Monika Kryemadhi u paraqit sot në SPAK për masën “detyrim paraqitje”, ndërsa iu përgjigj akuzave për shpenzimet me karta krediti, duke theksuar se çdo informacion është në duart e prokurorisë.

“Nuk më intereson më se çfarë thotë zoti Meta. Jam e qetë në ndërgjegjen time, nuk kam asnjë kompleks,” u shpreh Kryemadhi para gazetarëve.

Ajo tha se i ka kërkuar bankës një përputhje të shpenzimeve me të dhënat e sistemit TIMS dhe nënvizoi se çdo kartë që ka përdorur ndodhet në SPAK:

“Sa herë del ndonjë lajm për lifestyle-in tim, fshihet ndonjë çështje droge. Sigurisht, lifestyle-i im klikohet më shumë,” shtoi ajo, ndërsa lëshoi edhe një mesazh të fortë:

“Shpresoj që në prehrat e Elbasanit, u djegshin të gjithë ata që e stimulojnë këtë.”

Monika Kryemadhi ka postuar një video në rrjetet sociale ku ka postuar videon e këngës së Kanitës në festivalin ‘’Kënga magjike’’. Disa reshta të këngës janë: si munde ti, në shpirt më ke vra.

Postimi i Monika Kryemadhit

Si munde ti…
Si më ke vra, në shpirt më ke vra…
Si munde ti…
Sikur kristal, në copa m’ke nda…

Është zbardhur dëshmia në Apelin e GJKKO-së e Presidentit të Partisë së Lirisë, Ilir Meta, i cili ka kërkuar lirimin nga qelia.

Ilir Meta ka deklaruar para togave të zeza se akuzat për mosdeklarim pasurie i konsideron tendecioze, pasi sipas ish-kreut të Shtetit, me plotësimin e formularëve të pasurisë është marrë ish-bashkëshortja, Monika Kryemadhi.

Meta theksoi se shumica e pronave dhe llogarive bankare janë të Monika Kryemadhit, duke shtuar se “Unë kam qenë në mirëbesim të plotë se ajo çdo gjë e bënte sipas ligjit”.

Ish-Presidenti i vendit deklaroi se nuk mban përgjegjësi për shpenzimet e familjarëve, përfshirë ish-bashkëshorten dhe ish-vjehrrën e tij.

“Lidhur me pretendimet për mosdeklarime të shpenzimeve, i konsideroj tërësisht tendencioze. Së pari, nuk mund të mbaj unë përgjegjësi për çdo shpenzim apo pakësim llogarish të familjarëve të mi apo edhe të ish-gruas dhe ish-vjehrrës time.

Së dyti, siç e kam shpjeguar në SPAK me plotësimin e formularëve të pasurisë merrej ish-bashkëshortja ime , e cila i ndiqte edhe me avokat edhe me noter të gjitha veprimet, edhe për arsyen se shumica e pronave dhe rrjedhimisht llogarive bankare ishin të saj dhe i ndiqte ajo. Unë kam qenë në mirëbesim të plotë se ajo çdo gjë e bënte sipas ligjit.

Unë asnjëherë nuk kam refuzuar si individ të bëj deklarimin sipas nenit 5 të ILDKPI. Po kështu, sipas nenit 22 të ILDKPI nuk mbaj përgjegjësi për deklarimin e familjarëve dhe po kështu asnjëherë nuk kam patur sipas nenit 32 as njoftim dhe as gjobë, as nga ILDKPI dhe as nga Tatimet.

Si përfundim Zonja Gjykatëse, pas këtyre shpjegimeve që ju dhashë, unë kërkoj nga ju që me vendimin e sotëm të respektoni Kushtetutën, Konventën Europiane të të Drejtave të Njeriut, parimin e prezumimit të pafajësisë dhe një proces të rregullt ligjor për të ardhmen”, u shpreh Ilir Meta.

Gjykata e Posaçme Kundër Korrupsionit dhe Krimit të Organizuar është tërhequr për të dhënë vendimin për vlerësimin e masës së sigurisë për Ilir Metën, Monika Kryemadhin, Piro Xhixho dhe Ema Çokut.

Në një video të siguruar nga ABC News, shihet që Monika Kryemadhi vendimin për vlerësim masës po e pret në hollin e gjykatës.

Akuzat për Metën, Kryemadhin dhe të tjerët:

Ilir Meta, masa e sigurimit personal  “Arrest në burg”,  i dyshuar për kryerjen e veprave penale; “Korrupsioni pasiv i funksionarëve të lartë shtetërorë ose të zgjedhurve vendorë”  në 3 raste nga të cilat në dy raste është kryer në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim dhe më shumë se një herë, dhe “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi që ka detyrimin ligjor për deklarim”.

Monika Kryemadhi, masa e sigurimit personal “Detyrim për t’u paraqitur në policinë gjyqësore”, e dyshuar për kryerjen e veprave penale; “Korrupsioni pasiv i funksionarëve të lartë shtetërorë ose të zgjedhurve vendorë”  në 2 raste dhe në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim, dhe “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi që ka detyrimin ligjor për deklarim”.

Piro Xhixho, masa e sigurimit personal “Arrest në shtëpi”, i dyshuar për kryerjen e veprës penale “Korrupsioni pasiv i funksionarëve të lartë shtetërorë ose të zgjedhurve vendorë”, e kryer në bashkëpunim.

Ema Çoku, masa e sigurimit personal “Detyrim për t’u paraqitur në policinë gjyqësore”, e dyshuar për kryerjen e veprës penale të “Pastrimi i produkteve të veprës penale ose veprimtarisë kriminale” e kryer në bashkëpunim.

“Monika Kryemadhi është tashmë ish-bashkëshortja ime dhe sot kam ndjekur edhe rrugën juridike për këtë ҫështje dhe kam njoftuar edhe djalin tim Besar Ilir Meta”.

Kjo ishte deklarata e presidentit të Partisë së Lirisë Ilir Meta, e cila solli mjaft reagime dhe haludime, pasi ky vendim vjen pas hetimeve që Prokuroria e Posaçme po kryen ndaj Metës dhe Kryemadhit, të cilët janë nën hetim pasuror.

Ka qenë vetë Ilir Meta, ai i cili e ka marrë i pari hapin për divorc, referuara edhe dokumentit të siguruar nga Vizion Plus.

Por, ndonëse në opinionin publik nga gazetarë të ndryshëm është hedhur ideja se çifti prej disa muajsh nuk jetojnë më me njëri-tjetrin, kjo kërkesë për divorc duket se nuk ka qenë e mirëpritur nga të dy.

Monika Kryemadhi e pyetur nga Zëri i Amerikës për këtë vendim të Metës, ka thënë se do të flas në një momet të dytë, kur të mësoj arsyet e vërteta që çuan ish bashkëshortin e saj drejt kësaj rruge, kërkesës për divorc të depozituar këtë të enjte në Gjykatën e Tiranës.

Në një intervistë për një emision televiziv, Monika kryemadhi foli për rezolutën antikorrupsion dhe refuzimin e opozitës për këtë rezolutë.

Kryemadhi tha se opozita duhet të kishte reflektuar nga bojkotet dhe se bojkotet nuk janë të vlefshme.

“Pasojat e dy veprimeve kriminale, vetëvrasëse për opozitën më bëjnë të reflektoj për këtë vendim. Ajo që dua të them është djegia e mandateve duhet t’i vlejë opozitës. Por pse vjen ky bojkot? Mendoj nga skepticizmi që ndërtohet. Ne duhet të gjejmë pikat e përbashkëta dhe jo tek pazaret, por tek ato që janë në shërbim të qytetarëve. Bashkëpunimi parlamentar mund të ç’tensionojë situatën”, tha ajo, duke shtuar: “Opozita duhet të nënshkruajë kartën e parimeve të opozitës”.

Me tone të ashpra kreu i PL-së, Ilir Meta, këmbënguli në Partinë e Lirisë ka nepotizëm. Në fjalën e tij në mbledhjen e Komitetit Drejtues Kombëtar tha se më 27 prill do të ekzekutojnë nepotizmin.

Ai u shpreh i bindur se në kryesinë e Partisë së Lirisë nuk do të ketë dy njerëz nga e njëjta familje. Sipas tij, do jetë vota që do të vendosë kush do të qëndrojë në kryesi, ai apo Kryemadhi.

Meta tha se problemi kryesor në PL nuk është Monika Kryemadhi, por janë disa persona që sipas tij kanë përdorur lidhjen mes saj dhe Metës për të mos marrë përgjegjësi.

“Më vijnë në zyrë e më thonë se kemi hallin e Monës, çfarë po i ndodh Monës? Mona është zemra jonë, është deputete, mund të jetë prapë deputete, nuk ka asnjë problem. Nuk është problem i Monës problem më i madh në parti. Ata nuk kanë hallin e Monës, po kuptojnë që në parti po fillon rregulli. Për të gjitha ata që kanë hallin e Monës, Mona është yll bote. Mbase mbas statutit mund të votohet për në Kryesi dhe unë me shumë kënaqësi do vijoj të shërbej në komisionin e bujqësisë, por kjo historia e Monës nuk është e Monës, por e atyre që kërkojnë që në këtë parti të ketë kaos, të ketë kakofoni, të mos ketë llogaridhënie, organizim, axhendë, afate, lista të qarta votuesish. Me sa duket u pëlqen të rrinë në opozitë.

Këtu nuk është problemi të rrimë në opozitë, por për të shpëtuar Shqipërinë nga një bandë që ka zënë për fyti dhe kërkon të përzërë këta të rinjtë që kanë mbetur.

Partia do të ketë demokraci maksimale që të flasë kushdo dhe të dëgjohet, ama kur vjen tek vendimet që merren me vendim në mënyrë demokratike, pastaj ka ekzekutim vendimesh”, tha Meta.

Duke e cilësuar nepotizmin një problem madhor, që ka përfshirë jo vetëm partinë e tij por edhe institucione shtetërore dhe SPAK-un, Meta foli për përpjekje për izolimin e tij.

“Njeriu që kujdesesh për imazhin tim për ta izoluar Ilir Metën për ta futur në kuadrate. Në 27 prill ekzekutojmë nepotizmin, jo njerëzit, ne ekzekutojmë fenomenin se nuk mund të jetë më biznes familjar dhe ne kemi shumë raste të nepotizmit. Ka mendim të mirë për SPAK-un kohët e fundit dhe reformën në drejtësi për ramaformën. Por kulmi i nepotizmit është në drejtësi. Në një prokurori 7 veta nga një familje. Japim sot shembullin se kështu do të jemi nesër në qeverisjen e vendit. Rrethimi i vogël i Ilir Metës mbaroi”.