Një tërmet me magnitudë 4.1 ballë i shkallës Rihter është regjistruar sot në lindje të ishullit grek të Santorinit, njoftoi Instituti Gjeodinamik i Observatorit Kombëtar.

Epiqendra e këtij tërmeti është regjistruar 26 kilometra në lindje-verilindje të Oias, ndërsa tërmeti i mëparshëm është regjistruar rreth orës 03:30 me orën lokale në veri-veriperëndim të Anafit, raporton “Kathimerini”.

Kryeministri grek Kyriakos Mitsotakis u kërkoi qytetarëve të qëndrojnë të qetë dhe shprehu solidaritetin me të prekurit.

“Ekspertët që po monitorojnë vazhdimisht këtë fenomen dhe dua të theksoj se kemi shkencëtarë të shkëlqyer, na japin arsye të jemi pak më optimistë me kalimin e ditëve. Askush nuk mund të parashikojë me siguri absolute, por ka një optimizëm të moderuar se ne nuk do të çojmë në skenarin më të keq”, tha ai.

Ai vuri në dukje se është përgjegjësi e qeverisë greke që të marrë shpejt dhe sistematikisht të gjitha masat e nevojshme parandaluese për të krijuar një rrjet sigurie për banorët e Santorinit dhe për t’iu përgjigjur çdo situate.

Mitsotakis njoftoi se aplikacioni MySafetyPlan do të jetë i disponueshëm nga e mërkura, i cili do të listojë vendet ku qytetarët mund të evakuohen në rast tërmeti.

Kryeministri i Greqisë, Kyriakos Mitsotakis dhe Presidenti i zgjedhur i SHBA-ve, Donald Trump, kanë zhvilluar një bisedë telefonike së bashku për rreth 10 minuta.
Gazeta greke “Protothema”, shkruan se Mitsotakis i ka bërë ftesë Trump për të zhvilluar një vizitë në Greqi.

Nuk dihet përgjigja e republikanit amerikan lidhur me këtë ftesë, por media greke shkruan se biseda telefonike mes dy zyrtarëve u konsistua në rëndësinë e partneritet strategjik mes tyre.

Po kështu, raportohet se pritet një bashkëpunim më i ngushtë me administratën e re amerikane, për çështje dypalëshe, rajonale dhe ato me interes ndërkombëtar.

Shkrimi i plotë i “Protothema”:

Kryeministri Kyriakos Mitsotakis ka zhvilluar një bisedë telefonike me Donald Trump, të cilin e uroi për fitoren në zgjedhje.

Telefonata ka zgjatur rreth 10 minuta, në një klimë shumë të ngrohtë, sipas bashkëpunëtorëve të kryeministrit. Në fund të fundit, të dy zyrtaret e larte e njohin njëri-tjetrin, pasi Donald Trump ishte presidenti i parë amerikan që ftoi Kyriakos Mitsotakis në Shtëpinë e Bardhë, në fillim të vitit 2020.

Gjatë bisedës telefonike, kryeministri nënvizoi rëndësinë e partneritetit strategjik Greqi-SHBA për stabilitetin dhe sigurinë në rajonin e gjerë, ndërsa theksoi se pret një bashkëpunim të ngushtë me administratën e re amerikane, për çështje dypalëshe, rajonale dhe interes ndërkombëtar.

Kyriakos Mitsotakis i bëri një ftesë Donald Trump për të vizituar Greqinë.

NEW YORK- Kryeministri i Kosovës, Albin Kurti, ka zhvilluar një takim me kryeministrin grek, Kyriakos Mitsotakis, në kuadër të Javës së Nivelit të Lartë të Asamblesë së Përgjithshme të Kombeve të Bashkuara në New York.

Përmes një postimi në “X” Kurti ka bërë të ditur se bisedimet u përqendruan në forcimin e marrëdhënieve diplomatike dhe ekonomike mes Kosovës dhe Greqisë. Gjithashtu, të dy kryeministrat diskutuan mbi zhvillimet rajonale dhe rëndësinë e integrimit evropian dhe euro-atlantik të vendeve të rajonit.

“Përmirësimi i marrëdhënieve është intensifikuar sidomos pas liberalizimit të vizave për qytetarët e Kosovës në janar të këtij viti”, u shpreh Kurti.

“Ne duam marrëdhëniet më të mira të mundshme me të gjithë fqinjët tanë dhe mes këtyre fqinjëve është edhe Shqipëria”, kështu tha kryeministri grek Kyriakos Mitsotakis në një konferencë për shtyp në kuadër të Panairit Ndërkombëtar në Selanik.

Mitsotakis theksoi se mes dy vendeve ka patur një periudhë të vështirë diplomatike, dhe tha se çështja e pronave të minoritarëve grekë në Shqipëri, sipas tij, do të jetë parakusht për rrugëtimin e Shqipërisë drejt BE-së.

Në pjesën që lidhet me diplomacinë, duke iu përgjigjur pyetjes së një gazetari për Shqipërinë, veçanërisht pas rastit të Fredi Bellerit, Mitsotakis vuri në dukje se kanë kaluar një periudhë të vështirë në planin dypalësh, theksoi se duan marrëdhënie të mira, por ato “kalojnë duke respektuar të drejtat e minoritetit grek në Shqipëri”.

Ai shtoi se çështja e të drejtave pronësore është ende aktuale dhe “është një parakusht i domosdoshëm që vendi të ecë përpara në rrugën evropiane”.

Ish-kryeministri i Greqisë, Antonis Samaras ka mbajtur një fjalim të fortë kundër qeverisë dhe kryeministrit aktual Qirjako Mitsotakis.

Gjatë një eventi për prezantimin e librit të Manolis Kottakis, “Dosjet sekrete të Karamanlisit”, Samaras nuk ka kursyer sulmet e ashpra ndaj Mitsotakis, për dështimet në politikën e jashtme ndaj Shqipërisë, Maqedonisë së Veriut dhe Turqisë.

“Po i hamë turpet njëri pas tjetrit, nga shqiptarët, te shkupjanët dhe turqit”, tha ai duke iu referuar politikave të jashtme Mitsotakisit që shpesh janë konsideruar sit ë dështuara apo të gabuara kundrejt vendeve të sipërpërmendura.

Qeveria greke nuk ka pranuar të komentojë rreth deklaratave të Samaras, duke thënë se nuk i komenton deklaratat e ish-kryeministrave.

Samaras i ka kërkuar Mitsotakisit të ndryshojë menjëherë politikën e jashtme duke i vënë veton Shqipërisë, duke u shkëputur nga Marrëveshja e Prespës me Maqedoninë e Veriut dhe duke “rishikuar” miqësinë me Turqinë.

“I bëj thirrje kryeministrit të vendosë menjëherë ndryshimin e politikës së jashtme. Të kthehen në depozitat historike të Fraksionit. Të vërë veton ndaj Shqipërisë. Të përgatitet, nëpërmjet krijimit të një grupi të fortë ligjor dhe politik ekspertësh, shkëputjen nga Marrëveshja e rrezikshme kombëtare e Prespës. Të ushtrojë, si Bullgaria, veton në çdo hap të Shkupit, papërgjegjshmërinë e të cilit duhet ta denoncojmë kudo, të rishikojmë plotësisht “Miqësinë” me Turqinë se nuk jemi të shantazhuar, të kërcënuar dhe të frikësuar Ka kufij!

Jemi një vend krenar me besim në liri, me vetëmohim dhe krenari Kombëtare! Grekët nuk janë një turmë e kompromentuar, ne jemi Patriotë”, deklaroi ai.

Kryeministri grek Kyriakos Mitsotakis ka folur për situatën në Ballkanin Perëndimor dhe procesin drejt integrimit europian.

Në një intervistë të dhënë në podkastin britanik “The Rest is Politics”, ai tha se është shumë e rëndësishme që të shqyrtohet procesi i zgjerimit, duke iu përgjigjur edhe akuzave se Greqia është bërë pengesë për vendet si RMV dhe Shqipëria.

Ai tha se kjo është e pavërtetë se e mbështesin plotësisht integrimin e Ballkanit Perëndimor në Bashkimin Evropian.

Mitsotakis nuk la pa komentuar edhe “tensionet” me Maqedoninë e Veriut, sidomos pas deklaratës së presidentes së re se cila gjatë betimit i përdori emrin “Maqedoni”.

Kryeministri grek ritheksoi: “Kam pasur disa çështje reale me Marrëveshjen e Prespës, të cilën e ka lidhur qeveria e kaluar.

Por e kam respektuar. Ne u përpoqëm të bashkëpunonim me Maqedoninë e Veriut për ta ndihmuar atë në udhëtimin e saj evropian. Por, për t’u afruar me Evropën, duhet të respektohet legjislacioni evropian dhe të bëhet përparim në çështjet që lidhen me sundimin e ligjit. Çfarë do të thotë në praktikë të bëhesh anëtar?

Cilat janë ndoshta fazat e ndërmjetme që ne mund të vendosim për këto vende në mënyrë që ata të kuptojnë se ndërsa përparojnë, do të ketë përfitime. Sepse tani duhet të jemi të sinqertë, qytetarët e Ballkanit Perëndimor nuk besojnë se do të bëhen pjesë e familjes evropiane. Është një problem i madh”, tha Mitsotakis.

Kryeministri grek Kyriakos Mitsotakis i ka dërguar një tjetër mesazh Mqedonisë së Veriut, lidhur me çështjen e emrit.

Mitsotakis deklaroi se ‘nëse udhëheqja e re e Shkupit këmbëngul në retorikën provokuese, atëherë rruga e tyre evropiane do të mbetet e mbyllur’.

“Jam i pakënaqur që fqinjët tanë veriorë kanë zgjedhur në këtë moment të kthehen në kohë dhe të vënë në dyshim emrin e vendit të tyre. Kur u votua marrëveshja e Prespës, ND-ja ishte kundër, por kishte thënë se nuk mund të prishim një marrëveshje ndërkombëtare me ligj dhe nen.

Unë dua të dërgoj një mesazh disa kilometra larg kufijve tanë, në Shkup: nëse ata këmbëngulin në sfidimin e thelbit të marrëveshjes për emrin e vendit, dijeni se rruga e tyre evropiane do të mbetet e mbyllur.”, tha kryeministri grek gjatë një tubimi.

Po ashtu ai vuri në dukje gjithashtu se reagimi i Komisionit ndaj deklaratave të papranueshme të Presidentit është bërë me nxitjen e Greqisë.

Në një intervistë për gazetën ProtoThema, midis të tjerash kryeministri grek Mitsotakis është pyetur nëse është i mirëpritur për vizitë në Athinë homologu i tij shqiptar Edi Rama.

“Ai nuk vjen si mysafir i qeverisë greke, pra nuk është një vizitë, me karakteristika dypalëshe” – ka thënë Mitsotakis.

“Ai vjen, për të folur me bashkatdhetarët e tij. Ai ka të drejtë ta bëjë këtë. Por përtej kësaj, mendoj se edhe ky është një opsion që në kohën e tanishme, në kushtet e zgjedhjeve evropiane, më duket mjaft i panevojshëm. Qeveria greke nuk mundet, ne jemi demokraci, ne nuk e ndalojmë të drejtën e tubimit që është e garantuar me kushtetutë, ndaj nuk i kushtoj kaq shumë rëndësi kësaj”, është shprehur ai.

Gazetari : Por në kuptimin që ai ka kërkuar një sallë të hapur për një tubim të madh? Nuk e di tani me Fredi Belerin në burg dhe një grup të madh njerëzish që festojnë për zotin Rama nëse është…

Kyriakos Mitsotakis: Prandaj thashë se ishte një zgjedhje e panevojshme. Kemi probleme në marrëdhëniet greko-shqiptare…

Gazetari: Nuk do ta ndaloni këtë tubim?

Kyriakos Mitsotakis: Jo, nuk do ta ndalojmë.

Gazetari: Edhe nëse bëhet në një vend të hapur?

Kyriakos Mitsotakis: Por sigurisht që nuk është edhe diçka që ne të kemi ndonjë arsye të veçantë për ta lehtësuar. Ne as nuk do ta ndalojmë dhe as do ta lehtësojmë. Por më lejoni t’ju them edhe një gjë: në të vërtetë ky rast ka krijuar një tension të madh në marrëdhëniet greko-shqiptare. Çështja nuk është dypalëshe, është evropiane, pavarësisht atyre që pretendojnë se është një çështje që ka të bëjë vetëm me pakicën kombëtare greke. Bëhet fjalë për shtetin e së drejtës dhe mënyrën sesi Shqipëria i trajton minoritetet, ka të bëjë me mënyrën se si funksionon gjyqësori shqiptar. Qeveria greke do të vazhdojë të ngrejë këto çështje.

Dhe dua t’ju kujtoj se në fletën tonë të votimit nuk kemi një, por dy përfaqësues nga minoriteti grek dhe veçanërisht me Himarën si pikë referimi. Dhe të them edhe diçka tjetër : kemi edhe një përfaqësues të pakicës myslimane në fletëvotimet tona.