Ministrja e Infrastukturës dhe Energjetikës Belinda Balluku është shprehur përmes një njoftimi në rrjetet sociale se në përgjigje të motit të keq që ka përfshirë vendin në terren janë angazhuar me kapacitete të plota të gjitha strukturat.about:blank

Ajo u shpreh se intensiteti i lartë i reshjeve të dëborës ka krijuar vështirësi në disa prej akseve rrugore, ndërsa u shpreh se rekomandohet përdorimi i gomave dimërore dhe pajisja me zinxhirë në të gjitha zonat ku janë regjistruar reshje dëbore.

Sa i përket furnizimit me energji elektrike dhe ujë të pijshëm, Balluku theksoi se mbi 1500 punonjës janë angazhuar në terren në të gjithë vendin nga ana e OSSH për menaxhimin e situatës dhe ndërhyrjen në një kohë sa më të shpejtë për çdo problematikë, ndërsa situata e furnizimit me ujë paraqitet normale.

Po ashtu në portet dhe aeroportet e vendit nuk janë evidentuar problematika nga përkeqësimi i kushteve atmosferike.

Kryeministri Edi Rama ka reaguar në lidhje me situatën e krijuar për shkak të motit të keq.

Përmes një mesazhi në ‘Facebook’ Rama theksoi se të gjitha strukturat janë në terren, për të siguruar kthimin në normalitet.

MESAZHI I RAMËS:
MOT I RËNDUAR ???????
Të gjitha strukturat shtetërore në terren për të siguruar kthimin në normalitet????????
???????????????? Drejtuesit e automjeteve të evitojnë lëvizjet e panevojshme dhe të respektojnë me përpikmëri rregullat e qarkullimit rrugor????