Sot në orën 19:00 në “Air Albania” luhet sfida miqësore mes Shqipërisë dhe Jordanisë. Në stadiumin e kryeqytetit pritet që të ketë rreth 10 mijë tifozë, me interesin e tifozëve që është shtuar për këtë miqësore, pas fitores 0-1 të kuqezinjve kundër Serbisë tre ditë më parë.

Arbitër kryesor sot do jetë zvicerani Lukas Fähndrich, me ndihmësa bashkëkombasit Jonas Erni dhe Nicolas Müller. Arbitër i katërt shqiptari Juxhin Xhaja.

Pas fitores me Serbinë, trajneri Silvinjo ka vendosur të bëjë ndryshime të mëdha në formacionin e kuqezinjve në krahasim me ndeshjen në Leskovac, duke u dhënë mundësinë të tregojnë veten edhe futbollistëve që kanë luajtur më pak në ndeshjet e fundit.

Ndryshimet e Silvinjos nisin nga porta ku luan Dajsinani, për të vazhduar me mbrojtjen ku është ndryshuar gjysma e futbollistëve pasi Balliu dhe Mihaj do të përbëjnë krahun e djathtë të prapavijës.

Në mesfushë, Asllani dhe Shehu ruajnë vendin, ndërsa Bajrami vendoset në vend të Laccit.

Kurse sulmuesi është ribërë nga e para me treshen Hoxha-Asani-Daku që luan në vend të asaj Uzuni-Broja-Manaj që zbriti në fushë nga minuta e parë kundër Serbisë.

 FORMACIONET ZYRTARE
SHQIPËRIA: Dajsinani, Balliu, Mihaj, Gjimshiti, Mitaj, Asllani, Shehu, Bajrami, Asani, Hoxha, Daku.

Shqipëria U-21 barazoi me rezultatin 1-1 ndeshjen e parë miqësore ndaj Moldavisë. Në ndeshjen e luajtur në stadiumin e Vorës, ishte sulmuesi Ermir Rashica ai i cili realizoi golin e vetëm për kuqezinjtë.

Trajneri Alban Bushi e nisi ndeshjen me këtë formacion: Sina, Kacurri, Selimaj, Fikaj, Çipi, Kote, Gudjufi, Tresa, Rashica, Tahiri, Alij.

Kuqezinjtë e nisën mirë lojën, duke kaluar më avantazh që në minutën e 10-të me Rashicën, i cili fiton penallti dhe e ekzekuton saktë, duke i çuar shifrat në 1-0 për Shqipërinë.

Minutat kalojnë dhe të dyja skuadrat kontrollojnë mirë topin. Shqipëria i afrohet golit fillimisht me Gudjufin në minutën e 24-t dhe më pas me Kcurrin, i cili pas goditjes së këndit, gjuan me kokë por topi përfundon jashtë. Pak minuta më vonë, kuqezinjtë humbin sërish mundësinë të dyfishojnë shifrat, me Rashicën fillimisht, topi i të cilit përfundon jashtë e më pas Gudjufi. Ky i fundjt pati dy raste të arta, por portieri kundërshtar tregohet në të dyja rastet i saktë.

Pjesa e dytë nis me zëvendësime në radhët tona. Daka merr vendin e Alijit. Kuqezinjtë rrezikojnë sërish, fillimisht me Tresën e më pas me Dakën, Tahirin e Gudjufin, por pa fat.

Bushi bën edhe pesë zëvendësime të tjera: Ajvazi futet në fushë në vend të Gudjufit, Dodaj në vend të Tahirit dhe Kurti në vend të Tresës. Sakaq, Elezaj zëvendëson Koten dhe Rama në vend të Rashicës.

Moldavët barazuan shifrat me Kostin në minuten e 79-të. Dodaj pati mundësi të kalonte në avantazh, pasi provoi me kokë pas krosimit të Dakës, por topi përfundon jashtë.

Ndeshja mbyllet me shifrat 1-1. Shqipëria U-21 do të luajë ndeshjen tjetër ndaj Moldavisë më 18 nëntor në stadiumin e Vorës në ora 14:00.