Ministrja britanike e Transportit, Louise Haigh dha dorëheqjen të premten për shkak të një dënimi të dhjetë viteve më parë për mashtrim, pasi pati pretenduar se i kishin vjedhur celularin.

Në një letër drejtuar Kryeministrit Keir Starmer, zonja Haigh tha se: “Mbetem plotësisht e përkushtuar ndaj projektit tonë politik, por tani besoj se do t’i shërbehet më mirë me mbështetjen time nga jashtë qeverisë”.

“Unë e vlerësoj se sido që të jenë faktet e çështjes, kjo çështje në mënyrë të pashmangshme do të jetë një shpërqendrim nga kryerja e punës së kësaj qeverie dhe politikave të cilave i jemi përkushtuar bashkërisht”, ka shkruar ajo.

Dorëheqja erdhi disa orë pasi kanali televiziv Sky News dhe gazeta The Times e Londrës raportuan se zonja Haigh ishte akuzuar për mashtrim pasi raportoi se i ishte vjedhur një celular pune, kur u grabit në vitin 2013. Ajo më vonë tha se e kishte renditur celularin gabimisht ndër sendet e vjedhura.

Pasi gjeti telefonin dhe e ndezi sërish, ajo u thërrit për t’u marrë në pyetje nga policia. Zonja Haigh pranoi fajësinë për mashtrim nëpërmjet keqinterpretimit dhe iu dha lirimi me kusht.

Në një deklaratë përpara dorëheqjes së saj, zonja Haigh tha se “sipas këshillës së avokatit tim deklarova fajësinë – pavarësisht faktit se ky ishte një gabim i vërtetë nga i cili nuk përfitova. Gjykatësit i pranuan të gjitha këto argumente dhe më dhanë masën më të ulët penalizuese”.

Zonja Haigh, 37 vjeçe, ka përfaqësuar në parlament një distrikt në Sheffield, Anglinë veriore, që nga viti 2015 dhe u emërua në postin kyç të transporteve pasi Partia Laburiste e qendrës së majtë të Kryeministrit Starmer fitoi zgjedhjet në korrik.

Kryeministri Starmer emëroi 49-vjeçaren Heidi Alexander, si zëvendësuese të zonjës Haigh. Zonja Alexander u rikthye në parlament në zgjedhjet e përgjithshme të korrikut, pas një periudhe mungese 6-vjeçare, një pjesë të së cilës ajo e kaloi në bashkinë e Londrës, me një pozicion të spikatur si drejtuese për sistemin e transportit të kryeqytetit./VOA

Diana Mondino kishte votuar në favor të ndalimit të embargos së SHBA ndaj kombit-ishull. Por kjo i ka kushtuar shkarkimin nga presidenti Javier Milei kur Mondino mbështeti heqjen e embargos ndaj Kubës në Asemblenë e përgjithshme të OKB.

Deklarata e zyrës së Milei nuk bënte lidhje direkte mes shkarkimit të Mondino dhe votës në OKB, por u bë pak pas një përshkrimi të detajuar të qëndrimit të administratës në lidhje me Kubën.

“Argjentina kundërshton diktaturën në Kubë dhe mbetet e vendosur për një politikë të jashtme që dënon regjime të tilla”, shkruante zyra e Milei, duke shtuar se do të kryejnë një auditim të gjerë të ministrisë së jashtme për të përjashtuar “promovues të axhendave armiqësore ndaj lirisë”.

“Ne nuk pranojmë asnjë kufizim”, kryediplomati hungarez kritikon sanksionet e BE-së gjatë vizitës në Minsk
Mondino ka qenë nga aleatët e parë të Milei që prej fushatës presidenciale. Ajo do të zëvendësohet tashmë nga Gerardo Werthein, ish-ambasador i vendit në SHBA.

Që prej ardhjes në pushtet në fillim të vitit Milei ka pershtatur të gjitha politikat e vendit më ato të SHBA dhe e ka distancuar vendin nga Kuba, Nikaragua e Venezuela, duke quajtur liderët e tyre “diktatorë të përçmuar”, në një kthesë të fortë nga pararendësi Alberto Fernandez.

Argjentina, ekonomia e tretë më e madhe e Amerikës Latine është në mesin e një krize të ashpër ekonomike e financiare, teksa 55% e popullsisë llogaritet se jetojnë në varfëri, që prej reformave të ashpra ekonomike të Milei me shkurtime financiare dhe liberalizim të ekonomisë, shkruan rrjeti AP.

Në agroturizmin “Adora” i kuruar në detaje, ku kënaqësia e mysafirëve është prioritet.

Ministrja e Bujqësisë dhe Zhvillimit Rural, Anila Denja ndau në rrjete sociale historinë e Pavlos që pas 8 vitesh qëndrimi në Zvicër, u kthye në vendlindje dhe ngriti agroturizmin “Adora”.

Agroturizmin “Adora”, është një investim mes ajrit të pastër të maleve afër liqenit të Komanit në Fierzë, dhe të ofron të gjitha produktet e zonës duke njohur turistë vendas e të huaj me shijen e mrekullueshme dhe cilësinë e produkteve “Made in Albania”.

Kjo pikë agroturistike është mjaft e frekuentuar nga pushuesit vendas dhe të huaj, sidomos tani në sezonin e verës.

Ministra u shpreh se, agroturizmi është kyç për zhvillimin e qëndrueshëm të Shqipërisë. “Ndaj dhe mbështetja për këtë sektor do të vijoj”, tha ajo.

“Nëpërmjet lehtësive fiskale dhe procedurave, Ministria e Bujqësisë dhe Zhvillimit Rural do të vijojë mbështetjen për këtë sektor duke promovuar ruajtjen e traditave dhe kulturës lokale, nxitjen e ekonomisë rurale dhe krijimin e mundësive të reja për komunitetet lokale”, tha Denaj.