Shërbimet e Komisariatit të Policisë Durrës kanë arrestuar një 31-vjeçar, i cili dyshohet se mori me dhunë automjetin e një shtetasi 24-vjeçar në rrugën e Sektor Rina, Fllakë.

Pas njoftimit, policia organizoi menjëherë veprimet hetimore dhe arriti të identifikojë dhe kapë autorin, shtetasin E. A., banues në fshatin Fallkë, Durrës. Ai u vu në pranga për veprën penale “Vjedhja me dhunë”.

Policia e Tiranës ka arrestuar një 40-vjeçar, i kërkuar për dy akuza të rënda, “Heqja e paligjshme e lirisë” dhe “Shtrëngimi për dhënie pasurie me anë të kanosjes ose dhunës”.

Ai akuzohet se, në bashkëpunim me shtatë persona të tjerë, ka rrëmbyer dhe kanosur një 35-vjeçar në korrik 2024, me qëllim përfitime financiare.

Arrestimi është realizuar nga specialistët e Sektorit për Hetimin e Krimeve të Rënda dhe Forcën e Posaçme “Shqiponja”, bazuar në informacionet e siguruara nga inteligjenca informative.

Ky operacion është pjesë e hetimeve të zhvilluara në kuadër të operacionit “The Debt”, ku u arrestuan katër persona, ndërsa tre të tjerë janë vendosur në “arrest shtëpie”.

Policia ka arrestuar gjykatësin Suprem, Nake Georgiev mbi dyshimet për mit marrje. Në rrethana jo zyrtare mësohet se ai dyshohet për marrje ryshfeti prej 10.000 eurove.

Prokuroria Publike nuk jep informacion. Nga Ministria e Punëve të Brendshme njoftojnë se gjykatësi do të përgjigjet për veprën penale “marrje të shpërblimit për ndikim të jashtëligjshëm”

“Sot është privuar nga liria gjykatësi i Supremes nën dyshimin për kryerjen e veprës penale “Marrje të shpërblimit për ndikim të jashtëligjshëm”. Gjykatësi është arrestuar në vendngjarje duke kryer veprën penale”, thonë nga policia.

Sipas burimeve jo zyrtare, Georgiev ka përdorur ndikimin e tij dhe ka premtuar masa lehtësuese ndaj ish kryetarit të Novo Sellës, Boro Stojçev.

Nuk dihet nëse ndaj tij është kërkuar masa e paraburgimit, por për shkak të imunitetit, kërkesa për masa kujdesi ndaj tij duhet të adresohet në Këshillin Gjyqësor i cili duhet të vendos në mbledhje urgjenten brenda 24 orëve. Përveç heqjes së imunitetit, këshilli duhet të jep pëlqim edhe për paraburgimin, që nënkupton dy kërkesa të cilat duhet proceduar urgjentisht derisa adresohen në këshill. Referuar dispozitave ligjore, Gjykatësi i arrestuar ka të drejtën që të mos e vë në funksion imunitetin dhe kështu varësisht kërkesës së organit të akuzës, ai të përfundon më masa kujdesi si paraburgim apo edhe masa më të lehta.

Burime të Alsat bëjnë të ditur se në Gjykatën Supreme nuk ka pasur kontroll nga policia, por nuk përjashtohet mundësia e kontrollit me qëllim mbledhjen e dëshmive të cilat vërtetojnë veprën e mundshme penale.

Nake Georgiev vitin e kaluar u zgjodh anëtar i Këshillit Gjyqësor, por për shkak se edhe i biri i tij u zgjodh gjykatës penal, Georgiev dha dorëheqjen. Georgiev si gjykatës Suprem u zgjodh në vitin 2020, ndërsa mbulon çështjet civile.

Psikologe Eriona Hoxha ishte mëngjesin e kësaj të premte e ftuar në një emision televiziv, ku foli për ngjarjen e ndodhur ditën e djeshme në Tiranë, ku babai një të mituri mbajti me forcë në makinë një 14-vjeçar i cili ishte konfliktuar me të birin.

Psikologia tha se ky ka qenë një veprim shumë i nxituar nga ana e babait dhe krejtësisht i gabuar, pasi ai është një person i rritur që mund të gjente mënyra të tjera për të zgjidhur çështjen.

“Më adoleshentë është treguar babai. Nuk është ajo mënyra, ai mund të merrte 100 teknika të tjera mund të zgjidhte të fliste me shkollën, me prindërit. Ai është njeri i rritur është 50 vjeç. Ne na ndodh rëndom që nuk e shikojmë problemin që mund të jetë te ne apo te fëmija.

Prindërit tani dëgjojnë fëmijën, nuk hulumtojnë nëse fëmija po i gënjen apo jo dhe marrin këto iniciativa ku kemi parë të goditen mësuesit, njerëz të tjerë afër tyre. Tani u jepet kaq shumë të drejtë fëmijëve dhe nuk po komunikohet më. Babai mund të kishte zgjedhur të fliste me të dy të miturit aty në këmbë”,-tha psikologia.