Greqia është përfshirë nga moti i keq. Nga rrëshqitjet e dheut është mbyllur autostrada Patras-Korinth në Aigios. Për pasojë qindra drejtues mjetesh kanë mbetur të bllokuar në automjete.about:blank

Reshjet e dendura të shiut shkaktuan rrëshqitje dheu në kilometrin e 162-të të rrugës nacionale Patras-Athinë, shkruajnë mediat greke.

Stuhia e fortë e breshrit shkaktoi rrëshqitje dherash në zonën e djegur gjatë verës, si pasojë e ndërprerjes së trafikut nga rruga me pagesë Eleonas deri në kryqëzimin e Kalavritës në Autostradën e re Kombëtare, me drejtim të Athinës.

Një tjetër zonë e prekur nga reshjet e shumta tëshiut është ajo e Akaisë dhe Kleitorias.

Një person ka vdekur dhe shumë të tjerë janë plagosur në La Chaux-de-Fonds, në veriperëndim të Zvicrës, pasi një stuhi e fortë goditi zonën dhe shkaktoi dëme. Burri që u vra u shtyp nga një vinç në zonën e stacionit të trenit, tha policia e kantonit Nechatel.

Sipas shërbimit meteorologjik të Zvicrës, ishte një tornado e kombinuar me një stuhi të masës ajrore që u krijua përgjatë vargmalit malor Jura dhe goditi La Chaux-de-Fonds, afër kufirit francez.

Operacioni i shpëtimit dhe heqjes së mbeturinave vazhdon. Policia u bëri thirrje banorëve të kenë kujdes të shtuar pasi rrezikohen nga rënia e pemëve apo çative. Autoritetet paralajmëruan gjithashtu se një stuhi tjetër pritet në Nechatelle dhe veçanërisht në La Chaux-de-Fonds dhe u bëri thirrje qytetarëve që të qëndrojnë brenda shtëpive të tyre dhe të shmangin daljen jashtë.

Automjetet u shkatërruan plotësisht, çatitë u hoqën nga shtëpitë dhe pemët u shkulën. Për shkak të motit të keq, në zonë ka probleme edhe me linjat e trenave.