Policia e Los Angelesit ka lidhur zyrtarisht një vjedhje në shtëpinë e Brad Pitt në qershor me një sërë vjedhjesh të tjera në pronat që u përkasin personazheve të famshëm.

Shefi i policisë së Los Anxhelosit, Jim McDonnell, njoftoi arrestimin e katër të dyshuarve, duke thënë se ata ishin një grup që po kryente vjedhje në shtëpitë e “banorëve të ndryshëm të profilit të lartë” në të gjithë qytetin, duke shtuar se “disa nga vjedhjet përfshinin shtëpitë e aktorëve dhe atletëve profesionistë”.

McDonnell nuk e përmendi emrin e Pitt, por tha se çështja filloi nga një hetim për vjedhje më 25 qershor të një banori në bllokun 2300 të North Edgemont Drive, që korrespondon me datën dhe vendndodhjen e grabitjes në shtëpinë e aktorit.

Pas një operacioni mbikëqyrjeje, u arrestuan katër të dyshuar të moshës 16-18 vjeç dhe u gjetën “shumë sende të marra”. McDonnell shtoi se të dyshuarit ishin “të dokumentuar ose të lidhur me një bandë kriminale”.

Shtëpia e Pitt, në lagjen Los Feliz të Los Angeles, thuhet se u plaçkit ndërsa aktori ishte në një turne promovues për filmin e tij më të fundit, F1 . Figura të tjera të njohura që kanë raportuar vjedhje në muajt e fundit përfshijnë aktorët Nicole Kidman dhe Austin Butler, si dhe futbollistin Olivier Giroud, i cili luajti për Los Angeles FC sezonin e kaluar.

McDonnell tha se hajdutët po përdornin metoda gjithnjë e më të sofistikuara, duke përfshirë bllokues të wifi-t për të prishur kamerat e mbikëqyrjes dhe duke monitoruar lëvizjet e të famshëmve në mediat sociale. Ai tha gjithashtu se bandat ishin plotësisht të vetëdijshme se të miturit (nën 18 vjeç) trajtoheshin ndryshe nga sistemi i drejtësisë në SHBA.

TALI- Prifti katolik Ciro Panigara u vendos në arrest shtëpiak të mërkurën me akuzën e abuzimit seksual të të miturve. Sipas mediave italiane, prifti në fjalë dyshohet se ka abuzuar seksualisht me fëmijë të mitur që kanë marrë pjesë në aktivitetet e tij të famullisë në zonën e gjerë të qytetit të Brescias nga viti 2013 deri në 2014 dhe vitin e kaluar.

Hetimet nisën vitin e kaluar, pas një denoncimi të një adoleshenteje që i tregonte një mësueseje të re. Peshkopi vendas kishte vendosur të largonte priftin nga famullia e tij janarin e kaluar, pak pasi nisën hetimet.

“Për të gjithë ne, mbrojtja e bashkëqytetarëve tanë është gjithmonë e para”, tha peshkopi katolik i rajonit, Pierantonio Tremolada.

Siç shkruan gazeta Corriere della Sera, besimtarët e zonës së San Paolos, ku shërbeu At Ciro Panigara, kanë mbetur të shtangur dhe të tronditur nga e gjithë kjo histori. Akuzat kanë hedhur në dëshpërim besimtarët të cilët, siç ka treguar në intervistë, e kanë pritur krahëhapur, me ngrohtësi dhe entuziazëm.

Një ngjarje e rëndë është regjistruar në Tiranë, ku një 21-vjeçar është arrestuar nga policia, ndërsa vëllai i tij, një 15-vjeçar, është proceduar në gjendje të lirë. Të dy ata dyshohet se kanë përndjekur dhe goditur me sende të forta dy shtetas 12-vjeçarë.

Sipas njoftimit të Policisë, specialistët e Seksionit për Hetimin e Krimeve në Komisariatin e Policisë Nr. 1, kanë ndërmarrë veprime të shpejta pas raportimeve për incidentin. Në përfundim të hetimeve, policia ka arrestuar shtetasin K. K., 21 vjeç, i cili akuzohet për veprat penale të përndjekjes dhe goditjes së të miturve. Ndërsa vëllai i tij, për shkak të moshës së tij të mitur, është proceduar në gjendje të lirë.

Një aksident është regjistruar ditën e sotme në Lushnjë, ku një 17-vjeçar ka përplasur një të mitur. Adoleshenti ka qenë duke drejtuar një motor dhe ka humbur kontrollin e tij , duke përplasur 6-vjeçaren.

E vogla ka marrë dëmtime të lehta, ndërsa 17-vjeçari është shoqëruar në polici.
“Rreth orës 10:00, në fshatin Bubullimë, një shtetas i mitur., 17 vjeç, dyshohet se për shkak të humbjes së kontrollit mbi drejtimin e motomjetit, ka përplasur me motomjet një 6-vjeçare. Si pasojë e mitura ka marrë dëmtime të lehta.

Ndërkaq, drejtuesi i motomjetit po shoqërohet në Komisariat, për kryerjen e veprimeve të mëtejshme procedural”, njofton policia.
Grupi hetimor po punon për sqarimin e plotë të rrethanave të aksidentit.

Plagoset me pistoletë një 15-vjeçar

Policia në Lezhë informon se ‘në vendin e quajtur Fushë Malbardhë, njesia Administrative Milot, dyshohet se aksidentalisht është vetëplagosur me armë zjarri pistoletë shtetasi i mitur B.H 15 vjeç

Nga veprimet e para hetimore dyshohet se 15 vjeçari kishte gjetur një armë zjarri Pistoletë tip TT dhe e kishte marrë në banesë. Dyshohet se duke e pastuar, aksidentalisht është vetëplagosur në këmbë jashtë rrezikut për jetën.

Në cilësinë e provës materiale u sekuestrua arma e zjarrit tip Pistoletë TT.

Grupi hetimor nën drejtimin e Prokurorisë po kryen veprimet hetimore për dokumentimin ligjor të rastit.

Materialet do ti referohen Prokurorisë për veprime të mëtejshme’.

Sipas informacioneve të para, gjithçka ka ndodhur para syve të familjes së vajzës

Një tragjedi ka ndodhur pasditen e kësaj të premteje në Halkidiki me një vajzë 13-vjeçare që humbi jetën pasi u godit nga rrufeja .

Ngjarja tragjike ka ndodhur rreth orës 16:30 me orën greke kur vajza ndodhej në plazhin e Poseidit, në rërë. Sipas informacioneve, familja nga Moudania, ishin duke u larë në Poseidi në Faro dhe kur kanë parë bubullimat kanë dalë jashtë, kanë tentuar të shkojnë te makina por nuk ia kanë dalë, pasi janë goditur nga rrufeja ndërkohë që vogëlushja ka mbetur e vrarë. Menjëherë kanl shkuar në vend ekipet e shpëtimit të EKAV-it të cilët bënë përpjekje të mëdha, vazhduan me intubimin por nuk arritën ta rikthejnë vajzën në jetë. Nëna ishte ishte në gjendje shoku.

Në zonën e Halkidikisë sot ka mot të keq me reshje të dendura shiu .  Policia e Kasandrës po kryen hetimet paraprake për ngjarjen.

E tronditur nga ngjarja është kryebashkiaku i Kasandrës, Anastasia Chalkia, e cila që në momentin e parë që u informua për ngjarjen ndodhej në qendrën shëndetësore të zonës. Ajo tha:

“Është një tragjedi që ka ndodhur nga hiçi në një moment gëzimi për familjen. Kjo gjë është vërtet e çmendur. Binte shumë shi dhe nga sa tha nëna e saj ajo po bëhej gati të largohej nga plazhi në atë moment. Ajo ishte një engjëll, një kukull, një studente dhe sportiste e shkëlqyer. Prindërit nuk mund ta kuptojnë se çfarë ndodhi. Fëmija sapo ishte duke ecur në plazh, ajo që ndodhi është tragjike”, tha ajo

Njoftimi i policisë:

Dyshohet se braktisi dy fëmijët e saj, procedohet penalisht një 37-vjeçare, banuese në fshatin Plasë.

Mësohet se për veprime të mëtejshme, materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Korçë.

Korçë/ Specialistët për Hetimin e Krimeve të Komisariatit të Policisë Devoll referuan materialet në Prokurori, ku filloi procedimi penal për shtetasen B. F., 37 vjeçe, banuese në fshatin Plasë, pasi dyshohet se ka braktisur 2 fëmijët e saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Një aksident me pasojë plagosjen e 17 personave është raportuar ditën e sotme në Londër.

Sipas mediave te huaja një makinë Land Rover është përplasur me një shkollë fillore për vajza në Wimbledon, ku për pasojë një e mitur ka humbur jetën, 17 janë plagosur, 9 prej të cilave në gjendje të rëndë. Policia ka vënë në pranga drejtuesen e mjetit, një grua rreth të 40-ave. 

Zjarrfikësit dhe ndihmësmjekët, përfshirë Ambulancën Ajrore të Londrës kanë mbërritur në vendin e ngjarje rreth orës 9:54 të mëngjesit të sotëm.  Deputeti i Wimbledon, Stephen Hammond tha se disa nga vajzat e plagosura ndodhen në gjendje kritike për jetën.