GJIROKASTËR- 60-vjeçari i cili u përplas mbrëmjen e djeshmë nga një makinë në aksin rrugor Gjirokastër-Kakavijë ka ndërruar jetë në spital.

Aksidenti ka ndodhur dje rreth orës 22:30, në vendin e quajtur “Kryqëzimi i Glinës”, ku një 29-vjeçar ka përplasur këmbësorin 60 vjeç. Ky i fundit u dërgua në spitalin rajonal të Gjirokastrës por nuk i ka mbijetuar plagëve të marra.

Bëhet me dije se drejtuesi i automjeti është shoqëruar në komisariat për veprime të mëtejshme hetimore.

Një situatë alarmante është regjistruar pasditen e sotme në Malësi të Madhe, ku disa vatra zjarri kanë shpërthyer në pak minuta në zonat e Rrëzës, Veshtit, Delajt dhe fshatit Jeran, në njësinë administrative Kastrat.

Burime nga vendngjarja bëjnë me dije se gjatë ndërhyrjes për shuarjen e flakëve, një mjet zjarrfikës është përfshirë nga zjarri dhe është djegur.

Pavarësisht vështirësive në terren, zjarrfikësit kanë arritur të lokalizojnë vatrat e zjarrit që u përhapën me shpejtësi për shkak të erës dhe temperaturave të larta.

Forca të shumta dhe disa mjete zjarrfikëse janë angazhuar njëkohësisht në zonat e prekura, me ndërhyrjen më të vështirë në fshatin Jeran, ku flakët rrezikuan jo vetëm sipërfaqe të mëdha me bimësi, por edhe banesa pranë tyre. Theksojmë se zjarri tani është shuar.