Një 36-vjeçar në Gjirokastër ka rënë në prangat e Policisë, pasi ka aksidentuar për vdekje një 71-vjeçar që po lëvizte me biçikletë.

Përmes një njoftimi, Policia bën të ditur se ngjarja e rëndë ndodhi mbrëmjen e djeshme në aksin rrugor “Këlcyrë-Përmet”.

Po ashtu, në njoftimin e Policisë bëhet e ditur se 36-vjeçari në momentin e aksidentit ishte duke drejtuar automjetin tip furgon në gjendje të dehur.

Njoftimi i Policisë:

Drejtoria Vendore e Policisë Gjirokastër-Specialistët e Seksionit të Trafikut Interurban dhe Urban arrestuan në flagrancë shtetasin D. B., 36 vjeç, banues në Përmet, pasi mbrëmjen e djeshme në aksin rrugor “Këlcyrë-Përmet”, duke drejtuar automjetin tip furgon në gjendje të dehur, ka aksidentuar shtetasin R. N., 71 vjeç, banues në Përmet, i cili po lëvizte me biçikletë. Si pasojë 71-vjeçari ka humbur jetën në spital.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

I riu përplas për vdekje 70-vjeçarin në Shkodër, shoqërohet në polici.

‘Rreth orës 19:35, në lagjen Draçin, shtetasi Valter Doçaj, 21 vjeç, duke drejtuar automjetin, ka përplasur këmbësorin, shtetasin Pal Biçuku, 70 vjeç, i cili si pasojë e përplasjes ka humbur jetën në vendngjarje.

Shtetasi V. D., u shoqërua në Komisariat për veprime të mëtejshme.

Grupi hetimor po punon për sqarimin e plotë të rrethanave të aksidentit’, njofton policia.

Një 41-vjeçar është arrestuar nga policia në Elbasan.

Ky shtetas, me automjetin që drejtonte ka përplasur një këmbësor 94-vjeçar. Si pasojë, i moshuari humbi jetën në spital.

Ngjarja e rëndë ndodhin të dielën në rrugën “Qemal Stafa” të qytetit të Elbasanit.