Këtë të Premte, Policia e Tiranës raporton 3 raste për “zhdukjen” e disa personave. Mes tyre, është një i mitur dhe një vajzë 20 vjeçare, të cilët nuk dihet ku janë prej 4 ditësh.

“Kanë kallëzuar shtetaset: -A. G., 45 vjeçe, se më datë 07.04.2025, është larguar nga banesa e tyre në Lushnjë, djali i saj, 16 vjeç. Po bashkëpunohet me Komisariatin e Policisë Lushnjë, për të gjetur shtetasin e mitur; -M. A., 40 vjeçe, se më datë 07.04.2025, është larguar nga banesa, vajza e saj, shtetasja M. A., 20 vjeçe. Punohet për gjetjen e saj.-N. Z., 55 vjeçe, se gjatë natës është larguar nga banesa, motra e saj, shtetasja N. H., 46 vjeçe. Punohet për gjetjen e saj”, thotë Policia.

Ndërsa pas një sërë kërkimesh janë gjetur në Durrës dy të mitur, të cilët ishin larguar nga banesa pa komunikuar me familjarët.

“Mesditen e djeshme, ka njoftuar shtetasja B. K., 44 vjeçe, se ishin larguar pa komunikuar me familjarët, djali i saj 13 vjeç, së bashku me shokun e tij, bashkëmoshatar. Si rezultat i kërkimeve të pandërprera të shërbimeve të Komisariatit të Policisë Nr. 4, të miturit janë gjetur në Durrës dhe iu janë dorëzuar familjarëve, në gjendje të mirë shëndetësore. Ata kanë deklaruar se janë larguar, me dëshirën e tyre”, raportojnë blutë.

Një i mitur, 15-vjeç u arrestua nga policia në Roskovec, pasi plagosi me thikë 39-vjeçarin Gazmir Gjoni.

Nga ndërhyrja e menjëhershme e shërbimeve të Policisë, është bërë e mundur kapja dhe shoqërimi në Komisariat, i shtetasit 15-vjeçar, me të cilin po kryhen veprimet e mëtejshme procedurale.

Ndërkaq, i dëmtuari është transportuar në spitalin e Fierit, ku po merr ndihmë mjekësore.

Grupi hetimor po punon për sqarimin e plotë të rrethanave të rastit.

PRISHTINË- Një ngjarje e rëndë ka ndodhur në Prishtinë. Bëhet me dije se një i mitur ka plagosur me thikë vëllain e tij. Gjithashtu ai ka marë plagë në krah dhe ndodhet në spital. Ndërkohë i dyshuari pas marrjes në pyetje me vendim të prokurorit është dërguar në paraburgim.

Ngjarja ka ndodhur të premten, në orën 01:00. “Prishtinë 05.07.2024 – 01:00. Është arrestuar i dyshuari mashkull kosovar-i mitur, për shkak se me thikë e kishte therur në krahë vëllanë e tij të mitur, i cili ka shkuar për trajtim mjekësor në QKUK”, -thuhet në raport.

Një djalë 17-vjeçar shqiptar është vrarë në Pescara dhe është gjetur i pajetë në parkun Baden Powell.

Autorë të kësaj ngjarjeje janë dy djem të mitur, të arrestuar tashmë, njëri prej tyre djali një polici në zonë ndërsa tjetri djali i një avokati të njohur në qytet.

Siç raportojnë mediat italiane, menjëherë pas ngjarjes, ata kanë shkuar për të notuar në det dhe dyshohet se atje kanë hedhur dhe armën e ftohtë të krimit.

Polumbarët e zjarrfikësve po punojnë për gjetjen e thikës me të cilën dy të miturit kryen krimin.

Ngjarja

Goditja me thikë duket se ka ardhur nga një debat, por arsyet nuk janë ende të qarta. 17-vjeçari shqiptar duket se u kishte një borxh prej disa qindra eurosh, por ende nuk është e qartë nëse lidhej me tregtimin e drogës, apo blerjen e përsëritur të lëndës narkotike pa u dhënë paratë.

Ngjarjet mësohet se kanë ndodhur pasditen e djeshme dhe kufoma është gjetur në orët e vona të mbrëmjes.

Policia po heton dhe rasti ndiqet nga kryeprokurori Giuseppe Bellelli.

Policia e Tiranës ka arrestuar një 15-vjeçar, pasi akuzohet se ka goditur me thikë një 18-vjeçar.

Ngjarja mësohet se ka ndodhur në rrugën ‘Bashkimi Gazidede’.

I plagosuri është 18-vjeçari me inicialet A.L., dhe fatmirësisht është jashtë rrezikut për jetën.

Ende nuk dihen shkaqet e konfliktit.

“U arrestua në flagrancë një shtetas 15 vjeç, pasi në rrugën “Bashkim Gazidede”, ka goditur me mjet prerës shtetasin A. L., 18-vjeç, i cili është jashtë rrezikut për jetën”, njofton policia.

Mosmarrëveshjet mes të rinjve shpeshherë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete. Gjatë konfrontimeve fizike, përpos grushteve shpesh përdoren edhe mjete të mprehta, raporton Gazeta Sinjali.

Në një përleshje janë përfshirë mbrëmë dy të mitur në Lipjan, ku si pasojë një 17-vjeçar ka mbetur i therur me thikë.

Shërbimet spitalore kanë bërë me dije se i riu është dërguar atje me disa plagë, që dyshohet t’i jenë shkaktuar nga goditja me thikë.

Pas intervenimit të stafit mjekësor, gjendja shëndetësore e të plagosurit është stabilizuar dhe ai ndodhet jashtë rrezikut për jetë.

Ndërkohë lidhur me rastin është njoftuar edhe Policia, të cilët kanë dalë në vendin e ngjarjes, ku kanë kryer ekzaminimet e nevojshme dhe është arrestuar personi i dyshuar.

Pas përfundimit të procedurave policore, Prokurori i Shtetit ka nxjerrë aktvendim që i dyshuari të dërgohet në mbajtje për 24 orë.

Një 17-vjeçar ështëI arrestuar në Korçë pasi kishte siguruar dhe mbante në banesë, lëndë narkotike kanabis sativa, me qëllim ndarjen dhe shitjen në doza. I mituri sapo pa shërbimet e Policisë, hodhi nga xhami i automjetit, dozat e kannabisit, dhe tentoi të largohej me shpejtësi. Po ashtu mësohet se 17-vjeçarit iu gjetën me vete dhe në banesë, rreth 1.3 kg lëndë narkotike kanabis sativa, një pjesë në doza.

Njoftimi i policisë:

DVP Korçë/Vijon zbatimi i masave të përcaktuara në planin operacional kombëtar antidrogë të koduar “Tempulli 2”. Kishte siguruar dhe mbante në banesë, lëndë narkotike cannabis sativa, me qëllim ndarjen dhe shitjen në doza, arrestohet në flagrancë 17-vjeçari.

Sapo pa shërbimet e Policisë, i mituri hodhi nga xhami i automjetit, dozat e cannabisit, dhe tentoi të largohej me shpejtësi. 17-vjeçarit iu gjetën me vete dhe në banesë, rreth 1.3 kg lëndë narkotike cannabis sativa, një pjesë në doza.

Në vijim të punës operacionale me fokus goditjen e veprimtarive kriminale në fushën e narkotikëve dhe si rezultat i administrimit të shpejtë të informacioneve nga inteligjenca policore, të siguruara në vijim të megaoperacionit antidrogë të koduar “Tempulli 2”, specialistët për Hetimin e Narkotikëve të DVP Korçë, në bashkëpunim me shërbimet e Forcës së Posaçme “Shqiponja”, arrestuan në flagrancë në lagjen nr. 16, një 17-vjeçar, banues në Korçë.

Automjeti në të cilin lëvizte i mituri është sinjalizuar për të ndaluar, me qëllim kryerjen e kontrolleve. Pavarësisht sinjalit, ka vijuar me shpejtësi lëvizja me automjet dhe 17-vjeçari ka hedhur nga xhami, disa doza cannabisi që kishte me vete, me qëllim shitjen. Shërbimet e Policisë i janë vënë menjëherë në ndjekje dhe kanë mundësuar kapjen dhe ndalimin e tij.

Në vijim të veprimeve procedurale, janë kryer kontrolle në banesën e të arrestuarit, ku janë gjetur rreth 1.3 kg lëndë narkotike cannabis sativa që dyshohet se posedohej me qëllim ndarjen dhe shitjen në doza. Veprimet procedurale me të miturin vijojnë të kryhen në prezencë të prindit, psikologut dhe mbrojtësit ligjor. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Policia ka sqaruar konfliktin në Gjirokastër mes dy 15-vjeçarëve, ku një prej tyre mbeti i plagosur.

Sot me datë 08.03.2024 rreth orës 08:05 në lagjen “18 shtatori”, gjatë një konflikti të çastit një 15-vjeçar ka goditur me mjet prerës bashkëmoshatarin e tij, i cili ndodhet në spital, në kujdesin e mjekëve.

15-vjeçari është shoqëruar në ambientet e Policisë për veprime të mëtejshme.

Grupi hetimor vazhdon veprimet në vendngjarje për zbardhjen e plotë të rrethanave të ngjarjes.

Një 31-vjeçar nga Lezha ka përfunduar në pranga pasi ka postuar në rrjetet sociale një video ku i jep një cigare me lëndë narkotike kanabis një të mituri.

Mësohet se shtetasi Gëzim Avdia është arrestuar pas publikimit të videos në rrjetin social TikTok, ku shfaqej duke i dhënë për të pirë një të mituri, cigare me lëndë të dyshuar narkotike.

Sakaq, në vijim të veprimeve procedurale, specialistët për Hetimin e Narkotikëve të Drejtorisë Vendore të Policisë Lezhë arrestuan në flagrancë 31-vjeçarin, për veprën penale “Nxitja për përdorimin e drogës”.

Njoftimi i policisë:

I dha për të pirë një të mituri, cigare me lëndë narkotike kanabis, e filmoi dhe e postoi videon në rrjetin social Tik Tok, kapet dhe vihet në pranga 31-vjeçari.about:blank

Strukturat hetimore të DVP Lezhë, menjëherë pas publikimit të një videoje, në rrjetin social Tik Tok, në të cilën shfaqej një shtetas duke i dhënë për të pirë një të mituri, cigare me lëndë të dyshuar narkotike, kanë nisur verifikimet për identifikimin e shtetasit që shfaqej në video.

Nga veprimet e shpejta hetimore u bë identifikimi i shtetasit G. A.( K.), 31 vjeç, banues në Patok, Kurbin.about:blank

Në vijim të veprimeve procedurale, specialisët për Hetimin e Narkotikëve të Drejtorisë Vendore të Policisë Lezhë arrestuan në flagrancë 31-vjeçarin, për veprën penale “Nxitja për përdorimin e drogës”.

Drejtoria Vendore e Policisë Lezhë fton qytetarët që të denoncojnë çdo rast të abuzimit me të miturit apo me nxënësit dhe cilindo që tenton të nxisë fëmijët për të përdorur lëndë narkotike apo për t’i përfshirë në vepra të tjera penale, duke iu garantuar anonimat të plotë dhe reagim të menjëhershëm.

Një i mitur, ndodhur në kushte të rënduara psikologjike, i kërkon nënës së tij që mos ta çojë te personi që e dhunon.

Kjo është ngjarja e rëndë që është regjistruar sot, përmes kamerave amatore, në momentin kur djaloshi i bën thirrje të ëmës që mos të shkojnë te personi me të cilin ajo po fliste në telefon.

Sipas dëshmitarëve në vendngjarje, nënë e djalit e mori dikush në telefon dhe menjëherë pas kësaj telefonate, i mituri ka nisur të qajë dhe i frikësuar ka thënë që ai e dhunon.

Pjesë nga biseda:a

E ëma: Po ku të të çoj unë ty ore?

Djali: Po je se ai më dhunon (qan)

E ëma: Dreqi ta hajë. Pusho ëre. Pusho njëher të flas në telefon. Pusho se po na dëgjon i gjithë autobusi.