Departamenti i Administratës Publike (DAP) miratoi sot tre dokumente të reja për etikën, që do të shërbejnë për orientimin e nëpunësve të administratës publike, në kryerjen e detyrave funksionale me përgjegjësi dhe në përputhje me normat etike.

Konkretisht, DAP ka miratuar manualin praktik të rregullave të etikës për nëpunësit e administratës publike; udhëzimin për “Rolin e njësive të burimeve njerëzore në zbatimin e legjislacionit për etikën dhe përcaktimin e procedurave të mbikëqyrjes nga DAP”, si dhe udhëzimin e ri për “Organet disiplinore dhe procedurën e shqyrtimit të shkeljeve disiplinore”.

Këto dokumente janë hartuar me mbështetjen e ekspertëve të kontraktuar nga Instituti për Demokraci dhe Ndërmjetësim (IDM), në kuadër të projektit “Forcimi i integritetit për përmirësimin e shërbimeve publike”, financuar nga Ambasada e Suedisë në Tiranë.

Në vijim DAP do të ndërmarrë trajnimin e stafit të burimeve njerëzore në institucionet publike, me qëllim rritjen e kapaciteteve dhe njohurive për zbatimin e këtyre rregullave në praktikë.

Në seancën e sotme plenare maratonë prej rreth 12 orësh, mazhoranca dhe opozita miratuan në parim, ndryshimet në Kodin Zgjedhor.

Me 105 vota pro dhe 8 kundër, PD dhe PS i qëndruan dakordësisë së shprehur në Komisionin e Ligjeve të mërkurën. Ndryshimet u kontestuan nga një pjesë e deputetëve të opozitës gjatë diskutimeve në seancë më herët. Kundër votuan Alibeaj, Basha, Sula, Jakupllari, Bakiu, Shehi, Duka dhe Mediu.

TIRANË- Ditën e sotme janë miratuar datat e provimeve të Maturës Shtetërore në sesionin e vjeshtës. Sipas udhëzimit të Ministrisë së Arsimit provimet e maturës do të nisin më datën 16 Gusht. Në këtë datë do të zhvillohet provimi i parë ai gjuhës së huaj.

Ndërkohë data për provimin e radhës do të jetë më 22 Gusht ku do të zhvillohet testimi për gjuhën shqipe dhe letërsinë. Provimi i matematikës do zhvillohet më 28 Gusht ndërsa sesioni i vjeshtës do të mbyllet më 4 shtator ku do të zhvillohet provimi i lëndës më zgjedhje. Edhe provimet e maturës të shkollave profesionale do ketë të njëjtat data më gjimnazet e përgjithshme, vetëm se më 4 Shtator ata zhvillojnë provimin e teorisë profesionale të integruar.

Qeveria në mbledhjen e sotme ka marrë disa vendime të rëndësishme lidhur me emërimet në krye të institucioneve. Mimoza Kaçi është propozuar nga qeveria për t’u emëruar në krye të Autoritetit të Mbikëqyrjes Financiare në vendin e Ervin Metes që mori postin e ministrit të Financave dhe Ekonomisë.about:blank

Lilika Radovica do të jetë kryetare e Autoritetit të Aviacionit Civil në vendin e Dritan Gjonbalajt, ndërsa Ervin Hoxha është shkarkuar nga posti i drejtori të Shërbimit të Provës dhe pritet që të emërohet në krye të Inspektoratit të Mbrojtjes së Territorit.