Një banese dy katëshe u përfshi nga flakët mesditën e sotme në Njesinë Administrative Kthellë të Mirditës.
Mësohet se shkak i zjarrit në banesë është bërë bombula e gazit.

Në vendngjarje kanë mbërritur dy mjete zjarrfikëse duke ndërhyrë në kohë për shuarjen e flakëve dhe përhapjen e mëtejshme në katin e dytë të banesës.
Fatmirësisht nuk raportohet për persona të lënduar, por vetëm dëme materiale

Një ditë pas shpërthimit të automjetit të Ledovik Syziut në Mirditë, policia ende nuk ka identifikuar autorët e kësaj ngjarje, pavarësisht se grupi hetimor nën drejtimin e Prokurorisë po punon intensivisht për zbardhjen e saj dhe kapjen e personave që vendosën lëndën plasëse.

Terreni i vështirë dhe mungesa e kamerave të sigurisë e vështirson punën e shërbimeve të policisë për të bërë të mundur identifikimin e autorëve dhe ende nuk dihet nëse kemi të bëjmë me një person apo disa.

Raiffeisen Bank
Dy janë pistat kryesore që po hetohet, ajo e ndonjë konfliktit të mundshëm që 47-vjeçari mund të ketë pasur me banorët e zonës pasi në fshatin Malaj njihej si person problematik dhe e shkuara e errët e vëllait të tij Dritan Syziu.

Ky i fundit njihet si kreu i bands së Mirditës dhe është dënuar me burgim të përjetshëm për vrasjen e një efektivi, por prej 24 vitesh vijon arratin.

Dritan Syziu është një nga emrat më të kërkuar nga Policia e Shtetit, por që prej viti 2000 nuk ka asnjë gjurmë prej tij.

Në 28 qershor të vitit 2000, Dritan Syziu së bashku Nikoll Syziun, Bardhok Syziun, Tonin Gjokën e Arjan Reçin vendosën që të grabisnin disa pjesë këmbimi për makina të një parkingu pranë ish-SMT-së së qytetit.

Pasi u pikasën nga roja e objektit njoftoi policinë të cilët mbërritën menjëherë në vendin e ngjarjes. Shërbimet e policisë iu kërkuan autorëve të dorëzohen, por këta të fundit iu përgjigjën me breshëri plumbash. Nga të shtënat me armë mbeti i vrarë efektivi Gjon Pacukut dhe u plagosën Nikollë Marku, Bardhosh Jaku e Ndue Cupi.

Për këtë ngjarje u dënuan me burgim të përjetshmë Dritan dhe Nikoll Syziu, ndërsa Bardhok Syziu u dënua me 15 vite burg, Tonin Gjoka dhe Arjan Reçi u dënuan me nga 14 vjet burgim.

Edmond Marku, Mark Marku dhe Loni Marku janë 3 vëllezërit të cilët u arrestuan në Mirditë. Mësohet se Gjykata e Shkallës së Parë e Juridiksionit të Përgjithshëm Lezhë i kishte caktuar masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim”, pasi dyshohet se më datë 12.05.2023, në Fan, Mirditë, kanë goditur me sende të forta një person për motive të dobëta.

Njoftimi i policisë:

DVP Lezhë/Në zbatim të masave të megaoperacionit “Sundimi i ligjit”, u finalizua operacioni policor i koduar “Brothers”.

Akuzohen se plagosën rëndë një shtetas, rreth 1 vit më parë, në Mirditë, duke e goditur atë me sende të forta, për motive të dobëta, kapen dhe vihen në pranga 3 shtetas (vëllezër).

Si rezultat i kontrolleve të ushtruara në zbatim të masave të hartuara në kuadër të megaoperacionit “Sundimi i ligjit”, për kapjen e shtetasve në kërkim, bazuar dhe në informacionet e siguruara nga inteligjenca policore, Sektori për Hetimin e Krimeve të Rënda i  DVP Lezhë, në bashkëpunim me Komisariatin e Policisë Mirditë dhe me FSK-në, finalizoi operacionin e koduar “Brothers”. Si rezultat i këtij operacioni u ndaluan shtetasit në kërkim:

E.M., 36 vjeç, M. M., 33 vjeç dhe L. M., 29 vjeç (vëllezër), banues në Thirrë, Mirditë.

Gjykata e Shkallës së Parë e Juridiksionit të Përgjithshëm Lezhë i ka caktuar këtyre shtetasve masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim”, pasi dyshohet se më datë 12.05.2023, në Fan, Mirditë, kanë goditur me sende të forta shtetasin B. N., për motive të dobëta.

Një banesë është shkrumbuar totalisht në Mirditë.

Në banësë gjysmë të rrënuar jetonte i ve 75 vjeçari Pjetër Zef Preqi.

Sipas burimeve shkak i zjarrit është bërë soba e zjarrit e emortizuar që kishtë lenë ndezur 75 vjecari në banesen që ndodhët në Fshatin Konaj Njesia Administrative Fan.

Fatmirësisht i moshuari nuk ndodhjej në banesë në momentin që ra zjarri, duke parandaluar kështu një ngjarje tragjike.

Pavarësisht terrenit të vështirë nga reshjet e borës, në ndihmë të Pjetër Preqit shkuan forcat zjarrëfikëse të Mirditës të ciët bënë të mundur shuarjen e flakëve dhe më pas njoftuam familjarë ku bënë të mundur strehimin e tij tek i vëllai i cili ndodhët në Mamurras.

E gjithë banesa u shkatërrua plotësisht, ndërsa 75 vjeçari mbetët në qiell të hapur në këto temperatura të acarta dimri.

Policia e Mirditës ka sekuestruar 10 kilogramë kanabis në një fshat të Mirditës.

Droga u gjet e groposur në një sipërfaqe pyjore në fshatin Simon, dhe nga hetimet, rezultoi se iu përkiste dy personave, kushërinj me njëri-tjetrin, të cilët u arrestuan me datë 1 Nëntor në kuadër të operacionit “Tempulli”.

Ditën e arrestimit policia sekuestroi edhe 4.3 kilogramë drogë që iu gjeti dy kushërinjve.

Gjithashtu është arrestuar edhe një 41 vjeçar pasi në territorin përreth banesës së tij në fshatin Simon u gjetën të fshehura 1 kallashnikov dhe 2 karikatorë me fishekë luftarak, që posedoheshin nga ky person