Një aksident rrugor ka ndodhur mëngjesin e kësaj të dielës në autostradën Milot-Mamurras, në afërsi të mbikalimit të Patokut.

Një autoveturë është përplasur me një autobus, por fatmirësisht pasagjerët e këtij të fundit nuk kanë marrë lëndime. Të plagosur kanë mbetur dy persona që ndodheshin në autoveturë, të cilët janë dërguar me urgjencë për ndihmë mjekësore në Spitalin e Traumës në Tiranë.

Ndërkohë policia, e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti.

Aksident në Jagodinë të Elbasanit.

Mjeti tip Fiat me drejtues Gerald Sollaku, 21 vjeç, banues në fshatin Gjergjan, ka goditur biçikletën që drejtohej nga 14 vjeçari Franko Nergjoni, banues në fshatin Bujqës.

Për pasojë janë dëmtuar drejtuesi i biçikletës dhe shoku i tij, Egil Moli, banor i fshatit Bujqës.

Dy të miturit janë transportuar në repartin e kirurgjisë në Spitalin Rajonal të Elbasanit për trajtim mjekësor.

Burime spitalore konfirmuan se ata ndodhen jashtë rrezikut për jetën.

Në vendngjarje shkoi policia që kreu veprimet proceduriale.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin

Mjeti përplas për vdekje këmbësorin.

Ngjarja ka ndodhur në Çukas të Lushnjes.

Viktima është identifikuar si Namik Halili 63 vjeç nga Durrësi.

Shoferi i mjetit Genci Ismaili.

Në vendngjarje ka shkuar policia.

Fier/Informacion paraprak

Rreth orës 12:55, në aksin rrugor “Lushnjë-Berat”, shtetasi G. I., 54 vjeç, duke drejtuar automjetin, ka përplasur shtetasin N. H., rreth 63 vjeç, këmbësor.

Si pasojë e dëmtimeve, shtetasi N. H. ka humbur jetën në vendngjarje.

Shërbimet e Policisë shoqëruan drejtuesin e automjetit, shtetasin G. I., në Komisariat, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Aksident në Korçë. Mjeti përplas këmbësorin, pastaj përplaset me një pemë.

‘Rreth orës 12:30, në lagjen nr. 7, automjeti tip “Benz”, me drejtues shtetasin Erson Çyçllari, 30 vjeç, ka përplasur shtetasin H. S., 70 vjeç, këmbësor, i cili është transportuar në spital dhe është në kujdesin e mjekëve.

Drejtuesi i automjetit është shoqëruar në Komisariatin e Policisë Korçë, për kryerjen e veprimeve të mëtejshme procedurale.

Ndërkaq, grupi hetimor është në vendngjarje, ku vijon punën për të përcaktuar shkakun e aksidentit’, njofton policia.

Një aksident ka ndodhur mbrëmjen e kësaj të marte në aksin Korçë – Bilisht, në afërsi të fshatit Dishnicë.

Mësohet se një mjet ka dalë nga rruga duke u përplasur më pas me murin e një banese në anë të rrugës.

Ambulanca në vendngjarje ka marrë një person, ndërsa ka mbërritur dhe policia për zbardhjen e rrethanave.

Merr flakë një mjet i parkuar në lagjen nr 8 të qytetit të Korçës në afërsi të pazarit.

Zjarri në makinë ka rënë në pjesën e përparme.

Aktualisht në vendngjarje ndodhet një zjarrfikëse dhe policia e cila po zbardh ngjarjen.

Policia e Mirditës, në bashkëpunim me Forcën Kombëtare të Sigurisë Njësia Tiranë, ka realizuar një operacion të suksesshëm për shpëtimin e një shtetaseje të moshuar që kishte mbetur e bllokuar në lumin Fan. Lumi kishte dalë nga shtrati për shkak të punimeve për hapjen e digës së një hidrocentrali, duke e bërë situatën të rrezikshme për gruan nga fshati Rrosfik.

Sipas njoftimit të policisë, situata u raportua menjëherë dhe shërbimet e emergjencës u angazhuan me urgjencë. Njësitet e Policisë arritën në vendin e ngjarjes dhe, pas një operacioni të shpejtë dhe të koordinuar, arritën të nxirrnin të moshuarën nga zona e bllokuar dhe ta dërgonin në banesën e saj në gjendje të mirë shëndetësore.

Përfaqësues të forcave të sigurisë shprehën se ndërhyrja e tyre ishte e domosdoshme për të garantuar sigurinë e shtetases së moshuar, e cila ishte në rrezik për shkak të rritjes së nivelit të ujit dhe kushteve të vështira.

Shtetësja ka falënderuar shërbimet e Policisë për ndihmën e dhënë dhe për profesionalizmin e treguar gjatë gjithë operacionit. Ky rast ka theksuar rëndësinë e shpejtësisë dhe efikasitetit në situata emergjente, si dhe bashkëpunimin e ngushtë ndërmjet institucioneve për të mbrojtur jetën dhe sigurinë e qytetarëve.

Aksident në aksin Shushicë-Fushë-Buall në Elbasan. Mjeti bie në humnerë, humb jetën drejtuesi Nazmi Boja 56 vjeç.

Për gjetjen e mjetit u angazhuan ekipet e zjarrfikësve të Elbasanit, emergjencat civile dhe të alpinizmit të kërkim shpëtimit malor.

Terreni malor e ka bërë të vështirë vështirë punën e grupeve të kërkimit.

Për këtë arsye, eshte kerkuar ndihma e Emergjencave Civile në Tiranë të cilat kanë dërguar një helikopter të ndihmës së shpejtë.

Më në fund mjeti është lokalizuar, por fatkeqësisht drejtuesi kishte dnërruar jetë.

Vijojnë hetimet për shkaqet e aksidentit.

Një aksident i rëndë automobilistik është regjistruar këtë të premte në rrugën e ish-Kënetës që lidhet me Unazën e qytetit të Durrësit.

Mësohet se një automjet, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.

Gjatë devijimit, automjeti fillimisht ka aksidentuar një biçiklist, një këmbësor, një motor dhe një automjet të parkuar, për t’u përplasur më pas me fasadën e një lavazhi automjetesh.

Burime bëjnë me dije se drejtuesi i automjetit dhe pasagjeri në automjet kanë marrë dëmtime dhe janë dërguar në spital, ndërsa personat e tjerë të përfshirë në aksident nuk kanë lëndime serioze.

Një aksident është regjistruar në Vlorë. Mjeti përplas një këmbësore, 49-vjeçe.

Ngjarja ndodhi rreth orës 10:30 në aksin rrugor “Vlorë-Babicë e Madhe”.

E lënduara u dërgua në spital.

Në vendin e ngjarjes shkoi policia.

Po punohet për zbardhjen e rrethanave të aksidentit.