenda pas orës 21:00, si dhe ndalimin për t’u shoqëruar me persona me precedentë penalë.

Ministri i Sigurisë së BiH-së Nenad Neshiq u arrestua të enjten së bashku me gjashtë persona të tjerë dhe të gjithë dyshohet se janë të përfshirë në veprën penale të korrupsionit.

Kjo është konfirmuar gjatë ditës nga selia e Prokurorisë së BeH-së në Sarajevë.

Ndërkaq ata dyshohen se si drejtues të JP “Putevi RS” dhe persona që kanë bërë biznes me kompaninë në fjalë, kanë kryer veprat penale të komplotit për kryerjen e veprave penale, pastrim parash, shpërdorim të pozitës apo autoritetit zyrtar dhe marrje ryshfeti.

“Në hetimin e kryer nga Prokuroria e Bosnjë-Hercegovinës së bashku me Drejtorinë për Krimin e Organizuar të Ministrisë së Punëve të Brendshme të Republikës Srpska, më 26 dhjetor 2024. Në rastin e krimeve të korrupsionit, Nenad Neshiq, Ministër i Sigurisë në Këshillin e Ministrave të BeH, Milan Dakiq, drejtori i JP Putevi RS, Lucić Mladen dhe katër persona të tjerë janë privuar nga liria me urdhër të prokurorit. Ata dyshohen se kanë kryer vepra penale si drejtues të JP Putevi RS dhe persona që kanë bërë biznes me shoqërinë e sipërpërmendur – shoqëri për kryerjen e veprave penale (neni 249 i Kodit Penal të BH), pastrim parash (neni 209 i Kodit Penal të BiH), shpërdorim i pozitës apo autoritetit zyrtar (neni 315 i KP të RS) dhe pranimi i ryshfetit (neni 319 i KP të RS)”, thuhet në njoftim.

Ministri i Mbrojtjes, Pirro Vengu zhvilloi sot një takim në Pentagon, Washington D.C, me nënsekretaren e Mbrojtjes për Politikat, Amanda Dory.
Siguria dhe bashkëpunimi në fushën e mbrojtjes mes SHBA-ve dhe Shqipërisë në funksion të agjendës së NATO-s, ishin disa nga temat e diskutimit.

Në kontekstin ku qeveria shqiptare po dedikon buxhetin më të konsiderueshëm të dy dekadave të fundit për mbrojtjen dhe sigurinë, Vengu theksoi se është e rëndësishme të bashkërendohen veprimet me aleatin strategjik për modernizim, zhvillim kapacitetesh, misione, mbrojtje kibernetike, dhe dinamikat e sigurisë në rajonin e Ballkanit.
“Biseduam gjithashtu për financimin e huaj ushtarak nga pala amerikane, për një modernizim gjithëpërfshirës të kapaciteteve të mbrojtjes të Forcave tona të Armatosura, duke e ndërlidhur dhe me prioritetin e qeverisë shqiptare për rijetëzimin e industrisë tonë ushtarake”, bëri të ditur Vengu.

Vengu nënvizoi se Shqipëria qëndron e palëkundur në përmbushjen e objektivave të NATO-s, duke forcuar kapacitetet kombëtare dhe duke kontribuar në sigurinë euroatlantike, krah për krah Shteteve të Bashkuara të Amerikës.

Ministri i Financave Petrit Malaj dha sot në Kuvend detaje për projekt-buxhetin e vitit 2025 teksa tha është më i madhi në historinë e Shqipërisë. Po ashtuMalaja tha se në këtë buxhet parashikohen investime kapitale dhe fonde sociale. Gjithashtu ai tha se buxheti e ul borxhin publik në 55 përqind.

“Buxheti i 2025 është më i madhi që ka njohur Shqipëria. Është buxhet që ka më shumë investime kapitale, ka alokuar fonde për çështjet sociale.

Shqipëria është ndër vendet që shpenzon më tepër në rajon për çështjet sociale. Është buxhet që ul borxhin publik. Borxhi publik po shkon në 55 përqind”, tha ministri.

Ministri i Ndërtimit, Transportit dhe Infrastrukturës i Serbisë, Goran Vesiq, njoftoi të hënën se do të japë dorëheqje nga posti zyrtarisht më 5 nëntor, pas incidentit vdekjeprurës në Novi Sad javën e kaluar. Megjithatë, Vesiq tha në një konferencë të jashtëzakonshme për media se nuk e pranon fajin për incidentin, por se po tërhiqet si “njeri i përgjegjshëm”.

Së paku 14 njerëz humbën jetë si pasojë e shembjes së një strehe prej betoni në stacionin hekurudhor në qytetin verior të Serbisë të premten. Tre njerëz u lënduan dhe ende janë në gjendje të rëndë. “Nuk mund ta pranoj fajin për vdekjen e 14 personave, sepse as unë dhe as personat që punojnë me mua nuk kemi as më të voglën përgjegjësi për tragjedinë që ndodhi”, tha Vesiq.
Vesiq tha se si ministër “nuk ka miratuar asnjë akt që mund të ketë ndikim në rezultatin e projektit” të rindërtimit të stacionit hekurudhor në Novi Sad. Ai i bëri thirrje prokurorisë të përcaktojë se kush e ka përgjegjësinë për vdekjen e 14 personave. Vesiq tha se dorëheqjen ia ka ofruar kryeministrit të vendit Millosh Vuçeviq në të njëjtën ditë kur ka ndodhur aksidenti dhe se synimin ia ka komunikuar edhe presidentit Aleksandar Vuçiq.

Qindra njerëz u mblodhën të dielën para Ministrisë së Ministrisë së Ndërtimtarisë, Transportit dhe Infrastrukturës në Beograd, ku kërkuan dorëheqjen Vesiqit dhe llogaridhënie nga Qeveria për incidentin në Novi Sad. Nuk dihen ende arsyet e shembjes së mbulesës së betonit të Stacionit Hekurudhor.

Prokuroria e Lartë Publike në Novi Sad tha se i ka dëgjuar dëshmitë e 40 njerëzve deri më 3 nëntor, duke përfshirë ministrin Vesiq dhe ata që janë përgjegjës për “Hekurudhat e Serbisë” dhe “Infrastrukturën e Hekurudhave të Serbisë”, si dhe ata që janë përgjegjës për kryerjen e punëve.

Presidenti serb Vuçiq tha të hënën se është “i sigurt” se autoritetet kompetente shtetërore do ta gjejnë se kush është përgjegjës për tragjedinë.

Ndërtesa e stacionit kryesor hekurudhor në Novi Sad është hapur në korrik të vitit 2024, pas tre vjetësh të rindërtimit. Institucioni i hekurudhave serbe ka thënë në ditën e incidentit se streha e betonit që është shembur “nuk është rindërtuar dhe nuk ka qenë pjesë e renovimeve”. Megjithatë, ekspertët deklarojnë se edhe ajo pjesë ka qenë subjekt i rindërtimit. Punimet për rindërtim janë kryer nga një konsorcium kinez./ REL

Ministri i Punëve të Brendshme i Serbisë, Ivica Daçiç, është nisur për një vizitë zyrtare në Kinë të shtunën.

Ministria e Punëve të Brendshme (MPB) njoftoi se ai do të marrë pjesë në Forumin Global për Bashkëpunim dhe Siguri Publike në Lianyungang, ku do të bisedojë me ministrin e Sigurisë Publike të Kinës, Wang Xiaohong.

Ai pritet t’i vizitojë edhe oficerët e policisë serbe të cilët po punojnë me kolegët e tyre kinezë në patrullime të përbashkëta.

Në tri vjetët e fundit, policë nga Kina dhe kolegët e tyre nga Serbia kanë patrulluar në Beograd, Novi Sad dhe Smederevë, qytetet më të vizituara nga turistët kinezë në Serbi. Daçiq do të marrë pjesë edhe në stërvitjet e njësive speciale të policisë në Guangzhou, sipas MPB-së serbe.

Serbia i ka forcuar marrëdhëniet me Kinën prej se Partia Progresive Serbe (SNS) e presidentit Aleksandër Vuçiq erdhi në pushtet në vitin 2012.

Presidenti kinez, Xi Jinping, e vizitoi Beogradin në maj, për herë të dytë në dhjetë vjetët e fundit.

Kina dhe Serbia, e cila ka qenë kandidate për anëtarësim në Bashkimin Evropian për më shumë se një dekadë, nënshkruan një deklaratë për partneritetin strategjik mes dy vendeve në vitin 2016.

Shtatë vjet më vonë, Pekini dhe Beogradi nënshkruan një marrëveshje për tregti të lirë./rel

Ministri për Evropën dhe Punët e Jashtme, Igli Hasani po merr pjesë në Forumin e Dubrovnikut, në Kroaci.
Hasani bëri të ditur se, axhenda e sotme në Dubrovnik ka vijuar me një takim produktiv me homologen sllovene, Tanja Fajon.
“Shpreha mirënjohjen time për mbështetjen e vazhdueshme të Sllovenisë për Shqipërinë dhe procesin e zgjerimit”, tha Hasani.
Ministri vuri në dukje se, kjo është një kohë vendimtare për rajonin dhe Evropën, teksa theksoi se, “duhet të avancojmë axhendën tonë të integrimit në Bashkimin Evropian”.

Gjykata Themelore në Prishtinë ka dënuar me tre muaj burgim me kusht dhe me 1.000 euro gjobë ish-ministrin në Qeverinë e Kosovës, Goran Rakiç, për shkak të mosdeklarimit të të ardhurave nga buxheti i Serbisë më 2020 në Agjencinë kosovare Kundër Korrupsionit.

Rakiç aktualisht është deputet në Parlamentin serb nga partina në pushtet, Partia Progresive Serbe (SNS).

Deri në tetor të vitit 2023, Rakiç ka qenë kryetar i Listës Serbe – partisë më të madhe të serbëve në Kosovë që gëzon mbështetjen e Beorgadit – dhe paraprakisht ka mbajtur postin e ministrit për Administrim të Pushtetit Lokal dhe ka udhëhequr Ministrinë për Komunitete dhe Kthim në Qeverinë e Kosovës.

saktë pasurinë e tij më 2020, përkatësisht përveç pagës nga buxheti i Kosovës si ministër, ai merrte pagë edhe nga buxheti i Serbisë për shkak se mbante një post të lartë në Shkollën Ekonomike në Kosovë, që funksionon sipas sistemit serb, si dhe mbante postin e drejtorit të Ndërmarrjen Publike “Standard”, që po ashtu funksionon sipas sistemit serb.

Pas caktimit të dënimit, Rakiç arriti marrëveshje me Prokurorinë për pranimin e fajësisë.

Radio Evropa e Lirë ka raportuar disa herë për të ardhurat e dyfishta të zyrtarëve të Listës Serbe dhe Rakiç nuk ishte zyrtari i vetëm i kësaj partie që nuk ka raportuar të ardhurat e dyfishta në Agjencinë Kundër Korrupsionit.

Në nëntor të vitit 2022, zyrtarët e Listës Serbe u larguan nga institucionet në veri të Kosovës, nga Qeveria dhe Kuvendi për shkak të vendimit të kryeministrit Albin Kurti, për të riregjistruar makinat me targa të lëshuara nga Serbia në ato të lëshuara nga Kosova.

Megjithatë, deputetët e rinj të kësaj partie kanë marrë mandatet në Kuvend në mes të nëntorit me arsyetimin se ishte një “aksion strategjik”. Politika e Listës Serbe është që këta deputetë të mos marrin pjesë në seanca plenare, përkatësisht të paraqiten në Kuvend çdo gjashtë muaj që të mos u digjet mandati për shkak të mospjesëmarrjes. Ata gjatë gjithë kohës marrin pagat e deputetëve, të cilat janë rreth 1.800 euro/REL

Ministri i Brendshëm çek Vit Rakusan konfirmoi sot se në Republikën Çeke janë vendosur masa të shtuara sigurie për shkak të një sulmi të mundshëm terrorist, pasi policia çeke arrestoi një burrë amerikano-jugor të akuzuar për një krim të rëndë lidhur me terrorizmin.

Masat e sigurisë janë shtuar të shtunën mbrëma në vendet publike, qendrat tregtare dhe qendrat e trafikut në të gjithë Republikën Çeke për shkak të rrezikut të mundshëm të një sulmi terrorist dhe më shumë informacion do të publikohet të hënën pas mbledhjes së Këshillit të Sigurisë Kombëtare, raporton Expats.

“Falë ndihmës së publikut, hetuesit kriminalë nga Departamenti i Ekstremizmit dhe Terrorizmit arritën të gjejnë dhe arrestojnë një person të dyshuar për një krim veçanërisht të rëndë”, njoftoi policia çeke në platformën X mëngjesin e sotëm.

Ministri izraelit i Sigurisë Itamar Ben-Gvir është aksidentuar këtë të premte, duke pësuar kështu disa lëndime të lehta. Ai u transportua në spital dhe ndodhet në gjendje të qëndrueshme shëndetësore.

Ende nuk dihet shkaku i aksidentit dhe policia po punon për zbardhjen e rrethanave të ngjarjes.

Në pamjet e publikuara nga mediat izraelite duke se aksidenti ka qenë i fortë pasi makina e ministrit izraelit është përmbysur.