Policia në Berat ka ndaluar një 60-vjeçar, pasi dyshohet se ka ngacmuar një 15-vjeçar.

Për këtë shtetas, gjykata ka vendosur masën e sigurisë “arrest me burg”.

“Komisariati i Policisë Berat ndaloi shtetasin R. O., 60 vjeç, banues në Berat. Ky shtetas është proceduar në gjendje të lirë në datën 25.11.2024 dhe Gjykata e Shkallës së Parë të Juridiksionit të Përgjithshëm Berat, me vendimin e datës 16.12.2024, ka vendosur masën e sigurisë “Arrest në burg”, për veprën penale “Ngacmim seksual”, sepse dyshohet se më datë 25.11.2024, ka ngacmuar seksualisht një 15-vjeçar”, njofton policia.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 16-vjeçar me inicialet A.K. është vënë në pranga nga policia pas një aksidenti në Dibër.

Policia njoftoi se ngjarja ndodhi rreth orës 18:00 në lagjen Kamen, ku një fëmijë i mitur u godit nga një automjet, shoferi i të cilit u largua nga vendi i aksidentit.

Pas një serie veprimesh intensive hetimore dhe procedurale, shërbimet e Policisë së Shtetit arritën të identifikojnë dhe ndalojnë drejtuesin e automjetit, shtetasin A.K., i cili është 16 vjeç.

Ai është shoqëruar në Komisariat për hetime të mëtejshme.

Grupi hetimor është ende në vendngjarje dhe po vijon punën për zbardhjen e plotë të rrethanave të aksidentit.

Tre të rinj janë vënë nën hetim nga Policia e Elbasanit pasi mbrëmjen e së shtunës kanë kanë goditur me grushte dhe shkelma një të mitur 16-vjeçar. 

Të rinjtë e identifikuar me inicialet K. H., 19 vjeç, E. H., 19 vjeç dhe K. P., 21 vjeç, janë konfliktuar me të miturin në ambientet e jashtme të një lokali në lagjen “Qemal Stafa”, për motive të dobëta.

Po ashtu, është vënë nën hetim edhe një 20-vjeçar, i cili punonte kamariarer në këtë lokal. 20-vjeçari i identifikuar me inicialet H.G. është konfliktuar fizikisht me një 18-vjeçar, jashtë lokalit. 

Për më tepër, edhe pronari i lokalit i identifkuar me inicialet A. Q., 54 vjeç, është proceduar penalisht pasi dyshohet se në ambientet e lokalit të tij, kanë konsumuar alkool shtetasit e mitur.  

“-K. H., 19 vjeç, E. H., 19 vjeç dhe K. P., 21 vjeç, pasi mbrëmjen e djeshme, në ambientet e jashtme të një lokali në lagjen “Qemal Stafa”, për motive të dobëta, kanë goditur me grushte dhe shkelma një 16-vjeçar.  
Gjithashtu, nisi procedimi penal për shtetasin H. G., 20 vjeç (kamarier), pasi është konfliktuar fizikisht me një 18-vjeçar, jashtë lokalit. 

Në vijim të veprimeve hetimore janë referuar materialet në Prokurori ku nisi procedimi në gjendje të lirë edhe për shtetasin A. Q., 54 vjeç, pronari i lokalit, pasi dyshohet se në ambientet e lokalit të tij, kanë konsumuar alkool shtetasit e mitur”,-njofton policia. 

Një aksident automobilistik ka ndodhur në Sarandë, ku një mjet ka përplasur një 4-vjeçar.

Policia bën me dije në lagjen nr. 1, Sarandë, shtetasi A. S., 69 vjeç, banues në Sarandë, dyshohet se duke drejtuar automjetin e tij tip “Jeep” ka goditur një fëmijë të mitur 4 vjeç, banues në Gjermani.

4-vjeçari është shoqëruar në spital për ndihmën e nevojshme mjekësore dhe ndodhet jashtë rrezikut për jetën.

Drejtuesi i automjetit është shoqëruar në Komisariatin e Policisë për veprime të mëtejshme.

Grupi hetimor ndodhet në vendin e ngjarjes dhe vijon veprimet hetimore për zbardhjen e plotë të rrethanave dhe shkakut të aksidentit.